إقتباس الرسالة الأصلية كتبت بواسطة ابو اسعد الهلالي لبـىء الروآقة يآ شيخ ... أخيراً لقينآ زعيم ( يحلل بهدو و بعقل و منطق )

تسلم ياغالي كلك ذوق .. ويعطيك العافيه ...وتسلم على المرور ...

الف شكر لك اخوووي موضوع روووعه ....وكلامك منطقي ...والحمدلله على التعادل وان شاءالله يم الخميس نشوووف روووح الهلال ونلعب مستوى ونتيجه

الله يسمع منك اختي والله يوفق الزعيم يارب ...

ومشكوره على المرور ويعطيك العافيه ...

تسلم ع الطرح هذه عقلية الزعماء الرزينه الهادئه اللي متعودين عليها اللي تنتقد بفكر راقي وبعقل ومنطق وتحفز الاعبين ولا تقلل من شأنهم
من فتره والاعضاء تغير منطقهم يتكلمون بدفاشه وبدون منطق والامبالاة واصبح العضو يسأل عن لاعب لانه مالعب وهو مايدري ان هالاعب مصاب ويحللون المباراة ويتكلمون عنها وكنهم يتكلمون عن مباراة ثانيه جمهور الزعيم معروفين بذكائهم وتفهمهم ونقدهم الهادف وتوجيه الاعبين واحترام المواضيع بس من فتره ماادري شو اللي جاهم اللي مايعجبه الاعب في مباراة وحده بس يقول نسقوه واللي يقول مايستاهل والا اذا ماعجبهم الموضوع يسبون الكاتب بطريقه تخلي الكاتب يحرم يكتب مره ثانيه اول كان جمهور الهلال اذا ماعجبهم الموضوع يوجهون الكاتب ويعلمونه اخطائه ويستفيد الكاتب ارجوا ان نرى في الايام القادمه جمهور الزعيم اللي اعتدنا عليهم في طرحهم وتشجيعهم وانتقادهم الهادف
سوري على الاطاله
بالتوفيق للزعيم ياااااااااااارب

والله كلامك كله زين على زين الا مسألة انك تسأل او تطلب من احمد علي او وليد الجيزاني انهم يحترقوا عشان الزعيم لأنه هذا هو مستوهم وهم عارفين هذا الشئ الغلط مو منهم ولا اقول الادارة لكن اقول حظنا كدا انهم جاو مع الزعيم لكن الامل ان شاء الله في رجعت القناص وكذلك المحياني

والله موضوع عقلاني كثير هذا الي مفروض يصير من جمهور الزعيم


مشكور على الموضوع الجميل

يعطيك العآفية أخوي

والحمد لله على كل حآل

,,,

كلااام جمييل اخوي
بالتوفيق للزعيم

مشكووووور اخووي ،، وصحيح صعب في الوقت الراهن اننا نبدل مدرب
لكن مانبي نقول للاسيويه ( نشوفك السنه الجايه ) ملينا ترى

إقتباس الرسالة الأصلية كتبت بواسطة fallaj أولاً : كما تعلمون جميعاً مباراة الليلة كانت جميلة وتحديدا في شوطها الثاني ونجوم الزعيم ماقصروا ... ولو وفق الحكم في قراره في هدف الاهلي لكنا فايزين .. لكن نقول الحمدلله على كل حال .... ثانياً : يجب ان نعلم جميعاً أن الاهلي لعب اليوم بشكل منظم وكذلك يلعب بدون ضغوط .. عكس زعيمنا الذي يرزح تحت وطأة تعدد المشاركات والمحاربة على ثلاث جبهات .. فلاعبينا يلعبوا وهم خارجين من هزيمة غير متوقعه أمام الفريق الايراني .. وقابلوا الاهلي وعينهم على الفوز والصدارة .. ويفكرون في مباراة الخميس في نصف النهائي وأمام المنافس التقليدي ... كل هذه الظروف واقول كثر الله خيركم وننتظر منكم أفضل ... ثالثاً : يجب ان تعلموا ان بعض لاعبي الزعيم للتو راجعين من إصابات وهم الزوري ولي يونق والمحياني وعزيز .. لكن نقول الحمدلله ماقصروا ولعبوا وأدوا ماهو مطلوب منهم من وجهة نظري .. رابعاً : السيد كالديرون ربما لم يوفق في مباراة الفريق الايراني لكنه من وجهة نظري أجاد اليوم ((( وفق الأدوات التي لديه ))) فهجومنا صراحة ليس في تطلعاتنا ونريد أفضل من ذلك .. فوالله لو عندنا هجوم اليوم لخرجنا منتصرين بالثلاثه على الأقل ... فالله يعافيكم أهدؤا قليلاً .. ولاتنسوا ان الهلال بحاجتنا جميعاً ناقشوا الأخطاء بعقلانيه وهدوء .. لكن دون مطالبات برحيل المدرب ليس وقتها ونحن في غضم هذه المنافسه الشرسه ... فهل فهمتومني لاهنتم ...والله يسعدكم دوماً ... :::: مقتطفات :::: شكرا أسامه هوساوي وكثر الله خيرك ماقصرت ...وأستمر يابطل والله يحفظك من الإصابات والحسد ... شكرا ويلهامسون ماقصرت كنت موجوداً في عز إحتياج الزعيم لك .. يعطيك العافيه .. شكرا رادوي ماقصرت ويعطيك العافيه رغم شعورك بالالم اثناء التسخين ومع ذلك شاركت وشاركت بفعاليه وروح ... افتقدناك ياياسر .. ترجع بالسلامه .. وافتقدناك يانواف العابد ... كنت أحس أنها مباراتهم ... لكن نقول الحمدلله ... ماجد المرشدي بالله ياكابتن شد حيلك وعد لنا ذكريات ماجد خليجي .. استفد من أخطائك واستفد من وجودك جانب اسامه ... كالديرون بليز ركز معنا شوي ياكوتش .. المرحلة الجايه هي الحصاد .. والله يوفقك ويوفق زعيمنا .... وليد الجيزاني والمصري ابوعلي نطالبكم بالاكثر والأكثر حتى تستحقوا شعار الزعيم .. أحترقوا من أجله بليز ... إدارتنا بليز أدعمونا بمهاجم محلي عاجلاً .. ولاتنسونا مطلع الموسم المقبل من مهاجم أجنبي باااااارز ... وياليت من نوعية

اهلا وسهلا اخوي
احترم وجهه نظرك وكتابتك تدل على هدوءك ووعيك .. لكن اختلف معاك .
بصراحه مباراه اليوم الشوط الاول سئ لكلا الفريقين ربما الاهلي افضل نسبيا .
الشوط الثاني الهلال سئ لكن الحمد لله ان دفاع الاهلي شوربه والهلال كالعاده لم يستغل فجوات عمق الاهلي ...
العام الماضي ايام جريتس لم ننظر الى اخطاء الحكام ..؟ لانك تفوز لايقل عن هدفين او اقل شي تقدم مستوى ممتاز والاااااان ننظر الى اخطاء الحكام للاسف .. صرنا مثل الجار ..
بصراحه تعودنا نلعب على 3 بطولات من سنين وليست هذي اول سنه بالعكس انا اشوف هالموسم اقل مباريات بعد استبعاد بطوله كاس الامير فيصل للاولمبي ...
المفروض اللاعبين واداره الهلال ما يفكرون في مباراه النصر الا بعد نهايه مباراه الاهلي .. واذا كان اللاعبين يفكرون في مباراه النصر اثناء استعداهم للاهلي فهذي كارثه
نحن نعلم ان اللاعبين توهم راجعين من اصابات ..عزيز والزوري ولي يونغ المحياني
لكن نحن نعلم وشي معروف لدى جميع مدربي العالم ان المصاب لا يلعب من بدايه المباراه في مثل هذي المباريات الحاسمه .
شافي الدوسري مقدم مستويات ممتازه ليش فالاحتياط ..؟
المحياني كذلك مصاب ليه تلعب من بدايه المباراه ..؟
المصاب يرجع تدريجيا اخر 15 دقيقه بعدها 25 دقيقه حتى يتاقلم على اجواء المباريات وخاصتن اللي قعد فتره طويله وهو يتعالج .امثال الزوري والمحياني وعزيز ..

كالديرون لحد الان لم يقدم شي يذكر ..
اللي يقول لحد الان لم نخسر ولا مباراه الا باسيا .. اقوله ان نادي الاتحاد لحد الان لم يخسر فالدوري ولا اسيا .. وبفوزه ع اللرائد راح يكون 6 نقاط
كالدي لم يوفق في مباراته امام الاهلي ..الاداوات التي لديه
المفترض اذا كانت الشكوك حول رادوي بانه مصاب .. لعب عزيز والقرني .. ورادوي احتياط .
المفترض شافي من بدايه المباراه وكذلك المصري او الجيزاني .
المشكله ليست بهجوم الهلال وحتى لو كان ياسر موجود ..
انت لاحظ اخر 5 مباريات الهلال ..
الكرات متبادله من خط الظهير الايمين مرورا لهوساوي للمرشدي للظهير الايسر الى المحور اما الشلهوب او رادوي ثم ارجاعها للدفاع وثم التشتيت او ارجاعها لهجوم الخصم كما حدث للكوري اليوم او اعطاءها لخط الوسط الخصم بدون تعب
المشكله كالديرون واحده فقط وهي عدم معرفه بناء الهجمه اللعب فييه عك كروي عدم تبادل الكره تحس ان اللاعب ما وده يمسك الكوره .. والدليل مباراه الاتحاد وايران ومباراه الاهلي وكذلك الفتح مرورا بمباراه الشباب
ايام جريتس .. الكوره ما تقعد مع اللاعب اكثر من خمس ثواني في رجله مسلمه صح ومستلم صح . تشوف ثلاثه امامه يتحركون واحد خلفه زي ما تقول درع لحمايته في التمرير الخاطئ الحين نشوف اللي معه الكوره يقعد دقيقه يفكر وفالاخير يشووووتها الى وين ...؟ ما يدري . توهق لا معه لعيبه تفتح ولا خلفه درع يحميه في حال التمرير الخاطئ عشان كذا تشوف اللاعب ما وده يمسك الكوره ويتهرب منها .

كالديرون دام انه يعرف الدوري السعودي المفترض عارف كيف يوزع اللاعبييين وعارف نقطه ضعف الفرق السعوديه ..ليش ما تقدم مستوى ممتاز ..؟
والاصابات مكتوب وقدر الله وماشاء فعل .. لكن نعمل الاسباب ..
بعد قدوم كالديرون الاصابات بالجمله ..وحتى حراسنا ما سلموا..

الله يستر من القااااادم ..
ومبروك الاتحاد الدوري

واسف عالاطاله

الرووووووووح الي غايبة قلي من سببها

الله يوفق الزعيم .. قكما ذكرت .. القآدم هو وقت الحصآد .. لاهنت ..!

فالله يعافيكم أهدؤا قليلاً .. ولاتنسوا ان الهلال بحاجتنا جميعاً ناقشوا الأخطاء بعقلانيه وهدوء .. لكن دون مطالبات برحيل المدرب ليس وقتها ونحن في غضم هذه المنافسه الشرسه ... فهل فهمتومني لاهنتم ...والله يسعدكم دوماً ...