اجل عدد الجماهير 7600 في مباراه الشباب << ادخلوا وشوفوا الصح - نادي الهلال السعودي - شبكة الزعيم

كلنا معاك ياطارق14 · #1 23/02/2011, 12:58 AM

السلام عليكم ورحمه الله وبركاته

ادخل بالموضوع على طووووووووووول

امس وانا اتابع مباراهـ الزعيم مع الليث على قناهـ لاين سبورت

والمعلق هوو عدنان حمد الحمادي

وبنص المباراه طلع عدد الجمهور 7600 تقريبا ...!!! واستغرب المعلق من الاحصااائيه

لآن الواجهه شبهه ملياانه هاذا غير مكان الرابطه الهلاليه والرابطه الشبابيه يعني تقريبا

مافيه الا جنبات ملعب الملزززز ونقول فرضا فرضا فرضا عددها 8الالف كرسي << فرضااااا

يعني الحضوور يكوون 14 الففففف ولاكن استغرب من الاحصائيات الي بالملاعب

ولا ننسى المباراه الي راحت ضد الاتحاد بالدوري وطلعت الاحصااائيه دون الـ 20 الف متفرج

مع العلم ان الملعب يتسع لـ 24 الف وتقوول الشركه الراعيه بأن التذااكر نفذت ..........!!!!!؟

والكل يشوووف المعلب فللللل مافيه ولاكرسي فاضي سواء للهلال او للأتحاااد ..!؟

يعني الدعووهـ تلاعب بتلاعب وانا اقول لو يريحون بالهم من الاشياء الي مهم قداها اشوى لنا ولهم

ولا ننسى اخر مباراه اسيويه للهلال يوم قالوا عدد الجمهور الي حااظر 68الف ...!!!؟ << اجل ليش مقفلين البوابات من المغرب ....................!!!!!؟

وعدد الاستاد ملك فهد الدووولي كراسي 70000.......!!!؟؟

يعني معقول ان 2000 كرسي فاضيات والله مانيه شاايف ولا 10 كراسي فاضيات

يعني اسأله عليها علاماااات تعجب

وهاذي الصورهـ لعدد حضور الجمهور

..
وهاذا المقطع الي يثبت ان مافيه ولا حتى 10 كراسي فاضيات .....................!!!!!

YouTube - ‫جمهور الهلال في لقطات تاريخية بـ حضور 70 األف متفرج‬‎

بصراحه ادري ان الموضوع تقريبا مو بوقته لاكن مدري وش ناوين عليه لجنه الاحصاء

يعني يشككون بالجماهير الهلاليه ..!؟ شيءء غريب

وازيدكم من الشعر بيت امس وانا اشاهد برناج على قناه لاين سبورت طلعوا مشاهد للجماهير الهلاليه

ان العساكر مانعين عنهم الكاميرات الفوتوغرافيه .................!!؟؟

اتركم لكم التعليق

وختاما نتمنى وصول مولاي خادم الحرمين الشريفين

لآرض الوطن بسلالالالام اللهم امين

كلنا معاك ياطارق14 · #2 23/02/2011, 01:08 AM

اتمنى من المشرفين الررررررررررررررررررفع

المشتاق20 · #3 23/02/2011, 02:07 AM

وسع صدرك يا رجال ما حولك احد
اما مباراة ذوب اهان ام الفقشه
والله اني قاعد في الممر على الصبه
فريت لين قلت امين مالقيت كرسي فاضي
ويعطيك العافيه على الملاحضه
وبالتوفيق للزعيم في قادم الايام

أزرق كايدهم · #4 23/02/2011, 02:07 AM

صدقت العدد المعلن لا يمثل حقيقة الحضور الجماهيري وللأسف بمباريات الهلال يعلن عن ارقام ضعيفه لا توازي حجم المتواجدين بالمدرجات
اعتقد أن حقوق الأنديه والشركات الراعيه ضائعه بسبب عدم وجود طوق امني يمنع الدخول المجاني إضافه إلى أن الكثيرون لديهم بطاقات تسمح لهم بالدخول لأي مباراة مجانا ويستغلونها بإصطحاب مجموعه من اصحابهم بحيث أن البطاقه تخص شخص ومن يتواجد بالسياره لا يقل عن خمسه
بالقناة الرياضيه سبق أن عرضو تقرير مع الجماهير الكثير منهم إعترفو بأنهم لا يشترون تذاكر للمباريات

خـالـد بــن فـهـد · #5 23/02/2011, 02:18 AM

يمكن العدد صحيح وهذا مبني على مابيع من تذاكر

مع ان العدد اكبر لان كثير من الجماهير تدخل عن طريق رجال الامن مجانا اومعارف لهم بادارة الملعب

وشكرااا

البرنس 30 · #6 23/02/2011, 04:54 PM

إقتباس

الرسالة الأصلية كتبت بواسطة ابوجود الكويكبي


	يمكن العدد صحيح وهذا مبني على مابيع من تذاكر مع ان العدد اكبر لان كثير من الجماهير تدخل عن طريق رجال الامن مجانا اومعارف لهم بادارة الملعب وشكرااا

صدقت هذه الحقيقه في ناس تدخل بدون تذاكر ولازم يشفون لها حل

عأشق القناص20 · #7 27/02/2011, 02:55 PM

إقتباس

الرسالة الأصلية كتبت بواسطة ابوجود الكويكبي


	يمكن العدد صحيح وهذا مبني على مابيع من تذاكر مع ان العدد اكبر لان كثير من الجماهير تدخل عن طريق رجال الامن مجانا اومعارف لهم بادارة الملعب وشكرااا

لالا قووويه شوي ذي يعني 2000 واحد دخل عن طريق رجال الامن!!!!

مـٍلآمـح شمـآلـيّ · #8 23/02/2011, 02:19 AM

ترا ملعب الاستااد يتسع فوق 80 الف لكن الكراسي عددها 70 الف
لكن هم يحسبون المقااععد فقد

جار الزعيم مميز · #9 23/02/2011, 02:28 AM

تبي الصراحه والله اكثر من 7000 ياخي وش هالنصب ذا

هلاليهـ بجنون · #10 23/02/2011, 02:30 AM

هم يحسبونها على عدد التذاكر الي انباعت ....

وصحيح مثل ماذكر الكويكبي فيه ناس تدخل عن طريق معارف لها من رجال امن او ادارهـ ملعب ...

مشكور اخوي

زعيم المدفعجيه · #11 23/02/2011, 02:45 AM

هم يحسبون التذاكر اللي انباعت ... المفروض يكون فيه بوابات الكترونيه

تحسب كم واحد دخل مع الباب .. بس ماعندك احد

الله يعطيك العافيه وبالتوفيق لـ زعيمنــآ ,,