المتجر الهلالي : مالهوووو وما عليهوووو - نادي الهلال السعودي - شبكة الزعيم

ابو طـــــلال · #1 14/02/2011, 10:38 AM

حبه حبه ياعلّااااااام ...

المتجر الهلال >> لاشك بأنها فكره فريدة من نوعها بالنسبة لنا كخليجيين وسعوديين خاصه

وهذي الفكره لايمكن ان تتحقق إلا بتكامل عناصر النجاح ( جمهور كبير + نادي كبير + شريك كبير ) وبالطبع العقليه المتميزه لكل فرد من عناصر النجاح

الجمهور الهلالي .. قدم اللّى عليه بالحضور والمساندة .. والمشاركة .. والدعم .. وال( شراء )

الإدارة الهلاليه .. قدمت ماعليها من تلبية لرغبة الجمهور من جلب لأفضل المحترفين ... والذهاب لأفضل المعسكرات ... وبناء أفضل المباني في النادي ..

موبايلي ... قدم ماعليه من عروض ترويجيه ... وباقات بإسم النادي ... ومميزات رائعه وخاصه لجمهور الزعيم .. وحتى لاعبي الزعيم .. وكان آخرها التصويت لأفضل لاعب هلالي ..

لاننكر جهود هؤلاء العناصر الثلاثة ..

نبقى في الجمهور .. عليه أن لايقوم بشراء اي منتج هلالي إلّا عن طريق متجر نادي الهلال .. لأسباب كثيرة .. منها حفظاً لحقوق النادي ... ودعم النادي ... وإقتناء أفضل المنتجات من المطروح في الأسواق ( المقلد )

يعني دور الجمهور وخصوصاً في مدينة الرياض أن يشتري منتجات الهلال من متجر الهلال فقط .. وأن يكون أحد المساهمين فين نجاح المتجر بنشر هذه الثقافة ..

اما دور الإدارة .. هي طرح فكرةر أكثر من متجر للهلال .. في أبرز مدن المملكة .. مثل جدة .. مكة .. بريدة .. الخبر .. وطرح أكثر من متجر حتى في مدينة الرياض وهذه الخطوة قد تحتاج إلى وقت للدراسة

دور الشريك الأستراتيجي موبايلي .. هو عدم المبالغة في الأسعار .. فالصراحة الإسعار جداً غاليه .. يعني رحت أبتقضى لأبنائي تي شيرت وكم شي لقيتني دخلت على الخمسمية بالراحة ..

يعني علشان الناس تشتري .. لازم المتجر يقنع بعمل دراسة من جديد للأسعار .. خصوصاً وأن جودتها ليست مختلفة عن الخارج .. وأغلب الموجود ( صيني )
مثال : لقيت طقم بيالات ( ستة بيالات ) مع صحونهن .. بسعر خيالي ( 165 ) يعني البياله توقف عليك 27 ريال .. وبادريق الأصلي توقف البيالة عليك بريالين !! فيه فرق ّ!!

هذا مثال فقط .. وإلا انا جردت كل البضاعة امس وشفت الأإسعار وشيكت على البلد المصنع لقيت إن السعر غالي والجودة ليست بالعالية ..

وعلشان مايجون الزباين بس للتمشي والتميلح والتصوير في المتجر على موبايلي ان تعيد النظر في الأأسعار ..

وحتى لو كان هناك شراء .. فصدقوني مجرد تذكار للمتجر .. لكن اللى يروح مايرجع بسبب الزياده

اجل كورة ( جلدن منفوخ بخمسة وستين ريال ) وانا لاقيها بـ 15 ؟ طيب ليه الإحراج عند ولدي ؟! أشغلني يبيها

نعم فيه ناس تشتري .. مااقول لا .. بس المفروض إستهداف الشباب .. المواطن العادي البسيط .. هو اللى بيفرح بالمنتج وبشراءه وهو اللى تقدر موبايلي تعتمد عليه بالمستقبل ..

الشي الثاني على موبايلي طرح المنتجات عن طريق النت .. والتوصيل من خلال البريد المستعجل .. DHL مثلاً .. او أرامكس .. او فيدكس .. وغيرها .. وهذه خدمة لمن هم خارج الرياض .. وهم كثر والحمد الله

أتمنى التوفيق للعناصر الثلاثة

الجمهور الهلالي ... الإدارة الهلالية واللاعبين ... الشريك الهلالي موبايلي

ولاتزعلين ياموبايلي ترى نمون

.. وعلى قولة القايل .. كلمتن تستحي منها بدّها

طاءات ابو طلال >> على غرار هاءات فهد الروقي

>> بوجهلوو تحيه كتير كبيره :rose:

* لاشفت الامير نواف بن سعد يتحدث .. اقول : الله لايخلينا يابو سعد ويجعلك ذخر للزعيم

* رادوي أخفق في تصرفه لكنه إنتصر لكرامته .. وألزم ماعلى الإنسان كرامته

* رادوي مهم .. بس هل من المعقول أن ننجرف وراء خطط الأندية المنافسة في إحباط بقية لاعبي نادي الهلال وأن الفوز فقط بوجود رادوي .. لو يلعب الهلال بالناشئين راح يفوز على الأهلي ... الثقة في لاعبي الزعيم .. تراهم أبطال
* عبدالرحمن بن مساعد .. الله لايحرمك الاجر ولايحرم جمهور الهلال اللى حضر وساند واللى طالب وإهتم في موضوع خالد الرشيد .. في مثل هالأمور الواحد فعلاً يرفع راسه ويقول ( انا هلالي )

* مريت الكابتن خالد الرشيد في المستشفى .. لقيته نايم وطلعت .. نايم وهم متطمن من وقفة جمهور الهلال وإدارته ولاعبيه السابقين ... نايم قرير العين لأنه يعلم بأن الهلال هو منبع الوفاااء

الحمدالله على سلامتك ياخالد والله يخليلك بنيّاتك ويخليك لهم .. حتى الجمهور اللى مايعرف خالد وقف معه

كان الموقف رائع وجميل ومؤثر ( بصراحة )
* أمس لقيت في المتجر د . حافظ المدلج ومعه ولده ومالبس شماغ ( مثلي ) مانحب الشمغ حنها يهاللبنانيين

ولقيت الشاعر الرائع فيصل اليامي .. وسلمت عليه واخذت لطلال صورة معه وودي أحطها بس اخاف تقولون أشغلنا أبو طلال بولده ( الفريان الصغير )

بس امانة فيصل كان في قمة التواضع

* أمس زحمة عند الكاشير في متجر الهلال .. يحاسبون .. بس وش المقاضي ؟؟؟؟؟؟؟؟ واحد ماخذ ( مصاصه أطفال ) والثاني ( شمسية ) والثالث ماسك الدور علشان ( كاب ) وكلهم على حبه حبه .. شكلهم يقولون إسمنا اللى دخلنا ماودنا نطلع فاضين .. وشكلهم وقعوا بالإحراج

اما أنا ماودي اطلع فاضي عند الناس وبصراحة الإسعار نار والراتب باقي عليه أسبوعين

.. سويت نفسي اكلم بالجوال والإتصال يقطّع وطلعت علشان الشبكة وماغير أقول ( هاه ابو محمد .. مااسمعك .. ايوه ايوه .. لين ماطلعت من المحل

.. وماوقفت إلا بالربوة عند بيتنا

اخوكم الصغير ابو طلال

هلالي مهما صاااااار · #2 14/02/2011, 10:47 AM

يعطيك العافيه ابو طلال نقاط مهمه جدآ

بس هجتك حلوه ههههههههه

تمنيتك هنا · #3 14/02/2011, 11:12 AM

إقتباس


	* رادوي أخفق في تصرفه لكنه إنتصر لكرامته .. وألزم ماعلى الإنسان كرامته

نعم أنــآآ معــكـ في هـذه النـقـطه..

إقتباس


	* رادوي مهم .. بس هل من المعقول أن ننجرف وراء خطط الأندية المنافسة في إحباط بقية لاعبي نادي الهلال وأن الفوز فقط بوجود رادوي .. لو يلعب الهلال بالناشئين راح يفوز على الأهلي ... الثقة في لاعبي الزعيم .. تراهم أبطال

صـحـيـح الـهلاآآل لايـتوقـف على نـجم رآآدوي كـآآبـبتـن في المـلاعـب لـكـن اللـي يـمـيـز رآآدوي أيــضـاَ روحـهـ الــعـاآآليــهـ فـ لو الأعبـيـن بروحـهم الـعـاآآلــيهـ نـهـزمـهـم مـثـل مـاآآ تفـضـلت بالنآآشئين.

إقتباس


	* عبدالرحمن بن مساعد .. الله لايحرمك الاجر ولايحرم جمهور الهلال اللى حضر وساند واللى طالب وإهتم في موضوع خالد الرشيد .. في مثل هالأمور الواحد فعلاً يرفع راسه ويقول ( انا هلالي )

ربـي لا يـحـرم كـل وقـف مـع كابـتـن خـاآلد الرشيد الأجـر نـعـم نفـخر بأن لـديـناآ رئـيس كـ أبن مـسـاآآعـد وجـمـهور مـثـل الـزعـيـم...

يـعـطـيـكـ ألـف عآآفـيـهـ يابــو طلاآآل ويـحـفظـلك ولـدكـ طلاآآل

..

ابو طـــــلال · #4 14/02/2011, 11:36 AM

إقتباس

الرسالة الأصلية كتبت بواسطة هلالي مهما صاااااار


	يعطيك العافيه ابو طلال نقاط مهمه جدآ بس هجتك حلوه ههههههههه

الله يعافيك اخوي ...

تظهر قدرات الشخص عند الدفع

just.blue · #5 14/02/2011, 11:42 AM

يعطيك العافية علــى هذه النقاط المهمه

الزعيم سام6 · #6 14/02/2011, 11:42 AM

ربي يعافيك ع الطرح اخوي ابو طلال

والنقطه المهمه الاسعار
وان شاء الله يلتفتون عليها العاملين عليها

شراب / 50 ريال
دبدوب صغير / 100 وشوي مدري كم بالضبط

بندر البرقاوي 511 · #7 14/02/2011, 11:48 AM

خخخخخخخخخخ
الله يرجك
والاسعار
من جد غاليه

سلطلط الهلالي · #8 14/02/2011, 11:55 AM

الله يعطيك العافية ياابو طلال كفيت ووفيت

والله يجزى الامير الف خير

ولاهي مستغربة على رجال الزعيم

ابو طـــــلال · #9 14/02/2011, 11:59 AM

إقتباس

الرسالة الأصلية كتبت بواسطة تمنيتك هنا


	نعم أنــآآ معــكـ في هـذه النـقـطه.. صـحـيـح الـهلاآآل لايـتوقـف على نـجم رآآدوي كـآآبـبتـن في المـلاعـب لـكـن اللـي يـمـيـز رآآدوي أيــضـاَ روحـهـ الــعـاآآليــهـ فـ لو الأعبـيـن بروحـهم الـعـاآآلــيهـ نـهـزمـهـم مـثـل مـاآآ تفـضـلت بالنآآشئين. ربـي لا يـحـرم كـل وقـف مـع كابـتـن خـاآلد الرشيد الأجـر نـعـم نفـخر بأن لـديـناآ رئـيس كـ أبن مـسـاآآعـد وجـمـهور مـثـل الـزعـيـم... يـعـطـيـكـ ألـف عآآفـيـهـ يابــو طلاآآل ويـحـفظـلك ولـدكـ طلاآآل..

هلابك اخوي ..

أشكرك ,.. وأشكر كل شخص وقف مع الكابتن خالد الرشيد سواء بالحضور او بالدعاء وغيره .. هذا هو وجهة الرياضه المشرق .. هذه عادة جمهور الزعيم

والله يجزاك خير يالغالي

منصور 1 · #10 14/02/2011, 12:12 PM

كلام كبير وسليم بنسبه للأسعار في المتجر فياليت موبايلي يراجعون الاسعار ويعدلونها المقصود استهداف جميع شرائح المجمع
وشكور اخوي ابو طلال

badr777 · #11 14/02/2011, 12:41 PM

الله يعافيك اخوي ...

الله يعافيك اخوي ...

خيّآله · #12 14/02/2011, 01:09 PM

صصرآحَحَة آلموضوِع عجَجَبنِي . وآلنقآط عجَبتني آكَكَثرِ . وفكَرآتكَكَ آكثرِ وآكثرِ .

وآلله يخَلي لكَكَ عيآلكَكَ . ^^

عوآفي

ابو طـــــلال · #13 14/02/2011, 01:09 PM

إقتباس

الرسالة الأصلية كتبت بواسطة just.blue


	يعطيك العافية علــى هذه النقاط المهمه

الله يعافيك فقط ازرق

وشكرا لحضورك

المغترب · #14 14/02/2011, 01:25 PM

ههههههههههههههههههههههههههههههههههههههه
ههههههههههههههههههههههههههههههه
عاش مصرف يا ابو طلال والله انك هلالي ومنبع الذوق والفن والحس الفكاهي
وانا معاك قلب وقالبا في كلا المذكور اعلاه وايضا التجديد للمنتجات مهم جدا جدا جدا
اخوكم
المغترب

فارس الموج الازرق · #15 14/02/2011, 01:26 PM

الله يعطيك العافيه ع الموضوع الرائع وبالفعل اسعارهم غاليه جدا ومن جد على قولتك فيه ناس يشترون بالحبه عشان مايطلعوا فاضين ونا منهم ههههه واتمنى من موبايلي يعدلون بالاسعار