أنت يا صاحب الموضوع الظاهر انك من الناس اللي ما تدري وش السالفة بس تسمع وتطب على وجهها (مع الخيل يا شقرا)

قال جمهور قال أنا انتقد كل اللي راحوا أمس تبون الآسيويه لا تحضرون نسيت ال70000 بنصف النهائي العام اللاعبين كانوا بس موجودين بأجسامهم ولا واحد فيهم حس بهالجمهور وأمس نفس الحال

لاعبين الهلال هالوقت يخاف من جمهوره لا حضر يصير يلعب على ضغط مهوب زي جيل التسعينات يلعب على أصوات جمهوره

بالله الفريدي هذا تسمونه لاعب محترف يطلع لي بدقيقة وحده بمباراة ويختفي بثلاث مباريات لازم يجيه ما جاء العابد صدقوني تبون الآسيويه لا حد يحضر وعساها تجي بعد الهلال ما زال يعاني ما عنده مهاجم هالأربعة اللي فيه ما ينغزابهم

الآسيوية يبيلها واحد يهدف من أصعب الفرص أمثال سيرجو البرازيلي اللي جاب للهلال آخر آسيويه وقبلها أبو عبدالله بكوريا أما هالأربعة اللي فيه لا ترجون منهم بطوله زي هذي حدهم محليه وتخب والله