بسم الله الرحمن الرحيم

الموضوع ومافيه اشوف الجمهور هاليومين قاعد يتغنى بالدوري وانه انحسم لزعيم ومن هالكالام الي تعرفونه.

يعني معليش ثمان نقاط مو الفرق الكبير يعني لو الزعيم خسر ثلاث مباريات لاسمح الله وفاز اقرب منافسيه في المباريات الجايه

راح الدوري والزعيم قدامه مباريات قويه مع الاتحاد والاهلي والشباب والنصر يعني خلونا عقلانيين شوي لا تخلون العيبه

يصيبهم التراخي ويعتمدون على فارق النقاط وانتم شايفين الاصابات في الفريق وشفنا الاحتياط اغلبهم مدافعين يعني مافيه

لاعب نقدر نعتمد عليه غير الي يلعبون داخل المستطيل الاخضر من دون استنقاص في الاحتياط.

وهم بشر ممكن يتأثرون بكلام الجمهور خلوهم يلعبون بحماسهم.

وحنا الجمهورنساندهم في الملعب ونمدح لعبهم من غير مبالغه ولا تطبيل حنا الحين في مفترق طرق والفرصه سانحه للفريق انه

يتقدم ويحصل على نقاط اكثر.

ياجماعة الخير الدوري طويل وباقي مباريات كثيره لا تخربون على العيبه الله يرحم والديكم دوركم يكمن في الحضور

والمسانده للفريق خلو الاداره والمدرب يشتغلون دون شوشره.

رادوي

اسمع الجمهور بعد العفو يردد الحمد لله رادوي بيلعب .

نعم الحمدلله على العفو الي صدر ولاكن الهلال ماياقف على رادوي وانتم شايفين الفريق بدون رادوي قاعد يقدم مستوى حلو.

وعزيز والقرني مقدمين مستوى روعه ما شالله ومو مقصرين .

اكيد رادوي اضافه للفريق ونجم ماعليه كلام ولاكن لعب ولا مالعب مو مهم الي موجودين قد المسؤليه بلاش تبخسون حق

عزيز والقرني انا عارف انه منغير قصد .

ولاكن الزعيم ما يوقف على لاعب لا رادوي ولا غيره .

لااحد يقول انت متحامل على رادوي ابدا ولاكن رادوي اخطأ ولازم يتحمل نتيجة خطئه ولازم يعطا البديل فرصه

وبذات مباراة بكره اتمنى انه مايلعب عشان يستوعب الدرس وما يتهور مره ثانيه وبعدين الفريق المقابل موذاك الفريق الي يخوف.

صدقوني انا أحب رادوي مو ضده ولاكن الي قلته من مصلحة رادوي والفريق في نفس الوقت .

(ودمتم زعماء)