![]() |
احمد الفريدي يقولون بارد لكن اسئلو الخصوم كيف يحرقهم ببروده ومهاراته ( ورساله للي مو عاجبه الفريدي) السلام عليكم ورحمة الله وبركاته اولا / بعد مباراة سباهان الايراني الكل اختار له لاعب وقاعد يحلل مستواه اللي قال المرشدي واللي قال الفريدي واللي قال احمد علي حتى رادوي ماسلم منهم ولكن هذي العاطفه شي طبيعي ولكن الكلام العقلاني ان جميع لاعبين الهلال لم يكن بمستواهم الحقيقي ارجع لموضوعي هو من ينقد الفريدي من بداية الموسم ونحن نرا من ينتقد هذي العقليه الخرافيه ماشاء الله حتى وهو يمرر كورة هدف ويسجل اروع الاهداف صارت عاده فيهم الانتقاد يقولون انه بارد لكن لاعب اذا كان بمستواه يرعب الخصووم لاعب ذكي يقولون بارد لكن مهاراته ضيعت مستقبل لاعبين واذكركم بهدفه الخرافي على النصر يقولون بارد لكن لاعب يدخل لمنطقة الجزاء بسلاسه لو كان منطقة الجزاء مليئه بالمدافعين يقولون بارد لكن لاعب راااايق يمتع يطرب يقولون بارد لكن يقطع كور كانه ياخذها بيده ماشاء الله تبارك الله يقولون بارد وعنده نزعه هجوميه ودفاعيه وبمستوا واحد يقولون بارد لكن اقووول الاعب واثق من نفسه ولافكر في العاطفيين يقولون بادرلكن تمريراته قاتله اذا كانت متجهه لمنطقة الجزاء يقولون بادر اقول خلوه بارد لكن عقليته اوربيه سؤالي / هل لو كان الفريدي مع احد الانديه سوا الاتفاق او القادسيه هل ياترا سيبقى في النادي ؟؟؟ لا والف لا سوف يتسابق عليه جميع الانديه الكبار واولهم الهلال ورساله للجمهور اللي مع الخيل ياشقر مثال بالعاميه لكل من ينتقد الفريدي هل خسارة امام سباهان هي من جعلتك تكتب عنه وتجرح فيه الكل لم يقدم مستواه المعروف من المدرب حتى السديري الفريدي لاعب عالمي والتمنى من بعض الردود ماتكون بسبب الموضوع انتقاد نطبل للموضوع لزيادة المشاركات التمنى يكون فيه تفكير قبل الكتابه |
الفريدي لاعب مهاري درجه عالميه وعنده حس تهديف ولاكن شاهدنا كم كوره وهو منفرد يقتلها بكل برود او يتفلسف الي ينفرد يراووغ الحاااارس ويسجل او مابين الفريدي والحارس ببعد امتار يذهب الفريدي بالكوره يمنتن ويصوب ع الشباك هدف؟؟؟ ماقلت الكلام الا الي اشووفه ع الفريدي >>وانت يافريدي كلنا نتفق بانك تمتعنا بلعبك وعندك ماشاء الله فواصل مهاريه والقادم انت وزملائك نريد الابدااااااااع والفن وبالتوفيق للهلال<<< شكرا لك |
لا والله ما احرق غير قلوبنا حنا ببروده وفكنا من التطبيل الفريدي شايف نفسه زود على باله الثنيان انت بس شف اول مباراة رسمية له مع الفريق الهلالي امام الشباب بنصف نهائي كاس ولي العهد عام 2008 وش الفرق بين حماسه هذاك الوقت كان حريقه حار والحين قسم بالله انه مكانه دكة الاحتياط |
تعرف المشكلة ان الكل يقارن الفريدي بالثنيان (طبعا هذا شرف للفريدي) لكن هو الفريدي مو الثنيان حتى لو كان يحمل الرقم 15 وخذ على سبيل المثال الحين يقارنون السديري بالدعيع وهذه المقارنة ستقتل السديري ياجماعة لكل لاعب شخصيته وطريقته ولكل زمان دولة ورجال المقارنات تصعب المهام وتسبب ضغط رهيب على اللاعب الفريدي بارد صحيح ولكن صعوبة اخذ الكورة منه ميزة بس مافيه احد يشوف الميزة هذي (مركزين على البرود) وهو مايحتفظ بالكورة غير لما يكون الموقف يستحق الاحتفاظ بالكرة (مثلاً عدم وجود دعم) او (عدم وجود فرصة للتمرير) عموما أداء اللاعب في التمرين هو من يفرض على المدرب مشاركته وهذا مبدأ جيد ولكن نحن الجمهور نضغط على اللاعب بشكل غير طبيعي لدرجة انه لايتسطيع تطبيق ماتعلمه في التمرين وهنا المشكلة عندك مثال آخر الكعبي (مدربين 2 جيريتس وكالديرون) ماقتنعو فيه ومع ذلك تجد من يطالب بإشراكه ولو تسألهم انتم تحضرون تمارين يقولون لك لأ طيب كيف تطلب من مدرب اشراك لاعب انت ماتشوفه في التمرين تسمع في الاستراحات انه كويس مثلاً ؟ انا مو ضد اللاعب انا ضد من يعارض قناعة المدرب ويحاول فرض عليه سلوك معين (إملاءات) عندنا إدارة وجهاز إداري وجهاز فني هم ابخص انا آسف اني طولت لكن اعرف ان موضوعك حساس وبتواجه حرب قوية ياشباب يامحبي الزعيم اتمنى ان نرتقي بطرحنا ونقتنع بان المدرب يكون حر في اختياره حتى لو يلعب الشمري رأس حربة فيه لاعبين يتدللون بسبب الإسهاب الكبير لهم في المنتدى وفيه لاعبين يستغلون سمعتهم وهذا التدليل لايجلب نتائج كل ماكتبت خاص بمحبي الزعيم (فقط) |
الفريدي نجم لا يختلف عليه اثنـــــــين ولا يهمك ردود من هم تحت العشرين |
يكفي مجاملات الفريدي لاعب اناني بمعنى الكلمه وخل مهاراته له احنا نبي تكتيك ولعب سريع وهذا الي ينقص الفريق مانبي انانيه ومجاملات على حساب الزعيم مالوم جريتس يوم يحطه احتياط :naughty: يعطيك العافيه |
الفريدي نجم كبييير ولايهمك كلام العذال |
في اي مبارة يلعب فيها الفريدي يصنع هدف في مبارة سباهان صنع كورة للعابد قدام المرمى على راس العابد وضيها |
الفريدي نتفق يملك المهارات ولكن لم يوظفها تماماً .. الفريدي من الممكن يكون اسطوره صنع العب في السعوديه ولكن مشكلته يريد ان يسجل ويزاحم المهاجمين ... امام الفتح وخلال 8 دقايق اضاع الفريدي فقط 3 فرص وفي مجمل شوط اضاع 4 كرات خطيره وكادت ان تحرمنا 3 نقاط لولا فضل الله ورحمته ... الفريدي ان اردنا نتكلم بكل صراحه لايتحرك وينتظر الكره حتى يلف حول نفسه والفريدي لعب مع التائب ونفيز والمفترض استفاد في صناعه اللعب واختصار 20 خطوه من الدوران بتمريرها بطريقه انت وضميرك واما ان نطبل له لاجل معرفتك له او من هالقبيل لا ومسأله ان يهاجم بشكل شخصي لا .. ولكن نحن نحب الهلال قبل ان نحب الفريدي |
الفريدي مو عاجبني ما ادري كيف يلعب مره حلو وعشر زفت |
كلناا عارفين ان الفريدي موهوب بس بطئه الزايد يقتلناا ولو تلاحظ اي هجمة سريعه للهلال مجرد ماتوصل تمريرة للفريدي يقعد يتككي بالكورة لين يرجعون فريق الخصم ولو نفعناا مباراه ولامباراتين يكرهنا فيه باقي المباريات حنا مشكلتناا عاطفين نتأثر على طول حتى بالمستوى يصير عندنا تعاطف يعني اللاعب اللي نقعد نسب فيه طول الموسم مستواه زفت يبلعب مباراه صح رفعنا فيه والدليل العتيبي يوم صد ضربات الجزاء اللي يسبونه وقت المباراه رفعوو فيه وناامي نفسي الشي بالعربي ياخوي الفريدي بطئه مايفيدنا الاقليل وبكذا صدقني بيكون عمره بالهلال قليل ومستحيل نغير بالفريدي لان اسلوبه باللعلب كذاا تحياتي لك :rose::smilie47: |
إقتباس:
|
شلون لاعب واحنا اذا احتجناه في مباريات حساسه او قويه ما نلاقيه اشلون لاعب واحنا في اي مباره مصيريه او ضد فريق قوي ما نلاقيه ولا يبدع الا قدام الفرق الصغيره |
الفريدي اكثـــر لاعب يتعرض للسب وللشتم في المدرجات الهلاليه من قبل الجمهور الهلالي (مع ان السب لايجوز) لكن النجم الملمع (الفريدي)ياما احرق قلوبنا ونحن في المدرجات لاعب يعطيك لمسه او تمريره واحده في المباراه ومن بعدها يبدا الغرور يدخل الى قلبه ولاينظر للاخرين الا بعين الغطرسه وحتى اللاعبين صاروا يتحاشون التمرير منه واليه بسبب بروده الزائد وانانيته لاعب يملك مهارات ودقه في التمرير لكن يفضل اللعب الفردي وهذا ماينفع نادي الزعيم صاحب افضل جماعي على المستوى الاسيوي وافضل من يطبق الون تو هو الهلال لكن بوجود الفريدي قاتل الهجمات ومدمرها نحن ياجماهير الهلال لسنا جمهور لاعب نحن جمهور نادي نشجع نادي وليس لاعب من لم يقدم مستوى في الملعب ولمصلحه الهلال سننتقده واذا طلب الامر سنطالب برحيله ومن ابدع سنؤيده ونشجعه من كان يكون ولو ان التشجيع يقتصر على لاعب وليس نادي كان اعتزلت الهلال من ايام الاسطوره ابو يعقوب كفاكم مجامله للفريدي والتي قد تكون اما لقرابه او لمصالح شخصيه فهو لاعب لايلعب من اجل الشعار والجمهور بل هو لاعب من اجل شخصي s13s |
الفريدي . . على قولة المعلق عبدالله الحربي ان كآن في افضل حالته .. ارهق الخصصوم وتعب الدفآع وان كآن في أسوء حالته .. صار الفريق يلعب بعشر لاعبين |
لازم تقرص اذنه ياعزيزي الفريدي احسن لاعب يملك مهارات وفن وابداع وحماس يحرق به قلوب الجماهير ويأد الهجمات الصراحة الهلال تخلص وأدب لاعبين هم افضل من الفريدي الف مرة لذلك يجب على ابي عبدالله ان يشوف صرفة مع الفريدي ولو كان باعارته لاحد الفرق الصغيرة لقرص اذنه وتأديبه |
اسلوب الهلال المميز فيه السرعة في الاداء والرتم العالي وهو ما لا يتناسب مع اداء الفريدي |
الفريدي لآعب كبير ولآكن يقتل نفسه ويقتلنآ ببروده وكفآية تطبيل ! هذآ هو مآ جعل الهلآل في هذآ المستوى ! الله يستر من الجآي بسس |
الفريدي لآعب كبير ولآكن يقتل نفسه ويقتلنآ ببروده وكفآية تطبيل ! هذآ هو مآ جعل الهلآل في هذآ المستوى ! الله يستر من الجآي بسس |
الفريدي لديه موهبه نعم ولكن لابد ان يسرع الكره وبالذات المرتده حتى لايقال عليه بارد لان تاخيره التمرير لزميله المنطلق او من يريد ون تو سريع يعطل الهجمه اتمنى على المدرب ان ينبه عليه في هذه النقطه |
الحمد لله الذي عافاني من مرض (الضغط) + (السكر) لاني لو كنت مصابا بها لقتلني الفريدي |
إقتباس:
أوافق الرأي حبيبي قال يحرق الخصوم قال |
إقتباس:
بالصميم ــــــــــــــــــــــــــــــــــــــــــــ |
شكراً لك :rose: الفريدي لا نختلف على مهاراته و إمكانياته .. لكنه لو يستغل هذه المهارات لمصلحة الفريق يكون افضل بكثير يعني مباراة الاتحاد و الوحدة و الاهلي كان قمة و افاد الفريق لانه ابتعد عن تعطيل الكرة بين قدميه .. لكن الآن يعود للي نعرفه ..! اتمنى انه يركز أكثر لاننا نحتاجه ، |
. . وآلله آلفريَدي لآعب ومهآري وهدآف , وبأرد .. يعِني آنأ أقولِ آنهِ آغرٍب لآعَب , وآللهَ يسٍوي آشيآء غريبه , آهدِآف حَلوه , ومهآرآت حٍلوه , وِكل شِيء حِلو يسٍويه .. لكنِ , عندهَ برٍود غِير طبيعي ! , وآلله أحيآن أقٍول مكآنه مِو ألآول مكآنه ألآولمبي , وآحيآن آقول ليتهِ يحترٍف , عِ آلعمَوم آللَه يووِفقه , لآهنتم , |
الله يعطيك الف عافيه الجميع ماكان في الفورمة لكن الفريدي برودة واضح من خلال الهجمات تحياتي لك |
الفريدي ذبحه الغروووووووووووووووووووور الله يرحم والديك همنا الاول والخير مصلحة الهلال الفريدي لاعب بارد يقتل اللعب البقيه اذا كانوا سيئين تحس منهم انهم زعلانين على الوضع اما الفريدي ولا كأن الهلال يعني له شي بس تشوفه منقهر ومعصب اذا الحكم ما عطاه فاول والا تنقطع الكورة ما تفرق معاه والا تضيع هجمه وهو ساعه الكورة بين رجوله لين يرجعوا المدافعين وعاااااااااااااااااادي عنده الفريدي عنده موهبه بس يبعد عن الانانية والغرور ويلعب باصات سريعه |
اول شي اخوي مشكور على مجهودك الأكثر من رائع ولكن الفريدي باااااااااااااااااارد جدا بلعبه وهذا يحرق علينا هجمات كثيرة ولعب ما يصير يضيع بروده قتلنا بالمدرجات والبيوت وحتى قتل لاعبين زملاء بالملعب وانظر الى الزملاء كيف ينظرون اليه وهو يضيع الفرص وهم في مواقف قوية فلنتذكر ضربة الجزاء التي اضاعها في نهائي كاس الملك وكانه يعطيها لابنه من شدة برودته ولنتذكر عدة انفراديات له بالمرمى ضاعت بسبب بروده ولنبقى على يقين انه حتى عندما سجل هدف في مباراة الاهلي كان ما يبغى يجيبها وصل لبعد خط الستة وهو يتمشى ببروووووووووووووووووووووود ... أنا لا اقول انه ليس موهوبا ولكن بروده يقتل موهبته ويقتلنا ان استمر في ذلك هو لاعب خلوق ( بعد ما هديت نرفزته قليلا ) هو لاعب يتحلى بكل صفات الانسان المؤمن من شكل وتصرفت حتى عند شربه الماء بالملعب لكنه لاعب ينتمي الى منظومة من اللاعبين على كل منهم اتخاذ قراره في جزء من الثانية والبرود لا ينفع . اكرر شكري لك على غيرتك على هذه المنظومة والدفاع عن لاعب موهوب بالفطرة ولكن بروده يقتل موهبته |
اقسسم بالله الفريدي لآعب مهاري ويعطيك كورة يقولك سسسجل بسسس ياخي بروده اقسسسسسم يجيب السكري والظغط يعني انت تشوف الفريق متاخر يبيله مرتدات سريعة لكن من يوم يمسك الكورة خلاص الهجمة تنتهي الفريدي يبيله الاحتياط نزله اخر ربع ساعة وشوف وش بيسوي والله انه لاعب وفناان |
كل لآعب وله عيب مهمآ كآنت نجوميته .... أبي لو مره اشششوف الهلال متأخر بهدف والفريدي متحمس يبي يرجع الهلال ؟.. |
اش ذنب الفريدي امس دام العابد استهتر في كورة امام المرمى قولي بالله |
الفريدي لاعب مهاري من الطراز الرفيع ولاكن شفناه لمن يضيع بلنتي يضحك وكم وكم من كوره يقتلها في بروده . |
انا صاحيلهم;كلناا عارفين ان الفريدي موهوب بس بطئه الزايد يقتلناا ولو تلاحظ اي هجمة سريعه للهلال مجرد ماتوصل تمريرة للفريدي يقعد يتككي بالكورة لين يرجعون فريق الخصم ولو نفعناا مباراه ولامباراتين يكرهنا فيه باقي المباريات حنا مشكلتناا عاطفين نتأثر على طول حتى بالمستوى يصير عندنا تعاطف يعني اللاعب اللي نقعد نسب فيه طول الموسم مستواه زفت يبلعب مباراه صح رفعنا فيه والدليل العتيبي يوم صد ضربات الجزاء اللي يسبونه وقت المباراه رفعوو فيه وناامي نفسي الشي بالعربي ياخوي الفريدي بطئه مايفيدنا الاقليل وبكذا صدقني بيكون عمره بالهلال قليل ومستحيل نغير بالفريدي لان اسلوبه باللعلب كذاا ورربي صاادق ليت يتخلص الفريدي من البروودة يآآآآآآآآآآآرب |
الفريدي لاعب من طراز نادر وأهم ما يميزه البرودة لاعب يعرف كيف يمرر يصنع يسجل |
إقتباس:
صدق ضرسك :s2: ـــــــــــــــــــــــــــــــــــــــــــــــــــ لاعب ما شفت فيه ولا شي من كتبة راعي الموضوع + طبلو + طبلو + طبلو + طبلو = بعدين تبكون وتتحسرون |
لاعب بارد ومايحترق من أجل الفريق أتمنى وضعة فى الإحتياط |
الفريدي إن استمر اساسي وعزيز احتياط والعابد كل مرة يتم استبدالة فالفريق مقبل على خسارات كثيرة الفريدي مكانة دكة الأحتياط لأن هناك منه افضل واحق منة بالمشاركة مع الفريق |
احناا مآنبي اللاعب اللي يبدع 3 مبآريآت ويغيب 3 مبآريآت يآ مستواهـ يكوون 10 على 10 طول الموسم ولا مآنبيه |
والله ياخي الفريدي انت ذكرت ايجابيات وتركت سلبيا من اللي يقتل الهجمات المرتده غير الفريدي لكن هو فنان محد يختلف عليه شكرا اخوي بالتوفيق لك |
اتفق معك انه يحرق دم الخصم.... ودمنا كمان لكن هدي الميزه تجعله يلعب اخر الدقاايق واحنا فايزين مستحيل يكون اسسسااااسي..لازم يتعلم باقيله كتيررر وادا انغرر راحت عليه الغرور مقبرة اللاعب اتمنتى منه التركيز فهو لاعب مميز لكنا بحاجه لخبره ودعم |
الفريدي لاعب كبير وبارد على ايش عشاان مايتكلم كثير في الملعب بس ؟؟ |
اقول ماعليش ماهو بمستوى الهلال |
اللفريدي بصراااااااااااااااحة كان نجم ليلة المبارة شوفوا غيره |
إقتباس:
اتفـــق معــــــــــــك ،، كلامك صحيح |
صح لسانك يا بعدي حقيقه .. بعض الجماهير عاطفيه وليست منطقيه |
كاتب الموضوع عدو اعداء الهلال اشكرك على هذا الطرح بصراحه هذا الكلام يعجبني حتى لو كان عن اي لاعب هلالي مو الفريدي بس لان المنتدى الهدف منه وضع السلبيات على السطح واظهارها للمتلقي بشكل واضح وجلي مو بأسلوب بعض الاخوان اللي يقول اللاعب الفلاني بارد او مشكلتنا في هاللاعب واللاعب هذا صغير لا يشارك لان ماعنده خبره فأغلب الانديه الأوربيه تلعب اللاعبين الصغار لكي يكسبون ثقه في انفسهم وعندنا لا عندنا اسلوب التحطيم والنقد غير الهادف اكرر شكري وتقديري لك |
الافضل بالوسط السعودي من حيث المهارة لاعب واثق من نفسه الله يوفقه |
لاعب يبغاله من يحااسبه .. لا تقولي يستعرض ويقطع . ومدري ووشو طيب شف رادوي .. يقطع وكل شئ ... الفريدي يبي له من يحاسسبه .. من يحااسبه من يحااسبه |
صحيح لاعب مهاري وعالمي ولاعب كبير بس برووووودته تقتقل مهارته حتى الكورة ماتظل عنده بسرعه تنقطع والسبه برودته وجهة نظر فققط يعطيك العافيه ،، |
الفريدي لاعب مهاري ولا يختلف عليها اثنين بس الفريدي لو يلعب بروح ويفكر بالشعار الي حاطه على صدره راح تشوف من افضل المستويات يقدمها |
إقتباس:
انك مسوي نفسك فاهم عطني مباراه قويه لعبها وماعطاك فيه شف مباريات الاهلي والاتحاد والنصر بكل اختصار الفريدي لا يظهر الا امام الكبار فقط الحمد لله ان الفريدي وياسر في الهلال طيب عندي سؤال فيه لاعب وسط سعودي ايمن افضل منه مع نور |
الفريدي مانختلف على نجوميته بس ياخي احيانا يرفع الضغط ويكون عاله عالفريق |
المشكله البرود باللعيبه كلهم باستثناء رادوي واحمد علي .امنيه اني اشوفهم يحرثون الملعب حرث لوهم فايزين 10 بس نبي نشوف روح الزعيم |
الكل يعرف ان الفريدي لاعب مهاري وعند مهارات حلوه لكن هو يقتل نفسه بنفسه بلعبه البارد وقتل الهجمات المررتده ومايساند الوسط بما انه مركزه الاساسي لاعب يهتم في التسحيب وتسجيل الاهداف مع انه ماهو مطلوب منه الشي ولاعب يهتم لنفسه اكثر من الفريق شايف نفسه يوسف الثنيان وهو وغيره مستحيل يجون ربع مستوى الثنيان إقتباس:
|
لاعب ثقيل دم وبارد وماعنده احساس بالشعار الي لابسه لا ومشبهينه بالثنيان والله العظيم لـ يبطي ما وصل الى نص ماوصل له ابو يعقوب |
من وجهة نظري الفريدي ورقه مهمه بالزعيم صدقوني نحتاجه بعض الاوقات في المباراه وبالتوفيق لهلال ان شاء الله |
افضل لاعب عربي قادم بقوة الزلحفاة واصل يأحمد ولايهمونك العذال احمد مبدع بكل حالاته وبروده ميزة والميزة هي احد الخصايص والخصايص هي ركيزة حيوية في كل لاعب واللاعب ربما يكوون محترف او هاوي على حسب دوريه حتى ولو كان كونامي فلذلك الصمت حكمة يااخوان |
الفريدي مهاري والجميع نبهه الى السلبيات الموجودة فيه لكن مافي رجاء واتوقع انه من برود الى مثلج , مكانه الدكة وبس . والله يوفق الهلال . |
إقتباس:
|
الفريدي اسطورة تسلم يمنيك ع الموضوع الرائع بالتوفيق للزعيم |
الوقت المعتمد في المنتدى بتوقيت جرينتش +3.
الوقت الان » 04:44 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd