انا واخوي الصغير ولجنة الانضباط... - نادي الهلال السعودي - شبكة الزعيم

@P-ALZAEEM-d@ · #1 16/02/2011, 04:59 AM

السلام عليكم ورحمته الله وبركاته

فيه مواقف دائماً تصير بيني انا واخوي الصغير

خبركم انا تجيني حالات هلوسة اذا شفت اخوي الصغير جاي ومعه بسكوت ولا كاكاو
واجي اتحايل عليه

لعل وعسى اقدر آخذ قطعه من هاللي معه
عاد تعرفون حركاتنا يالعيال
شف شف وش هاللي بالجدار

....مايمديه يطالع فوق إلا وانا اخطف من هالحلاوه

عاد يجي يصيح وابيها وابيها

واعطيه ماتبقى مما يسمى بالحلاوة

ويطلع من عندي مبسووووط مرررة

طبعاً اللي ربح بهالحالة انا

كم ظلمتك يا اخي

طبعاً بتقولون وش دخل هالسالفة بالهلال..!!!
ولذلك أقول لو نشوف الامر من هالمنظور و نقيسه بالواقع راح نشوفه بس بطريقة أدهى

وخلوني اركز على سالفة رادوي

وطبعاً بالمختصر مالي خلق اكتب

هم بالبداية يبون يصكونه بعقوبة وشافونا نقول فيه غيره سوا مثله وماجتهم عقوبات

لفو السالفة علينا بحيث نرضى بالعقوبة وحنا مستانسين

بحيث حطوا عقوبتين من اللجنتين علشان نسأنف بالقرار ونرضى بقرار وحده من هاللجان.

وانا على خبري ماقد شفت قرار تم إلغاءة بعد الاستئناف..!!!

عاد الحين اشوف بعض الشباب مستانسين ان الاستئناف قبل وتم إلغاء عقوبة لجنة الانحطاط

يالله اخوي توه دخل ومعاه حلاو

نشوفكم على خير

@P-ALZAEEM-d@ · #2 16/02/2011, 12:27 PM

شكراً للإدارة لرفع الموضوع

هـلالي بالسماء عالـي · #3 16/02/2011, 12:34 PM

اول شي ياويلك تاخذ حواوة اخوك مفهوم هع
ثاني شي عليك نظره ثاقبه انا احس تفكيريك تفكير سياسي
ماادري كيف جبته ياانك خطير او رهيب مافيه غيرهم هههه
الله يعطيك العافيه

@P-ALZAEEM-d@ · #4 16/02/2011, 12:59 PM

إقتباس

الرسالة الأصلية كتبت بواسطة هـلالي بالسماء عالـي


	اول شي ياويلك تاخذ حواوة اخوك مفهوم هع ثاني شي عليك نظره ثاقبه انا احس تفكيريك تفكير سياسي ماادري كيف جبته ياانك خطير او رهيب مافيه غيرهم هههه الله يعطيك العافيه

حواوه اخوي طعمها غير

تاخذ شي بدون مجهود ياسلااام

واهم شي يمشي وهو مبسووط

اما النظرة فوالله انا من اول ما قالوا جت عقوبتين وانا غاسل يدي

ومن الحين احلق شنبي لو شالوا القحطاني تبع الانضباط
لأنه مغير لعبة يحركونها

وبالتوفيق للهلال اليوم

اعشقك بجنووون · #5 16/02/2011, 01:10 PM

تبيهم يلغووون العقوبتين ..!!

تبي الفقراوية يقلبون الديره ويسوون ثورة زي حقت مصر ..احم احم

المهم يقولون لك القناعه كويسة والمعروف ان ايقاف 3 اهون من 5 ...الا ان كان لك راي ثاني ^^

هو المفروض انهم يكتفون بالبطاقه الحمراء..لكن الدعوه عندنا بربسه يارجال وكل شي (مش حالك)..!!

وكلمه باذنك بس ( لاتجي لاخوك تراه صقيقي )

20أبو أحمد20 · #6 16/02/2011, 01:37 PM

يبيلكم لجنة انضباط في البيت اجل ,,,هع

ولاتعليق على ها القرار الي مدري وش يبي ,,

مباراتين من الرئاسه العامه والباقي من لجنة الآنضباط

وربي تقول واحد يطلب من مطعم ..!!

المفروض العقوبه تصدر من جهه وحده بس ,,

خاصه انها مشكلة لاعب با الملعب ,,
مو مشكلة نادي او إداره او تزوير !

والف شكر ع طرحكـ البطل

هلالي مـووت · #7 16/02/2011, 01:51 PM

..

يَ شرير قمٍ للبقآله وأشتر .. كرتون ححلأو أبو نص..

. . . . . . . . . . . . . . . . . . . . . . . . ... . . . .. .

آنا وآلله غآسل يدي من هآللجآن ..

لجنتين توقفآن لآعب !

من بدآيه ألآتحآد ألسعودي مآصرت له هآلتخبطآت ..

آللهٍم لآششمآته ,,

لآهٍنت ي شرير .