أول شي عندي أمل كبير في تحقيق بطولتين على الأقل هذا الموسم ،،

وعندي أمل حتى لو نسبتة 60% نحقق جميع البطولات

( اسيآ + الدوري + كأس ولي العهد + كأس الأبطال )

وهذا الشيء ابداً مو غريب ولاهو شي مستحيل مع زعيم الأندية السعودية والأسيوية

ع العموم كل التوفيق للزعيم اليوم وان شاءالله نفرح اليوم في الفوز ،،،
،،


على شآن مااطول عليكم بأدخل في الموضوع على طول

اليوم الصبح دخلت اليوتيوب ولفت نظري مباراه ريال مدريد ومالقا 7 - 0

ومباراه الهلال والاهلي الدور الأول وايضاً مباراتنا في كأس ولي العهد إلي لولا الشاطر حسن والا علوووم،،،،

شوفوا هـ المقآرنة واحكموا :
هذي مباراه ريال مدريد ومالقا :
YouTube - Real Madrid - Malaga (7-0) - Goals & Full Highlights [03-03-2011]

وهذي مباراتنا مع الأهلي :
YouTube - ‫الهلال والأهلي 4 - 3 البلنتيات + فرحة الهلال - ولي العهد‬‎

وهذي مباراتنا مع الأهلي الدور الأول :
YouTube - ‫العربية تقرير مباراة الهلال والأهلي دوري زين 2010-2011‬‎


زي ماشفتوا فيه فرق بين فريق يستسلم ويسلم المباراه والسبب انه متقدم ويركن للنتيجه ،،


وفريق مهما سجل من اهداف يواصل التهديف لآخر ثآنيه

نبي فريقنا كذا الليله وكل مباراه جايه


خصوصاً بعد ماطلعنا العام من اسيا ،، كل اللاعبيـن صممو على تعويضنا باسيا وتعويض ابو فيصل ببطوله اسيا ،،يانجوم الزعيم ترى الوعد دين



يااستاذ سآمي عبدالله الجابر ياجابر عثرات الهلال ويامنقذ الكورة الهلاليه والسعوديـه ويآمن ملكت القلوب ،،
موب بكيفك تروووح

تتوقع اني باتركك تروح ،،، والله لااانشب بحلقك قدام بيتك واعلم كل الي هنا وين بيتك عشان يروحون لك < بيندبغ

امزح

احنا عشقناك من عشقنا للزعيم ومستحيل احد يغطي مكآنك يابو عبدالله


خاتمممه :


كل التوفيق لـ الزعيم + ليفربول =


نداء إلى البطآطي :
انا ماابي موواييل واغاني طق عشان اثبت للعالم اني اسبب ازعاج ،،

شوف روابط الفرق الثانيـة واتعلم /// ترى التعلم مو غلط

وبعدين ياخوي نبي اهازيج جديده مو شرط تجيب الطبل والمراويس ،، نبي اهازيج ترج الملعب


( شوف جمهور البرشا وريال والميلان وجمهور ليفربول وووووو )

نبي الرابطة فاهمه وش قاعده تسوي مو اغاني مركبه وجاهزه

نبي الرابطه قبل المباراه تكون في الملعب ،، مو قبل البداية بعشر دقايق ؟؟؟ اتمنى تفعيل دور الرابطة اكثر واكثر