. شكراً سامي .. رأهنت عليه وكسبت.!
صباحكم / مساكم أزرق ..
وصول في منتصف الموسم واستلام الفريق ، فترة توقف .. عمل فني كبير ..
فوز فالبطولة الودية بـ مستوى كبير كان " حسب رايي " الأفضل فالبطولة ..
قوة شخصية واتخاذ قرار " إقالة الجهاز الطبي + إعادة ترتيب حاملي شارة القيادة " ..
طرح أسامي جديدة على تشكيلة الفريق " شافي + القرني + السديري + الكعبي "
والدفع بها وإعطائها الثقة في وقت ومباريات حساسة فالدوري وولي العهد ! ..
مجازفة وإشراك كذا لاعب في غير مركزه أو كأساسي " الشلهوب فالمحور + الدوسري "
تحقيق 7 / 9 نقاط من المباريات المؤجلة فالدوري .. فارق +8 عن أقرب منافس !
التأهل لـ نصف نهائي ولي العهد بـ فريق شبه أولمبي مع غياب 13 لاعب !!
/
كل هذي تحققت تحت إدارة الشخص اللي طلب سامي التعاقد معه بالاسم وأصرّ عليه ..
مع أني من أشدّ الناس اللي طالبوا بـ جيّة كالديرون وتأجيل أو إلغاء التعاقد مع أونيل ..
/
كل هـ المكتسبات اللي حققها الهلال فالفترة الماضية أشوفها شخصياً عمل فني وإداري احترافي ..
ما أبخس مستويات بعض اللعيبة اللي تجلّوا فهالفترة وبرزوا " العابد والدوسري قبل اصابته كـ مثال "
لكن اللي شفناه منهم يرجع بـ سبب رئيسي للثقة اللي منحت لهم والإيمان بـ قدراتهم من المدرب ..
هذا غير التبديلات الإيجابية غالباً .. سواء الهجومية أو التكتيكية منها اللي جابت لنا النقاط الـ3
رغم إن أداء الفريق حتى الآن ما وصل للمستوى المرضي .. وبهالشي أعذرهم أنا للاصابات الكبيرة
غير الظروف اللي مر فيها الفريق هالموسم والكل عارفها من خروج الآسيوية لـ روحة جيريتس ونيفيز !
/
وجود مدرب عنده ثقافة الذهاب والإياب .. واثق من نفسه وقوي الشخصية .. مجازف ولا عنده فأحد
مدرب يجيد العوامل النفسية وتهيئة اللاعبين قبل المباريات .. وجود المدرب اللي وصل المنتخب السعودي
لـ نهائيات كاس العالم بدون أي خساره .. وفاز على كوريا بـ أرضها بـ هدف لاعب " نكرة " وقتها ..
اللي وصّل الاتحاد لـ نهائي آسيا وبـ مستوى عادي ذاك الموسم ، وهذا اللي يحتاجه الهلال فالآسيوية ببساطة
لا ناقصه إمكانيات .. ولا نجوم .. ولا جمهور .. ولا خبرة وتمرس بهالنوعية من البطولات !
اللي ينقصه بس التوفيق من رب العالمين + شوية حظ + مدرب يجيد التعامل مع الظروف الصعبة ..
وهذي كلها باذن واحد أحد بـ نشوفها فـ هلالنا هالموسم .. مجرد فضفضة على هالصبح ..
/
اتمنى من ألأدأره التوقيع مع كالدي على الاقل الى 3 سنوأت قأدمه
والله يوفق هلالنا فوق كل أرض وتحت كل سماء ،
الوضع المتطور
