السلام عليكم

راح ادخل بالموضوع بدون فلسفه

اخطاء الفريق بالمباراة هاذي


1/ كالديرون ماوضف الشلهوب زي الناس والعالم

2/ حراس الهلال البدلاء موب بذاك المستوى

يعني اقرب مثال الشباب والنصر

شف الحراس الاساسيين والبدلاء

من افضل مايكون وهذا لايمكن إنكاره

اما عندنا بدلاء عاديين وبقوه

ونيفيز رحيله خساره وياليت الادارة الهلاليه جابت مهاجم زي

زيايه .. عماد .. زيزو مصر

يعني مهاجم من الفرصه الميته يجيب هدف


قناص ثاني زي ياسر 2007 .. 2006 .. 2005

ومن الصعب تجيب زي ياسر بذيك المواسم

يمكن الموجود بالدوري السعودي مثل ياسر بذيك المواسم


السهلاوي .. نايف هزازي


غيرهم من السعوديين مافيه

وهم باهضين الثمن ومن سابع المستحيلات يجيبهم اي نادي

ومصرينا الي جا ذا ما شاء الله عليه ماسجل غير هدفين

ومفروض الحين 7 اهداف على الاقل إذا كان هداف بمعنى الكلمه

اما نعير نيفيز الي محرك الفريق ونجيب لاعب مع إحترامي له اقل من نيفيز بالمستوى


غريب هالتصرف من إدارتنا

خلاص فترة الانتقالات وعدت

ومانقول غير يالله استر

فوضعنا خطير مع كالديرون الي مادري وش الاختراعات الي يطلعها


ماقول غير



الله يستر ويوفق الهلا

الله يستر ويوفق الهلا