ااخطاء المباراة الماضية (توجد صورتين )عن الأخطاء , والحديث عن كالديرون و, سامي و, اللاعبين . - نادي الهلال السعودي - شبكة الزعيم

M.F.W · #1 03/03/2011, 02:42 AM

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــ
بسم الله الرحمن الرحيم

أولا أحب أهني نفسي < مايقصد احد.

و أهني الشعب السعودي عامه و الهلاليين خاصه
بعودة خادم الحرمين الشريفين .الملك عبدالله بن عبدالعزيز حفظه الله .

<جت متأخره بس يستاهل ملكنـا الغالي ..

ـــــــــــــــــــــــ
و بدون مقدمـــآت أبدخل بصــلب الموضوع ..

لاحظت بعد الخساره في أول مباراة في دور المجموعات من دوري ابطال آسيا
توجيه أنتقادات لاذعه على أدارة وجهاز الفني ولاعبين نادي الهلال منّآ أحنا كـ جمهور وإعلام نادي الهلال
انتقادات حاده من بدون مانبحث عن أسبابها و نعالجها ,,

أشوف اننا قاعدين بأسلوبنا هذا مانفكر و نعالج اللي قاعد يصير" بالعقــــل" ..

من اللي بَدر منا من انتقادات غير هادفه

اننا نلوم مدير الكوره : سامي الجابر !!

وش ذنــــب سامي الجابر باللي صار !

ابسألكم سؤال ..
الحين طلع الهلال من دوري ابطال آسيا الموسم اللي راح , وراح عنا مدربنا قيريتس
و أحنا في نص السنه تقريبا !

يوم راح قيريتس و أحنا منافسين على جميع البطولات
,,سؤالي يقول.. :
ماكنا نطالب أحنا كـ جمهور و إعلام من الادارة الهلاليه ان يحضروا مدرب مميز و خبير بالدوري السعودي ؟

من وجهة نظري انه مافيه أفضل من كالديرون اللي له انجازات كثير بالسعوديه ..
مدرب كبيير عقليته أحترافيه و خبير بالدوري السعودي و الأجواء السعوديه

وليش كمان ,

نلوم سامي بأنه هو اللي جاب أحمد علي ؟ !
سبق ان صرح سامي و وضح كيفية استقطاب احمد علي
بأننا قاعدين ندور على مهاجم على حسب امكانياتنا الماليه

فـ أحنا ليش نلوم سـآمي الجابر ! ؟

اما بالنسبه للمباراة الاخيره

صحيح ان كالديرون أخطأ بالمباراة الأخيره أخطاء فادحه

لكن كلنا بشر و كلنا نخطي و نصيب !
ولا ننسى ان كالديرون جانا بعد أخفاقنا بدوري أبطال آسيا الموسم اللي راح
و شلون قدر يوظف الفريق بحيث أنه يطلعنا من الصدمه اللي حصلت لنا كـ لاعبين و جمهور !!
و أبيكم تتذكرون كيف رحبنا به وكيف تقبلناه و بزياده وكيف متعنا كثيييير
بظل غياب أغلب عناصر الفريق
و كيف قدر يخلي الفريق قوي و ماله منافس و بفضل الله ثم فضل جهوده و جهود الاعبين تصدرنا و قدرنا نفرق عن اقرب فريق
بفــآرق كبـــــــــير !

و هذا لا يعني ان كالديرون ماعنده أخطـآء
لآآآ !

عنده أخطاء و أخطاء فادحه بآخر مباراة و على مايقولون غلطة الشاطر بعشره ..
من أخطائه انه لعب بمحور وآحــد !
ولا وظف الاعبين صح بخط الوسط
ولاحظنا هالشي من رادوي و الشلهوب و الفريدي و العابد و ويلي
كل منهم يلعب بعشوائيه !

ومافيه ضغط على حامل الكوره أبـــــــــدا

والكوره ماتووصل للمهاجمين أبـــــدا

"انا معكم "

كل هذي الاخطاء صارت
و أحنا ماندري عن اللي صار بين الاعبين و المدرب
يمكن عطاهم تكتيك و طلب منهم حاجه و الاعبين ماطبقوها
و هذا واضح من بعض الهجمات المرتده لنا كيف كانت تنقطع بسهــــــــوله
و حتى المناولات بين لعيبتنا كانت خطأ !

و انا من وجهة نظري اني احط اللوم مب على الجهاز الاداري ولا الجهاز الفني
أحط اللوم على لعيبتنا !

فرضا نقول ان لعيبة الهلال كانو منتشرين بطريقة صحيحه و كل واحد بمكان كان الكوره بسهوله أتخلصت ,,
مو بمثل هالصوره !!
كلهم عند القائم الأول و تاركين القائم الثاني !
ورغم انه كان عند القائم الأول 5 لعيبه من الهلال
ألا ان القائم الثاني كان موجود المرشدي و ويليهامسون , و كلنا شفنا شلون كانو يتفرجون عالكوره..!
بهالحاله أيش دخل كالديرون بالموضوع بأننا نفكر نسوي له أقاله
و نلوم سامي لا ياجماعه الاخطاء اللي صارت اخطاء فرديه من اللاعبين
و انا متأكد انهم راح يستفيدون من هالدرس !

فرضا لاعب واحد بس من الــ 11 لاعب وقف عند القائم الثاني كـآن مادخلت الكوره !
طبعا هالشئ مايشفع بأن السديري أخطا بتخليص الكوره < وهذي من أخطاء كالديرون الفادحه اللي ارتكبها

هذا اللي حدث فالمباراة الماضيه من وجهة نظري .....

ــــــــــ

أتمنى منا ك جمهور اننا نوقف مع حبيبنا نـآدي الهلال ..

لآنه يمر بمفترق طرق من بطولات محليه و دوري ابطال آسيا

لازم حنا بالفترة هذي نساند فريقنـآ لأنه محتاجنا

ونترك الباقي لأدارتنا العزيزه
و بأذذذن الله بتنحل جميع السلبيات

أتمننى أتمنننى اني اكون وفقت بطرحي هالموضوع

(وعلى منصات التتويج نلتقي

)

كابتن جاك · #2 03/03/2011, 03:27 AM

والله رايك رائع جدا ومحلل ممتاز
والاهداف اخطاء بس سو التغطيه والهلال المشكله ماعرف يستفيد من الركنيات

M.F.W · #3 03/03/2011, 05:45 AM

إقتباس

الرسالة الأصلية كتبت بواسطة كابتن جاك


	والله رايك رائع جدا ومحلل ممتاز والاهداف اخطاء بس سو التغطيه والهلال المشكله ماعرف يستفيد من الركنيات

ألف شكر لك على المرور و التعليق الجميل

و فعلا الركنيات او العرضيات بشكل عام الفرق الاسيويه تتميز بهالشي
و مـآزال بأمكاننا نتميز بهالنطقه مو بس نستفيد الا نتميز فيها بس اتمنى التركيز

هلالي موسيقار · #4 03/03/2011, 03:28 AM

يعطيك العافية اخوي اعتقد ان كالديرون بعد شريك بالخطاء بسبب انه لم يقرءا الخصم ولم يدرسه

وايضاً عدم الزج بخالد عزيز من بدري ولابقاء على لاعبين لم يقدموا اي شي يذكر وهما الشلهوب والفريدي

وتغير لاعب كان جيد نسبياً بالمباراة وهو العابد

M.F.W · #5 03/03/2011, 05:47 AM

إقتباس

الرسالة الأصلية كتبت بواسطة هلالي موسيقار


	يعطيك العافية اخوي اعتقد ان كالديرون بعد شريك بالخطاء بسبب انه لم يقرءا الخصم ولم يدرسه وايضاً عدم الزج بخالد عزيز من بدري ولابقاء على لاعبين لم يقدموا اي شي يذكر وهما الشلهوب والفريدي وتغير لاعب كان جيد نسبياً بالمباراة وهو العابد

ألف شكر لك أنت عالمرور و التعليق

صحـيح كان المفروض ان كالديرون شاف الفريدي ماينفع لهالمباراة يطلع و يخش بداله عزيز مو مشكله يخسر تبديل بس مايخسر لعب حلو و مشرف

ويلهامس9ون · #6 03/03/2011, 03:33 AM

1- ســــــــاااااامي ماله دخل في الخسااره ممكن الكل يتحمل ولكن اخوانا كانوا معصبين وحملووه المسؤليه كامله..
2- اللاعبين لم يوظفوو باشكل الصحيح وش ذنب اللاعب اذا المدرب عطله تماماً كيف يبيه يئدي وهومعطل والسبب المدرب ..
3- كالديروون لم يبهر اويقدم مستوى قوي عشاان نقوول المبااره هذا فقط سيئه المستوى كاكل السنه هذي عاادي جداً واللي شفع لنا ان الفرق الاخر اما صغيره او تعاني من اصااابات..
4- كالديروون انت فاقد المباراه منالمفرووض تتحرك وكأنه يقول للايرانين تكفوون سجلووو الثاني ..
5- اخطائه فادحه جداَ جداً والنتيجه اللي شفنااه..
6- من يتحمل الخساراه 80% كالدي 20% اللاعبين ..

وشكراً لك واتمنى تصحيح الاخطاء في المباريات القادمه..

M.F.W · #7 03/03/2011, 05:49 AM

إقتباس

الرسالة الأصلية كتبت بواسطة ويلهامس9ون


	1- ســــــــاااااامي ماله دخل في الخسااره ممكن الكل يتحمل ولكن اخوانا كانوا معصبين وحملووه المسؤليه كامله.. 2- اللاعبين لم يوظفوو باشكل الصحيح وش ذنب اللاعب اذا المدرب عطله تماماً كيف يبيه يئدي وهومعطل والسبب المدرب .. 3- كالديروون لم يبهر اويقدم مستوى قوي عشاان نقوول المبااره هذا فقط سيئه المستوى كاكل السنه هذي عاادي جداً واللي شفع لنا ان الفرق الاخر اما صغيره او تعاني من اصااابات..4- كالديروون انت فاقد المباراه منالمفرووض تتحرك وكأنه يقول للايرانين تكفوون سجلووو الثاني .. 5- اخطائه فادحه جداَ جداً والنتيجه اللي شفنااه.. 6- من يتحمل الخساراه 80% كالدي 20% اللاعبين .. وشكراً لك واتمنى تصحيح الاخطاء في المباريات القادمه..

ألف شكــر لك أخوي على مرورك
و أختلف معاك عالكلام اللي باللون الأحمر صدق ان كالديرون ماقدم لنا هذاك المستوى اللي مره قوي لكن قياسا بالغيابات اللي تصير معنا اللي قاعد يسويه كالديرون شي كبير و انشالله انها فترة و يرجعون اللعيبه المصابين
و ماهو ذنبنا اذا كان الهلال احسن منهم كلهم بأننا نتصدر

وباقي نقاطك مهمه و هادقه و نتمنى الاستفاده من هالكلام
و
بأذن الله الاخطـآء بتتعدل

brhomi · #8 03/03/2011, 03:38 AM

نفس كلام الوالد قال المفروض يوقف لاعب من لاعبين الهلال عند كل قائم
الله يوفق الهلال
يعطيك العاااااااافية

M.F.W · #9 03/03/2011, 05:56 AM

إقتباس

الرسالة الأصلية كتبت بواسطة brhomi


	نفس كلام الوالد قال المفروض يوقف لاعب من لاعبين الهلال عند كل قائم الله يوفق الهلال يعطيك العاااااااافية

على راسي و يخلي لك ابوك
ألف شكر

أ.تركي · #10 03/03/2011, 03:55 AM

ماجد المرشدي يريحونه في مباراه الاهلي الجايه يوم الاحد لانه نكبه قدام مالك وفيكتورويرجعون رادوي قلب دفاع

M.F.W · #11 03/03/2011, 05:57 AM

إقتباس

الرسالة الأصلية كتبت بواسطة أ.تركي


	ماجد المرشدي يريحونه في مباراه الاهلي الجايه يوم الاحد لانه نكبه قدام مالك وفيكتورويرجعون رادوي قلب دفاع

لا انشالله انه يرجع ماجد الي عرفناه بتفاهمه مع هوساوي و تخليصه للكرات العررضيه و كل مايسبب خطوره على مرمى نادي الهلال
ألف شكر لمرورك

لغة الأرقام · #12 03/03/2011, 03:56 AM

لاعبو الهلال.. خذلان وبرود ولا مبالاة

الهلال تعثر على أرضه في أولى مبارياته الآسيوية

الدمام - علي معتوق

لم يقدم لاعبو الهلال في مباراة سباهان الإيراني مساء الثلاثاء أي جديد يضاف لسجلهم في المشاركات الآسيوية في السنوات الخمس الأخيرة التي يتفننون فيها بخذلان جماهيرهم وعدم الإحساس بالمسؤولية وقيمة البطولة التي يلعبون فيها، فالبرود واللعب باستهتار ودون بذل مجهود أصبح ملازماً لجيل اسامة هوساوي وماجد المرشدي واحمد الفريدي ومعهم المحترف السويدي فيلهامسون الذي ساهم الموسم الماضي في خروج الهلال من نصف النهائي بإضاعة ركلة جزاء حاسمة وهذا الموسم افتتح البطولة بفرجته على لاعب سباهان حتى سجل هدفا كوميديا تجاوز قفزة هوساوي وارتقاء المرشدي.

التمريرات المقطوعة واللعب على الواقف وعدم البحث عن الكرة والقتالية تسيطر على حال الفريق الهلالي في كل مباريات البطولة الآسيوية خصوصاً التي تقام على ملعبه وبين جماهيره الغفيرة التي تحضر بكثافة في كل مرة ولكنها تنصدم من لاعبين لا يقدرونها ولا يهمهم إسعادها وسط مباركة من الإدارة الهلالية التي لم تعاقب هوساوي على خطئه المضحك في الموسم الماضي لكي يكون عبرة لغيره من لاعبي الجيل الهلالي الحالي الذين ضمنوا مقدمات العقود والرواتب العالية لذلك فلا يعنيهم البحث عن إنجاز وتحقيق بطولة القارة، وهذا الاستهتار واللامبالاة للأسف أصبح ملازما حتى للاعبي المنتخب، والخاسر من كل هذا الشرود الذهني للاعبي المنتخب والهلال هو الكرة السعودية التي مازالت تتلقى مزيداً من الخسائر على الأصعدة كافة.