بسم الله الرحمن الرحيم

عندي عتب كبير مره على فئة من الجمهور الهلالي واتمنى ان الكلام اللي بقوله يفيد فيهم ،،،،،،،،،



انا اتابع بعض الاحيان حكي وكلام لفئة من جماهير الهلال سواءً باللي زملاء معي بالجامعة أو زملاء اخرين او حتى من خلال متابعة مقالات من بعض اخواني اللي بالمنتدى تحس فيها انهم حريصين على تفوق الهلال في مباراة معينة ويبدون يحللون المباراة قبل لاتبدأ ويتمنى ان سامي يلعب صح ويسجل هدف وان الثنيان يشارك ويتمكن من قيادة الوسط بشكل جيد وانا الدعيع مايفلت كوره زي اللي مع النصر ويكثر غير هذا من الكلااااام الحلو اللي تحس فيه ان الرجال دمه ازرق لا فيه احد حريص ويغار على الهلال اكثر منه،،،،،،،


_واذا جاء يوم المباراة وسألت الرجال هاه تخاويني للملعب؟؟؟؟؟؟؟؟؟

_قالك: اييييييييييييييييه يارجال والله انك قديم الناس اوربت وتحليل والاحمد يعلق وتشوف الاعادة تعال خاوني انت بس خلنا نروح للمقهى (لأن ابو الشباب متعود راس معسل وروقان بالمقهى)

*** تدرون وش يجي ببالي ذيك اللحظه والله مايجي ببالي الا وانا رايح مع خالي اللي يذكره بالخير للملعب لمباراة الهلال والإتحاد في دور الأربعه بالبطوله العربية يوم نتأهل لمباراة الترجي ونفوز بالمباراة واتذكر وشلون كان الجمهور حلوووووووو ويروع الخصم ومااقول الا ياحسااااااااااااااااااااااااااااااااااااااااافه ليت ذاك الجمهور يرجع .



ووللأسف ترى خالي صاير منهم بس لأن الرجال شاري له تلفزيون مدري كم بوصه ويتكي ببيت الشعر كل مباراة ومايبي الملعب (ااااااااااااااااه من الزمن وش يسوي)

ياجمهووووووور الهلال ياللي ينضرب فيكم المثل (سابقاً طبعاً) وينكم الحين ؟؟؟؟؟



***تذمووووون بحسين العلي وبروده
***تذمووووون بالشهراني وليه تمريراته خطأ
***تذمووووون بالعامودي وليه يفرفر
***تذمووووون بالصالح وليه يوطي الكور
***تذموووون بخالد عزيز وليه (مفهي) دايماً يركض بدون تفكير
***تذموووون بمحمد العنزي وانه مايصلح يكون مهاجم بالهلال


صدقوني وحديثي هذا مخصص لمحبي الهلال فقط والغيورين عليه كل اللي ذكرتهم وغيرهم من اللاعبين يحتاجون لتشجيعكم ماهو بالكلام بس بل بالفعل لاتتكلمون وتنقدون وانتم مقصرين ياجماعه ترى سامي والثنيان والتمياط ماطلعوا وصاروا نجوم من غير تشجيعكم ،،،،،،،،

صدقوني ياجماعة قوة الهلال بجمهوره قبل لاعبيه ؟؟؟ اذا حضرتوا وسويتوا اللي عليكم ذيك الساعه لوموا اللي تبون وحللوا على كيفكم ولا مع احترامي للجميع ماتكون هلالي الا بتشجيعك الفعلي للهلال .

لا واللي يزيد قهري ان البعض منكم ينقي مباراة الهلال والنصر ويحضر ولا جيت للباقي الا هو شخرررررررررررررررري


ان شاء الله العشرين ريال ماراح تردكم وترى الملز وسط الديره تقريباً واذا كانت المباراة تصبروا عاد و(زروا) على انفسكم وتعالوا ،،،،،،،،،،، تكفووووووووووووووون لاتردوني

***المدرب يخطي ويعدل بأخطائه
***واللاعب يتهاون ويشد ويعدل خطأه
*** والجمهوووووووووووور نايم وبيستمر نايم بس ،،،،،،،،، إلى متى؟


تعالوا وخلونا نحس أخر الموسم بالثمر اللي جنيناه من ورا تعبنا وحضورنا للملعب وتحملنا كل هالعواقب علشااااااااااااان زعيمناااااااااااااااا

تكفوووووووووووووووون لايتبخر هالكلاااام بالسمااااااااااااا تكفون


واسف على الإطاله بس والله من حبي للهلال ولجمهوووووووووووووره اللي فقدناه

صح لسانك . و يكثر اللي يذم و يمدح . يعني اليوم يمدح اللاعب و يوصله للسما لأنه سجل هدف و بكره يوصله تحت سابع ارض و عيوب الدنيا كلها فيه لأنه ضيع فرصة محققة . العدل حلو ياشباب يكون المدح بعقل و الذم بعقل و نتائج الفريق هي التي تحكم و لا كل بطولة يجب ان تسجل للزعيم لأن باقي الأندية تعمل و تصرف اكثر من الهلال على فريقها

هلا بك أخوي الأزرق بريـــــــــش

أشكرك من الأعماق على هلاليتك الصادقة وإخلاصك الذي افتقدناه كثيراً في هذه الأيام مع الأسف :sad:

تحياتي وتقديري لك يا غالي

علشان كذا الهلال صار اسمه نادي البنات لان جمهوره في النت وقدام الاوربت
واتذكر قبل نهائي السوبر ان احد المشاركات قالت ياليتني ولد علشان احضر وكان قصدها انها تكون بدل الشباب اللي انت ذكراتهم
اما انا احضر انا واخوي جميع المباريات رسميه وديه كبار شباب نا شئين00000000000

الله يعطيكم العافيه

صدقوني مايجبرني على المشاركه الا حب الهلال وطرح المواضيع اللي تفيده وتفيد كل محبيه
وان شاء الله ماراح اكتب الا كل مفيد،،،،،،،،،

(افتخر اني هلالي )
ياخي بسك مدح ترى ينتفخ راسي بعدين وش يطلعني من المنتدى

وتراهي ثاني مشاركه لي واتمنى ان الجاي يعجبكم؟؟؟؟؟؟؟؟؟؟؟؟؟



(هويدي)
عاد تبي الجد مادامك تحضر كل الفئات والله انك احسن مني بس ان شاء الله بحاول احظر مباريات الهلال ان شاء الله كلها بجميع فئاتها


والله يقويكم ويعافيكم وتكفووووووووون لاتجي مباراة للهلال الا وتضفون عيال الحاره كلهم لا اوصيككككككككككككككككككم