الســـلام عليكم
هاردلكم جميعا الخساره .... وليست نهاية المطاف
انا استغرب ولا الومكم صراحة تزعلون وتتضايقون على الهزيمه لان آخر هزيمه لنا هي مباراة ( ذوب اهن )
يعني اربع شهور وشوي تقريبا
متعودين على الفوز والصداره شي طبيعي وهذي ردة فعل طبيعيه ولاكن.. !!!
انا استغرب الي يقول كالديرون السبب ؟؟ ليه طيب؟؟
تعرف ان كالديرون من يوم جاء ما قصر ولاكن افهموا شي واحد وهو (( مافي هجوم هلالي صريح))
الفريق (( ناقص عناصر مؤثره )) كل هالاشياء تأثر فيها انديه مثل برشلونه و ريال مدريد وغيرها من الأنديه الأوربيه...
الي مو مقتنع في كالديرون يطالع هالصوره ويتمقل فيها شوي... فيه هزايم؟ <<<<اهم شي يتمقل
والي تشائم وقال هالخساره نهاية المطاف ويؤيد قريتس فاعرف ان قريتس خسر من (( مس كرمان ))
ووصلنا للنصف النهائي وكانت الضروف ضدنا في مباراة ذوب آهن وخسرنا (( تذبذب رحيل قريتس ))
وهذي صورة توضح لنا حال الهلال ( في المجموعات ) في ابطال اسيا 2010 (( للتذكير للي ناسي فقط ))
وأخيرا اقول الزعيم قدها ونص ولاكن تذكر ان الهلال لعب مع اصفهان من غير هجوم... هذي غلطة
وان شاء الله تفتح عين الإدارة الفنيه اكبر واكبر لاني فهمت من الخطه الخروج والأكتفاء ب (( التعادل السلبي ))
واطلب منكم شي واحد (( اتركوا التعصب الرياضي والتشمت بلاخرين فهم لايعنون لنا شيء في مصلحة زعيمنا ))
اما بالنسبة حضور الملعب انا اقولكم السبب :
لما تروح للملعب مافي ولا مويه المويه تشربها برا وتدخل بس فصفص والي مايحب الفصفص؟؟ ياكل هواء
لو فيه ترتيب وتنظيم زي الناس وشاهي وغيرها كان والله كل المباريات احضرها في الملعب, ولاكن مع الاسف الأغلب للدرجة الثانيه وهي غير مخدومه زي المنصه والدرجة الأولى .عشان كذا كثير منا يفضلها في بيتهم او مع الشباب,
ان شاء الله يكون فيه تطور للتنظيم للملاعب والي بيروح ملاعب قطر والأمارات بيلاحظ الفرق الكبير وجمهور الفووووز مانبيهم نبي (( قلب ونبض الزعيم " الجمهور" في الحلوه والمره ))
والله يوفق الزعيييييم في مشواره الرياضي بشتى انواع الألعاب
أخوكم / ترس ...
الوضع العادي
