[ معاك يالآزرق ] ..
السلام عليكم ..
يعوضكم خير ويرحم موتاكم 
وقسسم من يقرى كم موضوع هنا لا أرادياّ يروح يشيك على اخوانه واهله يشوف لايكون مات احد وهو مايدري
يعني بصراحه سؤال !
لكل شخص يقول فلان اخطى وفلان قصر والمدرب بيلحق بيسيرو ومن هالحكي ..
الحين صار الهلال ماينفع ؟ راح التفآئل اللي قبل المباراه ؟
كلنا كنا قبل المباراه قاعدين نقول كم الرقم بس في النتيجة وألا الفوز مضمون 
ولكن كثير مع آول منعطف تتحول فيه آمور الفريق من الفوز والانتصارات للخساره على طول الآخ تلاقيه ميّل راسه وطلع كوبري غير المسلمين وصار الهلال الحين النادي اللي مافيه ولاعب كويس وصار الهلال اللي جمهوره ماينفع وصار المدرب اخيس مدرب على مستوى افريقيا !! 
ياخي آنت وياّهـ .. وشبكم ؟ > شوي ويدخل بعيونكم 
خلاص يعني وش صار خسارة وجات حتى لو خسرنا البطوله عادي
اذا فيه شخص بينقهر وبيزعل على الهلال ..
المفروض يزعل يوم يكون الفريق متكمل بكل شي وجمهور مالي الملعب مثل مستوى الهلال في النسخه السابقه وحضور جمهوره ..
فهذي معذورين يزعلون وكلنا زعلنا وتضايقنا ..
لكن الحين بصراحه طبيعي الهلال مستواه مو ثابت وكل الآنديه السعوديه مستواها مو ثابت ..
وبتلاحظون هالشي بالجولات الجايه ..
طبيعي بنخسر خاصه لما ظروف المباراه ماتساعدك وفوق هذا غيابات وفوق هذا مافي روح .. طبيعي جدا نخسر ..
لكن مو يعني نخسر خلاص نمسك الفريق ونوزّع الاخطاء يمين ويسار ..
المرشدي امس خلص كم كورة خطيره ؟ لكن رادوي عشانّا نحبه مانتكلم عن كم كورة تنقطع منه بنص الملعب وترتد خطيره ..
لذلك اذا منطق الآغلب كذا بالانتقاد خلونا ساكتين ونطوي الصفحه وكلنا ثقه في رئيس النادي والاداره والمدير الفني بتغير الوضع وتصحيحه ..
عموما انا اشبه من يرمي الاخطاء والتهم للخسارة بين اللاعبين بـ قرار لجنة الانضباط اللي وصفه الامير عبدالرحمن بن مساعد بالسخيف ! وعاد انا شفت كم موضوع سخيف وكآن الهلال طول الموسم مستواه زي مباراه امس وتناسو انهم قبل يومين يمدحون بالازرق وانّ النقص مايآثر فيه وطبعا اللجنة القانونيه عاقبت الامير عبدالرحمن على المؤتمر والكلام اللي فيه وجا الملك وجاله عفو شامل .. امّا انا ان عاقبتني الاداره هنا عززز الله اني بروح وطي [ معآك يالآزرق ]
ونطوي الصفحة والهلال نادي كبير سيعود باذن الله ويسعدنا
وهذا ماتعودناه من الزعيم ..
صحيح آن الجيل الحالي مايخليك تتآمل كثير في الحصول على الكآس لكن ممكن تمشي لادوار متقدمه وهناك تحكمنا الظروف ..
عموما آنا هلالي بالهوا والمشاعر 
وبوقت الخساير بعد انا هلالي > آرجوك سامحني يافهد المساعد مجبور آكسر ابو البيت لآجل حبيّ العذري ترو ياشباب محد زعل على نتيجة امس كثري
ولحد من قهره صك اووومها نومه من بعد المباراه ليين صلاة المغرب اليوم ولكّن باذن الله سآكون من اوائل الداعمين للهلال في مباراته امام الاهلي الاحد القادم عندّنا في جده لاتاخذنا العزة بالاثم في حق نادينا > قوية هالجمله يعني وشهي الخساره ؟ هذي الكورة كلها كذا والدنيا دوّاره والزمن جاير والحياة صعبه آهم شي حضورنا بالملعب وتشجيع الزعيم مانربطه بنتيجه
مافينا خير لنادينا لو مانحضر ونشجع بكل ملعب وبكل ميدان وبكل شارع تحليه في المملكه جمهور الفوز يروح يشجّع هلال الحديده 24 ساعه يفوز هناك > يحلفون انه مافيه الا هوّ موعدنا الاحد والصفحة طّويت .. والهلال راجع باذن الله وبتشوفونه باذن الله ..
برب
خلونا نشوف تصريح بن مساعد في الجولة اسمع طاري استقاله ووزاره وعلوم قبايل > الله يستر 
![[ معاك يالآزرق ] ..](iconimages/t993408_rtl.gif)
الوضع المتطور
