إقتباس سبحان الله امركم غريب ياخي السماري كاتب عااالمي ومن اكبر الكتاب واحسنهم ليش انت تبي تقلبها على السماري السماري قال كلمه واقل من عادي قال لانه سعودي وغيره مو سعودي فاعتقد عندما يتجنس شخص وهو مش سعودي ونقول له زي كذا مافيها شي والانسان ماينكر اصله وديرته ولكن الاولويه لسعودين الاصليين فقط انت بالضبط قولي شتبي من السماري انت وموضوعك؟؟ بيض الله وجهه على مداخلته

والله لو كاتب نصرواي والا اتحادي قال الكلام اللي قاله السماري ان تقول انه عنصري وقليل ادب !!!


ياخي كلنا هلاليين ونحب الهلال بس مو معناته اذا الكاتب هلالي يصير كلامه صح مهما كان هو على غلط


اول شي مداخلة السماري شفتها اكثر من مره ومافي اي فائده او اضافه لمعلوماتنا الا معلومة عدد الكروت اللي يدخل في موضوع ويرجع يتكلم عنها مره ثانيه


وغير كذا يقول باحلف لاني سعودي الاصل والمنشأ !!!

معليش حتى يوم تكلم بالفاظ عنصريه جابها بطريقه غبيه مع كامل احترامي له

هذآ رآيك ونحترمه .. لكن جستنيه زودهآ بزيآآآده مآدري كيف عقلية هآلأنسآن
ولآ تلوم آلسمآري من كثر آنفعآله طلعت منه هآلكلمه

مع احترامي لك السماري لم يتكلم عن القبائل بإختلافها او امور تخص هذا الشأن

قصد بكلامه جستنية وجنسيته المصنوعه ومع ذلك يستهزء بتهنئة الملك وولاة الأمر

مثل كلامه السيارة واذا شريتها وعلمت الناس ايش يقولون لك ؟

إقتباس الرسالة الأصلية كتبت بواسطة AL_ZA3EEM والله لو كاتب نصرواي والا اتحادي قال الكلام اللي قاله السماري ان تقول انه عنصري وقليل ادب !!! ياخي كلنا هلاليين ونحب الهلال بس مو معناته اذا الكاتب هلالي يصير كلامه صح مهما كان هو على غلط اول شي مداخلة السماري شفتها اكثر من مره ومافي اي فائده او اضافه لمعلوماتنا الا معلومة عدد الكروت اللي يدخل في موضوع ويرجع يتكلم عنها مره ثانيه وغير كذا يقول باحلف لاني سعودي الاصل والمنشأ !!! معليش حتى يوم تكلم بالفاظ عنصريه جابها بطريقه غبيه مع كامل احترامي له

يعطيك العافية وشكرا لك كفيت ووفيت..

إقتباس الرسالة الأصلية كتبت بواسطة هيبة(الهلال)ملك مع احترامي لك السماري لم يتكلم عن القبائل بإختلافها او امور تخص هذا الشأن قصد بكلامه جستنية وجنسيته المصنوعه ومع ذلك يستهزء بتهنئة الملك وولاة الأمر مثل كلامه السيارة واذا شريتها وعلمت الناس ايش يقولون لك ؟

هذا اللي جا يكحلها عماها..

يا أخي الفاضل الرسول صلى الله عليه وسلم قبل تجي السعودية بألف واربعمية عام قال لأفضل خلق الله بعد الرسل وهم الصحابة.. صحابة رسول الله لما اختلفوا ولم يذكروا قبائل وحمائل بعضهم البعض بل ذكروا انت من الأنصار والآخر من المهاجرين فأنكر عليهم صلى الله عليه وسلم وقال: دعوها فإنها نتنة..

شفت وشلون.. نتنة..

ياخوي مافيه شي اسمه سعودي أصل وسعودي مصنوع ولا مطبوخ.. هذا كلام انتهى ياناس لا يسمعونا اللي حوالينا والله يضحكون علينا..

والإنسان الحر يعرف نفسه وانا اخوك.. ولا فيه داعي يحقر من الآخرين.. حتى لو كان أعلى منهم منزلة..

إقتباس الرسالة الأصلية كتبت بواسطة سم الحيايا اوافقك الرائ بنسبة كبيرة بس بساللك وش شعورك وانت تسمع جمهورهم يرد اهزوجة ياسر القذرة يعني ماتنقهر انا بقولك عن نفسي انا اولع نار اجال كيف ياسر واتوعدهم بترديد نيجيريا في الرياض مو عنصرية ويشهد الله اني امقتها ولكن هي ردة فعل طبيعة للنفس البشرية الغريب انك خايف على مشاعر جستنية ..... مدري هل راعيت مشاعر ياسر كل مالعبنا فدامهم سوري ع الاطالة

ياخوي وش دخل الهتافات النابية في اللي قاله السماري؟؟

مافيه أي رابط بينهم..

حبيبي.. السماري كاتب كبير ومو كاتب رياضي وبس لا.. السماري كاتب اجتماعي ويطوف بلدان المملكة كلها لمواقف انسانية..

أخذت عليه الكلمة في حينها حينما كان غاضب وبعد إعتذارهـ اللي لا يبدر الا من الكبار.. الكل إن شاء الله يقول عفا الله عما سلف..

وإن شاء الله ما نسمع مثل هالعبارات العنصرية في مجتمعنا كله.. لأننا أخوة في الدين قبل كل شيء..

أما من ناحية مشاعرك عند سماع مثل العبارات الإستفزازية التي تطلق على ياسر فكلنا يا عزيزي نحترق لذلك والله الشاهد..

ولكن عزيزي انت تعلم بأنه ليس كل الجماهير الأخرى ترضى على ياسر بذلك.. والدليل منتديات مختلف الأندية الأخرى بمختلفها هناك فئة كثيرة ترفض مثل تلك الهتافات..

فإذا إحنا قمنا وواجهنا الهتافات المسيئة لياسر بعبارات عنصرية معناته إننا عالجنا المشكلة بمصيبة اعظم..

تحياتي لكم جميعا أخوتي الأفاضل وشكرا على ردودكم التي اسعدتني كثيراً..

.

هذآ رآيك ونحترمه .. لكن جستنيه زودهآ بزيآآآده مآدري كيف عقلية هآلأنسآن
ولآ تلوم آلسمآري من كثر آنفعآله طلعت منه هآلكلمه

اقول بس يازينك ساكت ماهي واقفة على السماري ولا حلالي ولا صحاري ولاسوداني

هو صادق كل من هب ودب صار يتكلم

واحلى لطمه على جستنيه

لا بس الصراحة كلمة سعودي الاصل والمنشأ عنصرية جدا واتمنى من السماري تفادي مثل تلك الكلمات العنصرية او اي كاتب هلالي مستقبلا حتى الشرع لا يجيز مثل هذة الالقاب وشكرا لك على الموضوع ............ ودمتم بخير............

كلام سليم وأتفق معاك بكل نقطة ذكرتها..

فعلاً الجمهور الهلالي وأعي ، ودائماً مايثبت ذلك بأطروحاته الرائعه

شكرا لك .. ونحن كلنا بصوتك ونؤيدك على ذلك .. لا فروقات ولا عنصرية ...

كلام رائع ارجو تثبيت الموضوع

كلنا ضد العنصريه وانا اخوك
لكن السماري يظل هلالي وهفوته ان كانت في نظرك هفوه ندمحها له بسبب ان خصمه جستنيه وانت بكرامه

ياليت مانفرد عضلاتنا على بعض ونترك غيرنا يمارس اسقاطاته على الهلال فقد مللنا وفاض الكيل

الف شكر لك ياغالي

هو غلط غلط كبييييييييييييييييييييييييييييييير والله سبحانه قال (( أن أكرمكم عند الله اتقاكم )) والرسول قال ((لايدخل الجنة من كان في قلبه مقدار ذرة من كبر )) والله يهديه انا اكره مالي التفاخر بالقبائل والاصل والفصل