|
يا جماعة وش فيكم على المصري (احمد علي) السلام عليكم ورحمة الله وبركاته.. ـــــــــــــــــــــــــــــــــــ يا جماعة وش فيكم على احمد علي من اول ما جاء للهلال ووانتم تنتقدونه طيب اصبروا عليه شوي بس وشوفوا كيف راح يبدع وانتم تبون واحد زي ياسر كيف تبونه زي ياسر وانتم ما تبغونه يلعب خلوه يلعب اكثر من 7 مباريات كأساسي وشوفوا الابداع من هذا الاعب وتذكروا (ويلي ونيفيز) اول ما جوا كانوا سيئين لدرجة بعد عدة مباريات طلعوا نيفيز و ويلي مهاراتهم وابداعهم فأنا اطلب من بعض الجماهير الهلالية بصبر على احمد علي واعطوه الفرصة الكاملة .. وشكرا . |
اشكر المشرفين على الرفع ............... |
والله كلاام صحيح والله انك جبتها مثل نيفيز اول ماجاء متاقلم مع الفريق اصبروله شوي وشو كيف يلعب |
أنا فلت زيك لكن و انا أخوك لكن ليالي العيد تبان من عصاريها. تصدق : ما صعب موقفه أنه جاء بدل نيفيز . |
ياااحبيبي الاعب باين من لمسته وبعدين نيفيز وويلي صبرنا عليهم لانهم جايين من اماكن بعيده وقلنا امكن ماتأقلمو على اجواءنا اما هاذا الاعب جي من مصر يعني بيننا البحر الاحمر فقط<<دافور جغرافيا والله انه ماراح يقدم اكثر من اللي قدمه وتذكر كلامي |
لا يعطونه فرصه يعطونه وسط يصنع زي اول |
يا اخوان يا زعماء .. نبي مدرب زي جريتس .. نبي لاعب مثل نيفيز يصنع الفارق في اي وقت .. نيفيز لاعب كبير من الطراز الأول مثل هذا المفروض ما يفرطون فيه .. الهلال يحتاج مدرب و لاعب بدلا عن احمد علي .. الهلال يحتاج جماهير .. ~ تحياتي لكم ~ |
ياخوي مهاجم لا مهارة ولا سرعة ولا استلام صح وطريقته على كلام كالديرون تختلف عن الهلال اجل ليش جبتوه !! اجزم انه ماكان خيار المدرب لكن الادارة شرته على قد فلوسها ... |
يعافيك ربي أخوووي هلالي ملكي بالعكس انا متفأل جداُ بـ أحـمـد عـلـي بس يبيله وقت ويدخل مع الفريق وبيمتعنا بأهدافه ن شاء الله وبعدين اللي يقول أنه قريب من عندنا وبيننا فقط البحر الأحمر ترى مو منطق هالكلام , , , لازم اللاعب يعرف الفريق بكل حالاته مستحيل تجيب لاعب محترف ويدخل مع الفريق ويجيب لك أهداف من اول مبارياته ودمتم بووود يا أخواااني , , , تقبلوو تحياتي O L E |
والله اللاعب لو سجل الفرصه اللي لعبها بالراس في الشوط الاول كان شفتو كل اللي انتقدوه هم اول ناس تمدح فيهو كان تشوفونهم مستانسين ولاتسمع حس للانتقاد السلبي مانقول لا تنتقدو لكن بجانب هالانتقاد خل عندكم صبر عليه واعطاء فرصه يعني فيه ناس من اول مباراه لعبها يبونه يجيب هاترك الرجل عنده تمركز رائع والتحام جيد مع المدافيعن وصعود جيد لكن نقصه التوفيق امام المرمى وصل الى المرمى اكثر من مره لكن سبحان الله مافيه توفيق وهذا من عند ربك ولا من ناحية الامكانيات فهي موجوده عنده اصبرو وخل عندكم امل فيه |
اللاعب فاشل مع الاسماعيلي من اساس هذا ملاكم مو لاعب يمشي ويكسر |
كنترول دمار اذا جاء يشوت يجلي ما فيه مهاره ولا سرعه ومن ناحية الصبر مجبورين نصبر |
هذا ما كنت انسق له بـ موضوعي الثاني لـ هذا الكيآن العظيم .. ولكنك سبقتني بــهِ واستغليت الفترة هذه لـ تبين لهم مدىآ اهمية الآعب . كما وضحت لهم كيف كان نيفيز:cry: بـ بدآية آمره مع الهلآل وايضا ويلي ببدآية مشوآره .. وانا لآ اخفيكم عندي ثقه كآمله بـه وان لديه الشيء العظيم لـ يقدمه لـ الزعيم باذن الله . هو فقط بحآجه لـ ان يكون بجآنبه يآسر وان ينسسجم مع زملآئهِ . وباذن الله نرى هذا بالقريب .. اشكرك على هذا الطرح المفيد واتمنى ان يتفهم هذا الجمهور الكبير والرقم الصعب .. كل الشكر لك اخي .. لك محبتي ووآفر ودي .:smilie47: |
والله ....فــــــــــــاشـــــــــــــــــــــــــــــــل.... بكل ماتعنيه الكلمه بس يحتري متى تجيه الكوره مقشره يشوتها وفوق كذا ماتصيب ،،،،وتطمن أخوي مجبورييييييييين نصبر |
ياخي شوف كيف مستوى فيكتور سيموس لاعب الاهلي (المهاجم ) ،، وزيايه في الاتحاد ياخي احمد علي حتى استلام مافيه ؟ كنترول + مهارات + تسديد= صفر احمد علي مكانه في الفيصلي او سدوس الله يعين بس |
إقتباس:
هذا كلامكم كلمآ اتىآ محترف الينآإ .. كأنكم تريدونهٌ كيفما تشاؤؤن !! ارتقوا احبتي ولآتكونوا كما هذا الحآل .. لدى احمد علي ما سيقدم لنا .. فلننتظره بالايآم المُقبله .. |
لآتعليييييييييييييييييييييييييييييييييييييييق !!!!!!! |
شباب يجب ان ترتقي بمستوى النقد.. الاعب فاشل ..اللاعب مايصلح يكون بالهلال .. ياخواني انتو جمهور الهلال مو أي جمهور ..بدعمكم للاعب معنويا راح يفيده كثير.. |
اقول اسكت بس ذا لاعب بزر في اولى احسن منه وانتم شاهدين عليه في مباراة امـس :ranting: |
احنا بنصبر لان غصب نصبر ولا هو تقريبا حواري يصلح بس |
يقولون اول الغييث قطررررهـ والصرااحه ماشفنا ولاااااا قطررررررره نيفيز اول ماجى ابـدع بس الاصابات طفشتنا شووي ونييفز قييمه كبييره وثابته لاتحطه بجنب احمد علي الصراحه اكثر انسااان يتهاوش مع الناس ويقول عطوه فرصه انا بس كل الدلأل تدل انه هذا الي عنده وهذا الي يقدر يسوويه ماعنده اكثرر انا اقول يعطوون الفررصه للمحياااااااااني والله انه افضل من احمد علي بكل شي بس للحين مظلووووووم هاللاعب ووننتظررررررك يالمحياني واملي فيك بعد الله كبير !! |
الكتاب باين من عنوانه ، لاعب ليس في طموحات الجماهير الهلاليه ولايستحق اللعب مع فريق بحجم الهلال . والنادي متعاقد معه في وقت الحصاد يعني يصبر عليه حتى تضيع البطولات ، بعدين الجماهير طموحها لاعب هداف افضل من ياسر يعني لو حضر ياسر او غاب لاي سبب لانضع ايدينا على قلوبنا ، ولكن وجهة نظر الادارة (الخاطئه) في التعاقد مع اي مهاجم وباقل سعر ستضر الفريق في المباريات القادمه وخاصة الاسيويه |
يا صاحب الموضوع لاتعب نفسك وانا اخوك في بعض الجماهير تمشي وتنتقد وانت تذكر ياسر القحطاني يوم حشروه حشر الموسم الماضي والحين يطالبون بوجوده وين بوقحط وين بوقحط الجماهير لو تلعب اي لاعب ويجيب هدف بيحطونه لك فوق الرأس غير ذا الكلام مافي امل يقتنعون |
ننتظر ننتظر نجلس 10 مباريات علشان نقول لعل وعسا يكون ممتاز اصلن الهلال ماخذه نص موسم يعني إإلى متى ننظر ؟ الجماهير العاطفيه طاغيه هاليومين الواحدي يحكم عقله |
نيفيز وويلي صبرنا عليهم لأنهم كانوا واضحين من لمستهم على الكورة وكنترولهم المشكلة اللي لاكنترول ولالمسة وصارت أي كورة له فاول عليه أحمد علي شكراً لك مع إني كنت في البداية من المرحبين بك والمتفائلين فيك لكن معليش خير بغيرها ياهلال الله يعينا نلعب بثلاث محترفين |
اناء معاك في كلامك وانا متابع جيد للدوري المصري والاعب أحمد علي لاعب ممتاز ولسى لم يقدم كل ما عنده اصبروا عليه شوي وراح تشوف ايش راح يقدم للزعيم الصبر فقط وليس غير الصبر يا جماهير الزعيم |
إقتباس:
ما افشل من المصري الا هاللاعب اللي اخذ من الهلال اكثر مما اعطاه للهلال .. لاعب عالة على الفريق وجوده والعدم واحد .. النادي فاشل هجوميا والسبب هذا المغرور وهو سبب تعاقد الهلال مع مهاجمين ليحلوا هذه المشكلة لكن للأسف طلعوا كلهم مهاجمين متواضعين .. خسر النادي ملايين عليهم والسبب ياسر القحطاني لو انا مكان رئيس النادي كان يمديني شايته برى النادي من زمان وجبت مهاجم صح يلعب ويحترق من اجل الشعار الهلالي >> وجهة نظر يا مشرفين مو تقولون كل رد يعبر عن وجهة تظر كاتبه ولا يمثل بأي حال من الاحوال رأي النادي او مسؤليه |
اهنيك بكلامك الحلووو هذي الناااس اللي تفهم الكورة وتحب الهلال يانااااااس أحمد علي اصبرو شوي عليه |
اخوي احمد علي انت جاااايبه 6 شهور بس يعني المفروض يكون جااااهز من ثاني او ثالث مباراة على الاكثر يعني مافي مقارنة بين نيفيز وويلي لامن حيث المده ولامن حيث المكان وبعد المنطقه واختلاف الاجواء والعادات وكل شي جديد عليه لكن احمد علي وشو اللي متغير عليه؟؟؟ انت جايبه ست شهور وتبونا نصبر عليه مثلا خمس شهور ؟؟؟؟؟ |
المشكله ماعنده لا استلام ولا كنترول ولا سسرعه ولا مهاره .؟؟! شوفوا سيموس مع الاهلي و زيايه مع الاتحاد .! يالبببى نفيييز بس .!! |
قسم بله انه افشل لاعب جاء هو احمد علي فااااشل نبر 1 <<وجهة نظر |
اللاعب جيد بس خلونا واقعيين وسط الهلال دمار ما فيه صانع لعب والله ان النصر يصنع احسن منا والدليل شوفو السهلاوي هداف معهم مع ان مستواه اقل من ياسر والمحياني بصراحه الهلال من بعد التايب خااااااااااااااااااااااااااااااااااااايب آه يا التايب رحته وخليتنا مع مطرسة الفريدي وانانية ولي والدوسري والشايب المنتهي الشلهوب |
تسألنا وش فينا ؟؟ أسأل اللي جايبه وش فيه ؟؟ |
بصرآحه اللآعب لم يكون سيئ ذآك السسسوء كل مآفينآ أنآ نصصصبر وأن شاء الله نشششوف خير في المباريات القادمه |
مشكورين على ردودكم و وجهات نظركم ..... واللي يقول سيموس سيموس من متى مع الاهلي وزيايه من متى وهو في الاتحاد يا جماعة تبونه يبدع وانتم نازلين فيه تنتيف فاشل لا مهارة ادعموه وصبروا عليه .......... وشكرا |
مشكور اخوي على موضوعك صبرنا على ويلي ونفيز لانهم اجانب ولايعرفون الدوري ولا المنطقه وبعدين ويلي ونفيز قاعدين لمده ثلاثه وسنتين مع الفريق والمصري احمد علي لاعب عربي وفاهم الدوري والمنطقه وصبرنا عليه 4مباريات والمده 6 شهور يعني الى متى بنصبر لين تتطير 6 شهور والله ماغير يدف هالاعيبه ونقوب مقاتل وبغى يجيب العيد مع الاتحاد في اول لمسه لليالى العيد تبان من عصاريها |
كلامك صحيح اخووووي ميه بالميه مثل ماقلت يوووم جاء ولي ونيفيز الانتقادات عليهم واللحين نبغى لاعب مثل نيفيز ولاتفرطون بولي استغرب من الجماهير تبغى الاعب يسجل من اول اوثاني مباراه ونلاحظ ان اغلب لاعبي العالم وابرزهم توريس انتقل من ليفربول لتشلسي ولم يسجل ولاهدف بينما احمد على سجل هدف وصنع بعض الاهداف |
الاعب يحتاج احد جنبه يعني مايصلح يكون وحيد في المقدمه لانه بصراحه الوسط مايوصل الكوره للمهاجم بالشكل المطلوب وهذا الي الجمهور يشوف ان اللاعب سيء والا في الاساس الاعب ممتاز لكن المشكله مامعه احد بس |
مشكور على الموضوع ،، اللاعب إمكانياته جيده ،، ويتميز بروح قتالية ،، أتساءل ... كيف بعض الأعضاء هداه الله يحكم عليه وهو ما لعب 4 مباريات كاملة من ضمنها مباراتين (الفتح وسابهان) كان مستوى الهلال سيء بالكامل. إذا ما فيه صناعة لعب ما نقدر نحكم على راس الحربة. المفروض نشد من أزره ما نجرّح فيه بهذا الشكل ،، |
هذا الكلام السليم يعني ماصارله 7 مباريات ولاتنسون مباراة الهلال والشباب كيف ابدع وسبب ركلة جزاء ومباراة الاهلي سجل فيها هدف اصبروا عليه |
^ مشكور اخوي السهم الصعب على ردك |
أحمد علي لآعب كبير والمبآريآت اللي لعبهآ تثبت ولسآ مآ تأقلم مع الفريق إذآ تأقلم حكمنآ عليه ,,, |
شكراً لك :rose: اللآعب مطلوب منه التركيز على الاداء بعيداً عن الحماس الزائد اللي يضيع مجهوده .. بالإضافة إني ما ألومه كثير بسبب عدم ثبات اللاعب اللي يكون بجانبه .. و انتظره بجانب ياسر حتى احكم على مستواه |
احمد علي جانا بدل نيفيز وهذا اللي خلى الجماهير ماهي راضيه عليه هذا اولا وثانيا احمدعلي عربي ومن الصعب انك تجيب محترف عربي لان العرب مايفهمون الاحترافيه صح والله لعيبه الهلال لو لعب بحمااااااااااااااااااااااااااااااااس ولعب للشعاااااااااااار ماراح يهمنا اللاعب هذا او هذاك لانهم راح يحرقون نفسهم بالملعب وتقدر تلاقي له عذر ...ويكفيك المستوى ان فزنا او خسرنا ((لاسمح الله)) ... ان شاء الله مبارتنا مع الاهلي ومع الغرافه مايخذلونا لعيبتنا ولازم يكون فيه حل سريع للبرود والمستوى الضعيف والثقه الزايده اللي يصير من بعض اللعيبه |
ينطبق عليه مثل(لو فيه شمس كان بانت من امس)والله فاشل بمعنى تعنيه هالكلمه والواحد لايضحك على نفسه في امور يقول شي وهو عنده يقين انها عكس ذالك وابي اسال اللي يقول انه يلعب او عنده امكانيات او اصبروا عليه من يوم لعب...هل سدد او مرر او تحرك او تمركز صح؟؟ ياحرام سبق وانا طالبت ببدر المطوع لاكن لاحياة لمن تنادي لان عندنا ناس نايمين وشوفوا وش قاعد يسوي في النصر واللي يقول مستحيل محترف يجيب من اول مباراه...اقولك شف بدر المطوع وغيره كثير وفيه ناس تقول لو جاب الفرصه اللي بالشوط الاول كان مافيه احد سبه او انتقده....ماتنفع كلمة لو لانها من عمل الشيطان وناس تقول التحامه مع المدافين جيد بالعكس مافيه مدافع الا وكسره اصلا من يقرب من المدافع وانا متاكد بيحسب للمدافع خطا |
الصبر شباب والله يقدم ما فيه خير للزعيم |
يآ ابن الحلال اللآعب وآضح من لمسآته مآ عمري شفت لآعب يجري على جنب ولآ كنترول ولآ شي شـوف بدر المطوع مع النصر وكلهم جآيين بنفس الفتره |
كلامك في مكانه المصري احمد على مستواه يرتفع كل مباراة ولكن الجيزاااااااااااااااااااااااااااااااااااااااااا مستواه ينخفض كل مباراة بل انه يلعب مدافع مع فريق الخصم |
والله احمد علي لاعب سيئ جدا ....... الهلال محتاج لاعب سريع .. احمد علي لاعب بطيئ جدا ولا عنده مهاره ولا عند كنترول ... بالله شوف عبدالملك زياية كيف فنان ومهاري وسريع .... الي يبغى الاسيويه مهرها غالي مو لاعب على قد الحال هجوم |
تو بدري حاس انه من يوم ماجا بيسير هداف بس يتأقلم هو وياسر وماعليكم والاداره بعدها بتشتريه |
احمد علي مقلب جدا كبير وعلى ضوء اختيارة فقدنا شيء كثير من قوة الفريق بالأستغناء عن نيفيز والمجادلة بأنة لاعب ممتتاز ماهي إلا مضيعة وقت وارجعوا للاعب الي لم يتم ضمة لمنتخب مصر في جميع البطولات الأفريقية الثلاث التي حققها المنتخب المصري ولم ينضم للمنتخب إلا في بطولة النيل الودية في ضل غياب مهاجمي مصر الحقيقيين بسبب الأصابة او لسة في وضع التأهيل بعد الأصابة مثل زيدان ومتعب وجدو وعمرو زكي وميد بسبب مشاكلة مع حسن شحاتة ايضا معدلة التهديفي مع الأسماعيلي جدا ضعيف وفترات كثيرة كان احتياط المهم الحين انا شربنا المقلب بهدوء ونتمنى نعرف من الي اختار احمد علي واليس من الأجدر التعاقد مع لاعب نجران الأفريقي نتمنى ماعد نشوف احمد علي إلا احتياط لياسر والمحياني |
كنترول دمار اذا جاء يشوت يجلي ما فيه مهاره ولا سرعه ومن ناحية الصبر مجبورين نصبر |
الاعب يعرف من لمسته عالكورة هذا حتى كنترول مافيه وليد الجيزاني افضل منه كتبت نبي السلطان بديل للغامدي جابت الادارة الجيزاني واحمد علي رغم ان الفريق يلعبوله كورة صح وباقي يصايح |
ارجوا منكم عدم الحكم على الاعب من 4 مباريات فقط |
لو يدخل احمد علي على المنتدى وشآف موآضيعكم يبي يحس برتبآك لو دخل الملعب يصير عنده خووف وهو يضيع فرصه انتم لو مكانه وشفتوا الموآضيع آمانة وش تحسووون . |
والله انك صصـًآآآدق وبالتوفيق للهلال (الزعيم) |
يعافيك ربي أخوووي هلالي ملكي بالعكس انا متفأل جداُ بـ أحـمـد عـلـي بس يبيله وقت ويدخل مع الفريق وبيمتعنا بأهدافه ن شاء الله |
الصبر زين................... |
ابوعلي ان شاءالله يبدع ويشكل مع ياسر ثنائي خطر |
كلا مك صحيح احمد علي يلعب لحاله احمد محاصر من الدفاع زي ياسر احمد لاعب كبير ولازم الصبر شوي تذكروا ويلي بعدين احمد علي اكثر لاعب يتحرك في المباراة ويكسب اخطاء وش فيكم يا ناس ارحموه شوي وان شاء الله مع رجعة القناص نشوف الاثنين يلعبون مع بعض وتشوفون الابداع احمد محتاج مهاجم ثاني |
| الوقت المعتمد في المنتدى بتوقيت جرينتش +3.
الوقت الان » 10:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd