إقتباس الرسالة الأصلية كتبت بواسطة محمد M10Mالشلهوب انا معااااااااااااااك لا مرحله حااسمه ولا هم يحزنوون والله انا ماني بايع الرئه عندي يعني انا والله ما احضر لسبب هذا ويجونك نااس يووقفوون تنكتم الله يعين بس

بالطقاق لا تحضر ميتيين عليك

يا اخي الهلال في مرحله صعبه وانت تطالب لا للحضور اجلس ابعيد عن الي يدخن .

إقتباس الرسالة الأصلية كتبت بواسطة ذgق 8 8 اخوي .. احترمك واحترم رأيك . والله طفشنا وملينا .. أنا مليت .. وخسرت كثير من اجل الاتصال ومراسلة أصحاب الشأن من أجل ( تطبيق النظام ) وخاصة فيما يتعلق بالتدخين .. والسرعة . بالأول .. كنت أناصحهم .. لكن تخيل كلهم يقولون ( مالك دخل ) و ( المستأذي يرحل ) !! يا أخي تخيل حرمونا الحضور للمباريات .. والآن بدأنا نترك الحدائق .. أغلب الشعب يدخن .. حتى العجز !! يعني تخيل تجي بدري أنت وأهلك وتختار مكان جميل في الحديقة .. شوي ويجيك ( عربجي ) ويجلس جنبك وكل شوي سيجارة !! وش تسوي .. لو تناصحه ما يعطيك وجه .. مالك الا تدعي عليه .. لأنه اصلا لو فيه خير ما دخن قدام الناس !! ولو فيه عقل ما دخن أصلا .. لأن العاقل ما يدخن !! وشلون البهائم تترك الأكل المضر .. وهالبهائم تدخن وتخسر فلوس وتخسر صحتها وتوذي خلق الله ( والله طفشنا ) !! ومثله السرعة . تخيل كم مرة أشوف حوادث بسبب السرعة .. طيب وش ذنب الطرف الآخر .. (( ننتظر حتى يعقل .. مثل ما يقول بعض الناس )) !! تخيل مرة ( بزر ) معه هايلوكس يسير بسرعة جنوينة .. واصطدم عائلة معهم ( جيب ) توفي منهم ثلاثة .. واصيب الباقين بإصابات خطيرة (( وش رأيك تبين أدعي له )) الا الله يلعنه ويلعن من شرى له سيارة وتركه يوذي خلق الله . انا وغيري .. نحب النظام ونحترم ديننا ووطنا وأنفسنا وغيرنا .. وش ذنبنا يؤذينا مثل هالبهائم !! وبالنسبة للحادث .. كنت أدعي عليه .. وقالت المدام حرام يمكن معه عائلة .. قلت لا شايفه لحاله .. ويوم شفته قالب ونست .. وحمدت الله انه تقلب .. ولا سوى حادث وآذى أبرياء .

أولأ واخيرآ أشكرك على تقبل وجهت نظري

وزي ماقلت لو عندهم عقول والله مايدخنون والزمن ذا ياشيخ صار الي يسوا ولا مايسوى يدخن ويرفع صوته زي ماقلت اذا نصحته

وألحدوأدث اااه عد وغلط بسبب السرعه بس الله يرحم من مات

احضر ياطويل العمر واللي يدخن ابعد عنه فيه اماكن يالغالي ما فيها تدخين زي ماتقول قروبات كذا هاديه احم احم مالها بالدخان
الهلال محتاجنا كجمهووووووووووووووووووووور

كلامك سليييم مشكلة كبيرة ومنتشرة
بالملاعب الدخااان يا اخي المدخن
اذا بغيت تدخن اطلع بين الشووووطين
اذا بغيت اشربه كاااامل بس لا تدخن
بالملعب ما قلت لا تحضر وولا تجي
الا تعااال حياااك بس الدخااااان
يحشر وكثييير من الهلالين ما يجي
علشااان الدخااااااااااان وشكرا

إقتباس الرسالة الأصلية كتبت بواسطة صوت الماضي اقسم بالله انك رجل غير محترم كيف تسمينا بهائم لاننا ندخن ؟؟ ودعاءك علينا .. الله وحده يختص بقبوله او رده اليك وعليك ياليت ترتقي شوي باخلاقك والفاظك واتمنى ماينطبق عليك المثل اللي يقول : كل إناء بما فيه ينضح مدري وين المشرفين عن مثل هالالفاظ شوي ويجينا بزر ثاني يكفرنا عشان الدخان سبحانك اللهم وبحمدك .. اشهد ان لا آله الا انت .. استغفرك واتوب اليك

يالغالي أسلوبة ماهوب بعيد عن أسلوبك بالرد على الموضوع ..

فإذا أسلوبه قاسي فأنت قسوت أيضاً على كاتب الموضوع .

كلامك بالصميم
انا انقهرت من اللي يوقف بالمباراة ياليت يتركون التخلف

^
^
فاقد يوسف

ياخوك انا ماقمت ادعي على كاتب الموضوع ان الله يهلكه ولا وصفته بالبهيميه
قسيت في نقدي له بحدود الادب وقلت له يجلس في بيته بما انه اعلن عدم رغبته في الحضور

لايكون الرجال يقرب لك او من معارفك وجالس ترقع له بس
واحد يفرح بانقلاب مسلم في سيارته ويسمي خلق الله بهائم لانه يدخنون ويدعي عليهم بالهلاك
وين وجه الشبه وانا اخوك ؟؟؟

ما أقول الا ( أحشفا وسوء كيلة ) .

حنا ما نقول لا تدخن .. الا دخن بيديك ورجليك .. بس مو من حقك تدخن قدام الناس !!

طيب ..

ممكن تقولي .. ليش البهيمة تترك الأكل المضر ,, وبني آدم .. اللي كرمه الله بالعقل يدفع المال من أجل الحصول على مادة مضره !!

مخالفة شرعية + ضرر صحي + مال مهدر من غير فائدة + رائحة كريهة للمدخن وغيره !! << وش بقى !!

( إن هم إلا كالأنعام بل أضل ) .

يا صوت الماضي ..

ايوه ادعي .. ومن حقي .. والله هو اللي يحاسبني على قدر نيتي ..

اللي يدخن بعيد عن الناس .. نحترمه ونتمنى له الهداية .. أما اللي ما يهمه الا نفسه .. بندعي عليه ونص .

ومثله اللي يسرع ..

انا ثلاث مرات شوي ولا اروح انا وعائلتي .. والسبب تهور بعض الشباب .. وصرنا ما نركب السيارات الا ونصاب بالرعب .. ونفرح اذا رجعنا بالسلامة ,

المهم ( كل ورأيه ) ونحترم كل الأراء .

الف شكر على الموضوع

انا معك في كلامك , وهذا ابتلاء من الله سبحانه

والله يكفينا شره يارب , مع العلم اني مدخن مع الاسف

لكن لو منع التدخين في الملاعب , من الطبيعي ان بأن اعتذر عن الحضور

ذgق

من الاول حط استثناءات في كلامك
انت عممت واصدرت حكمك ان جميع المدخنين بهائم
يارجل انا اطفي زقارتي احتراما لجارنا وهو واقف عند بابه وليس لشئ اخر سوى الاحترام
وانت جاي مطفي النور وشاملنا بالدعاء والسب والشتم

واذا راح تستشهد بالايات
خل قدوتك رسولنا الكريم عليه الصلاة والسلام
وكيف صبر على اهل مكه رغم انهم كفار وليسوا مسلمين مبتلين . . وكان يدعي لهم مو عليهم

نقطه اخيره : السب والدعاء على الغير ليست في إطار الرأي والرأي الاخر

بــرب

غريبه الي يعارضون الموضوع

كلام الرجال سليم

حسبي الله عليهم .. كان انهم اقلقونا وحرمونا من حضور المباريات

إقتباس واحد يفرح بانقلاب مسلم في سيارته ويسمي خلق الله بهائم لانه يدخنون ويدعي عليهم بالهلاك

اخوي ..

الله يدفع البلاء عن كل مسلم ..

بس تخيل ..
عائلتك تمشي بأحد الطرق .. ويجي شاب طائش بسرعة جنونية ويصطدم بهم .. وتفقد أمك وأبوك وبعض أخوتك .. وش رأيك ؟
هذا الشاب وغيره ,, لم يحترم ربه أولا ولم يحترم نفسه والنعمة اللي يعيش فيها .. ولم يحترم غيره .. لأن الضرر متعدي في هذا الإهمال ..

والله كل ما أشوف سيارة اسعاف يمغصني بطني .. وأنا ما أفرح بأي ضرر لمسلم .. الا للمتهورين .. حتى نفتك من شرهم .. أنا وقفت بنفسي على حادث بين عفيف وظلم مات فيه 13 شخص .. ونشرت الحادث بعض الصحف .. والسبب إحدى السيارتين ( كامري ) هو وأمه وأخوه وأخته .. يسيرون بسرعة جنونية واصطدموا بسيارة جيمس صالون مات منهم 9 أفراد !! وكل السيارتين اخرجوهم بالأكسجين !!

طيب وش ذنبنا .. ووش تبينا نسوي ( نصيح مثلا ) عطنا حل .
في احد المنتديات اللي اشارك فيها .. فيه بنت عمرها 15 سنة فاقدة ابوها وامها و 3 من أخوانها بسبب حادث تهور شاب يسير بسرعة جنونية .. والله كل ما دخلت المنتدى أبكت الأعضاء ,, الناس تفرح بأهلها .. وتحط صور رحلاتها .. وهي محرومة !! وبسبب تهور شاب !!

والحين .. اللي هو الحين .. بطلع بأسرتي في البر ( مع انه غبار ) والسبب اللي يدخنون حرمونا الحدائق .. والأطفال لا يريدون الا الحدائق .