هلا والله ومليون هلا .. هلا بكندا وريحة أهل كندا هلا

أثركم مغير ترجفون في هالبرد .. !!! الله يكون في عونكم وان تسان ودك بالدفأ وانا أخوك ابد انت أشر وأنا وأبو هيا وأبو لما نطامر وماللك الا نجيك انا اصير على يسارك وأبو لما على يمينك ( عند الوجار ) وأبو هيا يقابلك .. وأبشر والله بالدفوة اللي مابعدها دفوه وعلى فكرة لا تنسى تعزم أبو ريمان معنا .. علشان نجي نغمسه في الثلج تقل شابوره وعندها لا مهب ينفع ولا أبو لما يغيث !!!!!

نرجع حق محور حديثنا ========>> صــــــــااااادوووه

ياحليل كندا والله اللي رجعتك مبدعا كما عهدناك .. ونعيدها للمرة المليون طعش سامي لن تمسه خربشات من سموا انفسهم بالصحفيين !! وياما وياما تعرض سامي لخربشاتهم ولم تزده الا قوه ........ الحين بصراحة استغرب توجيه الحملة ضد سامي وغير من اللاعبين يحتاجة الفريق ومغير مايلعب الا مباريات ودية ولا تكريمية !!!!!! بالعقل ياناااااس !!!

اجل الخليجية والاسيويه والدوري علمها عند سامي .. والله كفو يااااشيخ .. وقدها وقدود والله ;) ;) ;) ;)

تحيـــــاتي لك يالكنداوي

** ياهلا ومسهلا بـHilali From Canda وحمد الله على السلامة ،،،

ياخوك الله يعين الثيران اللي وش كثرهم على الماتادور اللي لعب في حسبتهم ولحٌقهم بعض على ميادين النزال..

رائع هذا الربط بين (( الـمـاتـادور )) وبين ذئب الكرة السعودية .. كلهما قوي وتستحيل هزيمته وكلاهما له من الضحايا ما يكفي لتنصيب الماتادور وسامي زعيمين في مجاليهم وقاهرين لأقسى الظروف وأعتى المنافسين ..

إقتباس - عندي لكم سر بيني و بينكم , بس لا يدري ابو هيا ترى الخليجيه و الاسيويه و الدوري

الـــــلــــــــه يسمع منك وياحبي لهالتفاؤل والروح العالية ..


** على فكرة ،، وين صورة الجراند شيروكي بين طعوس هالثلج ;) .. لا يكون حدرها بس ..

تحيـــــــــــــــــــاتـــــي،،،،
---------------------------- ---------------------------- ---------------------------- ----------------------------

أخوكم،
أبوسعد

إقتباس إقتباس من مشاركة فــــــهـــــــد 15 يعطيك العافيه والف شكر تحياتي.

إقتباس إقتباس من مشاركة فاهم جدا الغالي هلالي فروم تسـنـدا تصدق اني داخل بفروة بموضوعك .. وششششش ذذذذا البببببردددد :p يعني على كذا العزابية والمطفرين يمديهم يفرزنون الدجاج هنيا تعرف الثلاجات سعرها حار شوي .. نرجع حق محور حديثنا .. نحن لا نطالب إطلاقا بتكميم الأفواه .. فسامي او الثنيان او نواف او او او .. ليسوا فوق النقد .. ولكن ما ان يأتي ذلك النقد في ( غير ) وقته ( وغير ) داعيه .. ؟؟ هنا يكمن الإستغراب والإستعجاب .. ومادمنا في سامي الآن .. فبرأيي أنه هو الذي ما زال موجدا ً هيبة الفريق .. بعيدا عن مباراة الرائد .. بدليل انه اذا تحرك تحرك الفريق .. واذا استكان استكان الفريق .. ننتظر عودة نواف واكتمال ( امتزاج ) الفريق اكثر .. وبإذن الله ان الفريق سيخرج في الوقت المناسب .. قفلة : فريق والفريق وفريق .. وش السالفة .. كل ذا برد يعني

رائع يا هلالي من كندا

بكل صراحة و بدون اي مجاملة موضوعك من اجمل المواضيع اللي شاهدتها

الله يعينكم على مربعانيتكم

اخوي هلالي

الحق عمرك

ترا ابو صفيرة يبي يرفع عليك دعوى

يقول انك تجند الكنديين عشان يشجعون الهلال
وانك قلبت كندا مقر لجذب الجماهير
الحق على عمرك

===============================

حقيقة مقال أكثر من راااااااااااااااائع

وتحياتي لك يا استاذي

هلا بالغالي Hilali From Canada

والله خوش مربعانية عندكم في كندا

بس عندي لك سؤال : عندكم فقع ( كمأ ) في كندا ؟؟

مااتوقع والله

تحياتي لك

هلا والله بالكنـداوي ..


عز الله اللي عرف تختار لهم لقب وهو الثيـــران .. لا و ثيران دلوخ يروح يلحق الماتدور !!

لكن زي ماقلت ابوعبدالله يجيه ثور وراء ثور .. ويرحون ويبقى ابوعبدالله في القــمه دائما ..

ومربعانيتكم ذي في الصيف تجينا في امريكا >>>>> يسمع بامريكا


تحياتي يالغالي ..

ياهلا فيك هلالى من كندا .. ... معك اخوك مساعد من الرياض <<<<<<ماعنده هرجه فقام يتفلفس..ودى اجيب الثيران تنطح بعض اللى عندنا واكيد انا بكون من الجمهور اللي يصفق (للثور طبعااااااا) وبالنسبه للجماهير ، ترى الجماهير والله مع الهلال قلبا وقالبا وصندوقاويمكن ارائهم (اللى بعضها مرسله بالبريد المستعجل )نابعه من زود عشقهم للزعيم .....وابشرك دخلت الشبط وبيلحقها عيالها (الللللللللللللللللللله يخارجنا)... وترانى احترى جديدك اخوى هلالى(والمره الجايه نبي دروس عن رمى الجله لانى ودى افقع جبهه بعض الصحفيين اللى يهاجمون سامى وبعض رموز الزعيم والواحد منهم مايفرق بين التسلل ورميه تماس ) ... نقرى مقالاتك الجديده على خير اخوى هلالى...

الأخ الهلالي الناقد :
يا عزيزي سامي حتى لو يجي للملعب بثوب و شماغ
سيظل فاقع مرارة ناس واجد كتيــــــــــــــــــــــر مره ;)

الأخ فهد 15
شكرآ لك عزيزي ,

الأخ abu_riman :

إقتباس هلالي فروم كندا وشلونك

لوني ازرق
بس طاقني البرد

إقتباس بس احترم أبو لما يااااااااااااخي ....

يا حبك للشر
و بعدين و انا اخوك لو ما ذكرت ابو لما انت اكثر واحد عارف وش بيصير
و على بلاطه انا و ابو لما نصلح (------- واحد مهوب خايف ابد

إقتباس بس إذا ربي عطاك مهب الريح على يمينك و أبو لما على يسارك و انت مواجه أبو هيا أقسم بالله ياكلك الحر لو إنك في عز المربعانية فوق طعس بالثمامة مواجه الشمال ...

ههههههههههه
انا اشهد و الله , خصوصآ لما يكون كل واحد منهم طاق له صحن مرقوق بالقفر , و محلي بصحن حنين يحبه قلبك ( ------ انواع الطاقات الحراريه و الغير حراريه

الله يذكركم بالخير جميعآ

الأخ أفتخر إني هلالي :

إقتباس OLAY

يعني اويلاوووووووووه بالأسباني

إقتباس يالله إنك تحييه

الله يحييك و يبقيك ;)

إقتباس سامي قضية في كل الأحوال .. قضية في حضوره وغيابه .. فهو أسطورة وهذا هو حال الأساطير

صح لسانك و انا اخوك , و الله يقرب موعد رده على منتقديه و محاربيه ;)

إقتباس يا زين مربعانيتكم والله على الأقل تجمع الثلج وترجم أخوياك

ههههههههه
اقول اشوى ان ما عندكم بالرياض ثلج و الا كان علووووووووم

الأخ فاهم جدا :

إقتباس تصدق اني داخل بفروة بموضوعك

يا حليلك وشو فروته , اذا ما تدخل و انت لابس ثلاث بيجامات و اربع شراريب و ثوبين صوف و داق اللطمه و حاط فوق راسك (قحفيه) ----- ترجمتها عند ابو ريمان
و الا ما يصلح و انا اخوك ;)
عمومآ اقلط و الله يحييك على قل الكلافه ;)

انا بأعتقادي الشخصي و المتواضع ان سامي وصل لمرحله قد تصل كثيرآ لفوق النقد ;)
يعني بشكل مبسط , مثل محمد عبده مهما نزل شريط سواء كان راقي او يشوبه الكثير من علامات الإستفهام , فسيضل مكتسح الأسواق و الأذواق ;)
ليس مجرد تمجيد لسامي فقط دون غيره , و انما لكون سامي يعتبر رمز هلالي بكل ما تحمله الكلمه من معنى , و لكونه حامل اختام بطولات الهلال للمصادقه عليها منذ عام 1410 هجري ;)
من هذا المنطلق اقول قد يكون سامي فوق النقد و هذا من حقه علينا كجماهير افرحنا مرارآ و تكرارآ ;)

إقتباس فريق والفريق وفريق .. وش السالفة .. كل ذا برد يعني

اي و الله وش السالفه

الأخ falcon1515 :

إقتباس حياالله راعي القصب

الله يحييك و يبقيك ;) ;)

إقتباس الهلال موعده مع هالفرق في المربع ياهوووو بيلعب في مرارتهم وتشوف

انشاء الله , و بحول الي ما تنام عينه , ان الزعيم بيخليهم يشوفونه في منامهم


تحياتي ,,,,,,,,,,

هلا بيك وبطلتك الحلوه يابعدي

للي ما يعرف تاريخ الهلال , اقوله ترى بطولات الهلال الكثيره و الكبيره ما جت الا بعد هزه كثيره و كبيره
يعني تعوذوا من ابليس , و الوعد قدام انشاء الله . الوعد قدام وبتستبشرون قريبا بأذن لله
ببطوله وقولوا ما قالهااااااااااااااا canada2002

مهما صار ومهما قالوا عنك ستظل ياسامي الجابر كبير كبير يازينك... والله لايحرمنا منك يارب ... انت من افرحتنا وانت لك بصمه في كل بطولات الهلال فاقول من القلب شكرا شكرا سامي يأحلا الاسامي (والوعد قدام يامنتقدين سامي )

تحياتي لك Hilali From Canada

على طاري البرد شف درجه الحراره عندنا وتحكم والله تقل بساس قاعدين ببيوتنا من الجميد
شف درجه الحراره عتدنا تحت وتحكم

Hilali From Canada
أول شيء الحمدلله على وصول لك بالسلامة .. وثاني شيء نأسف لهذا التأخر
أكثر رياضة تثير في نفسي الأشمزاز أن جاز تسميتها رياضة وتصدق دائما كنت أتمنى أن يكون هذا الماتادور
مكان الثور ولكن بعد سردك الرائع هذا أنعكست الصورة في ذهني وجازت لي السالفة حسبي الله على عدوينك
رغم كل شيء فسامي على العكس لا ينقل هؤلاء الثيران ( الى المسلخ ) بل ينقلهم الى المجد والى الشهرة التي طلبوها عند تسلقهم على أكتاف هذا الفتى النحيل ..
يتسلقون ويرتقون فكم من صحفي عرف بعد سطرين من كتابته عن سامي طبعا في الذم ..
لأنني الحقيقة لا أتذكر أن صحفي واحد أمتدح سامي في مقاله الا نادرا ..
سامي يهدي لهم الذهب على مستوى الوطن في كل مشاركاته .. وهو يهدونه الشوك ..

ياليت لهم مسلخ كان نجرهم له جر


تدف وأنا أخوك زين .. والله يكفيك شر أبوريمان ولقافته
هذا اللي لو يصارع ثور رجع الثور وهو يقول فاضي أضيع وقتي مع ذا

براااااااايفت لأبو لما : الثور يرجع و يقول عن أبو ريمان فاضي أضيع وقتي مع ذا بس انت الثور إلا شافك يرجع و يقول أمي تقول لا تمشي مع اللي أكبر منك !!!!!!!

أنت يا راعي الموضوع تعجبني يوم جبت طاري ذاك و ذاك إيه تكفا ذلهم !!! خلهم يحرمون يجون إذا عزمهم أحد !!!

الحبيب ابو محمد الهلالي :
حياك الله
و مشكور على التواصل و السؤال
لكن الظاهر ان الي العب معهم على قولتك من طقة (((الرائد))) و انت جاي

الأخ هلالي الشعراء :
الله يحييك يالحبيب
و الف شكر على التواصل ,

مهب الريح ( بعد عمري )
خل عنك يالمهب ;)
و الله اني انسدحت و تمزع بطني من الضحك على سالفة الشابوره و ابولما
اثرك منتب سهل ;)
و انشاء الله يكون الهلال و سامي عند حسن الظن يارب يا كريم
اجل شابوره

الغالي ابو سعد :
الله يسلمك و يطول عمرك
و هذا شئ قليل من ما عندكم طال عمرك ;)
اما الشيروكي لا تخاف ذيب , ما ينفع مع الثلج و الطعوس الا هو
المفروض يسمون الشيروكي (( سامي ))


تحياتي ,,,,,,,,,,,

الله يعطيك العافيه على هذا الموضوع الرائع...

وان شاء الله الذيب ما يهرول عبث في الخليجية والاسيوية..

وسلامتكم