الهياط - صفحة رقم 5 - نادي الهلال السعودي - شبكة الزعيم

( عبدالعزيز اليامي ) · #61 15/02/2011, 11:20 PM

إقتباس

الرسالة الأصلية كتبت بواسطة شمـ v.i.p ـوخ

المرتبه # 10

هياط البزران

صح انه برئ هالنوع .. بس يرفع الضغط يوم يجيك يسوي قصه وفلم ..
ياتصدقه يازعل وبكى .. .. بس وقت الفضاوه يازينهم يملون وقتك

هياط النسوان

هههههههههه
نو كومنت عشان لا افتح مجلدات ..
بس برضو يهون جنب هياط الرجال مايتعدى الكلام غالبا

هياط عيال القبايل

بعض ( عشان محد ينبرش )عيال هالايام تلقاه مايعرف غير اسم قبيتله ويفضل يهايط فيها
لا قلت طيب وش عن قبيلتك ماجاب لك شي مفيد
الكلام الجد عند الكبار يوم يحكون فخذ ورجل وجناح احس اني اضيع
قطيعه وحزازيات مالها داعي والسبه هالنعرات ..

هياط نادي النصر
معليش اسمحلي اللي بالنصر ابدا مش ممكن اسميه هياط
اظلم الهياط كذا ..
الله يجيرنا بس ..

هياط شركات الاتصال
اما الاتصالات ..
هذا لا قالولك شين وقوي عين

هياط الزواجات

هذا اللي من جد نكب الناس .. اهم شي المظاهر
ولا جيت تشوفها بالنهايه هايطت ماهايطت منت سالم
بالحالتين ياكلونك الناس ..

المرتبة # جميع ما سبق

هياط الشعر

اصلا شعار ذي الايام لو ماهايط مايسير شاعر ..
وبما اننا شعب مهايطي فاقصر طريقه للوصول الى هذا الشعب الهياط

يعطيك العافيه
موضوع على طوله لكن خفيف ..

ههههههههههههههههههههههههههههه

كم انت رهيب ايها الفتى

شوف ياصاحبي كلامك جميل بس ان هياط الرجال اكثر من الحريم والله ان ربي ما يرضاها

قسم بالله انهن يهايطن هياط على ولا شي

لو تعطيها بسكوت ميزان قامت تهايط وتقول مصنوع في سويسرا

خل عنك النسوان وربي هياطهن ملح ياخي هياط كومودي

وهياط عيال البدو

شاكر مرورك ياذيب ومنور

هــلاليــMــــــه · #62 16/02/2011, 09:53 AM

اول شي أسلوووبك يخلي الواحد يقراه بدون مايمل<< ماشاء الله

نجي لهياط البزران
يالله عليهم ازعاج ومن قده يميل الطاقيه وكاشخ لا ويلعب مع البنات وفجأه يقلب عليهم لا شاف اصدقاه جو ويهايط قدامهم ويالله من قددي

هياط النسوان
ياكثر الهياط بس بعضهن لا<وجهة نظر

الوطن العربي
عاد القناه الاولى وحركاتها قصه ثانيه خاصه ايام الحوثيين كثرت اغانيهم يعني بيحركون الروح الوطنيه فينا

هياط عيال القبايل
ياكثر الهياط عندهم <<مازدت شي

هياط نادي النصر
اضحك بس

هياط الشعر
يووووه ياكثر مايمدحون انفسهم هالشعرااء

مخرج
الواقع مهما كان عظيما...
فالترافع يضعه ...
والتواضع يرفعه ...
ابدعــــــــــــــــــــــــــت

( عبدالعزيز اليامي ) · #63 16/02/2011, 10:04 AM

إقتباس

الرسالة الأصلية كتبت بواسطة هــلاليــMــــــه


	اول شي أسلوووبك يخلي الواحد يقراه بدون مايمل<< ماشاء الله نجي لهياط البزران يالله عليهم ازعاج ومن قده يميل الطاقيه وكاشخ لا ويلعب مع البنات وفجأه يقلب عليهم لا شاف اصدقاه جو ويهايط قدامهم ويالله من قددي هياط النسوان ياكثر الهياط بس بعضهن لا<وجهة نظر الوطن العربي عاد القناه الاولى وحركاتها قصه ثانيه خاصه ايام الحوثيين كثرت اغانيهم يعني بيحركون الروح الوطنيه فينا هياط عيال القبايل ياكثر الهياط عندهم <<مازدت شي هياط نادي النصر اضحك بس هياط الشعر يووووه ياكثر مايمدحون انفسهم هالشعرااء مخرج الواقع مهما كان عظيما... فالترافع يضعه ... والتواضع يرفعه ... ابدعــــــــــــــــــــــــــت

اتوقع هذا اطول رد لك في حياتك

عموما اسلوبي عارفه خطير ووزارة التربيه والتعليم طلبوني اكتب المناهج باسلوبي عشان الطلاب يقرونه بس اعتذرت لاني جالس احط مناهج امريكا

مراح اعلق على تعليقاتكم بس مشكورة على الطاقه المبذوله في الرد ووعوضيها ببايسون والا خلفات

منوره اختي وحياك

سعودي أصيل · #64 18/02/2011, 08:04 AM

أقولك

يجوز أهايط بموضوعك ولا لا ..

ترا مسستحي اقول موضوع وناسسة وبالأخير تفهمني غلط وتقول مهايطي ..

سلمت عاشــ10ـــق الشلهوب <<<

داق لطمة · #65 18/02/2011, 12:07 PM

صرااحه ما امل ولن امل ولم افكر بالتملل من مواضيعك ايها الطعنه << وش رايك بس

<<< حاقد عليك علشان ثبتوا موضوعك

Clasic · #66 18/02/2011, 08:47 PM

طرح رائع كروعتك أخ عبدالعزيز
الحق لم تترك لنا مجال حتى للتعليق

كفيت و وفيت / واسجل اعجابي بما كتبت

لك تحاياي

ســــ 9 ـــــام · #67 19/02/2011, 01:30 AM

طرح حساس وبصراحه ما بعد كلامك شي اقدر اقوله لك الا كفيت ووفيت وكلمة ابدعت تستاهلها بدون اية مجامله استمتعت كثيراً بموضوعك شكراً لك

الهنوووف · #68 19/02/2011, 02:29 AM

هلا بك اخوي عبدالعزيز

اتوقع حاليا الكل فهم واستوعب ان الهياط والمفاخره على غير سنع صارت مرادف لـ الضعف
يعني نادرا تشوف شخص واعي وفاهم ومحترم يفتخر بنفسه لان افعاله

مايفتخر الا الناس الي مافيهم ميزات محاوله لتعويض النقص
هي الي توضح بدون مايقول

إقتباس

هياط النسوان

مير الحريم يهايطون بكل شي الا رجالهم
يخافون من الحسد
المشكله فيه ناس تحسهم صادقين بس الناس خلاص صارت تتوقع الكل يكذب
ذكرتني بوحده جنبي بالمستشفى حرمتين اربعينيات تقريبا وحده معاها بنتها
المهم تسولف وتقول انها ماعاد تشتري شي من السعوديه كل شي تشتريه وهم برا وتقول افتكيت من زحمات الاسواق بالاعياد والخ من هالكلام

وتجيك الحرمه الثانيه ياعمري يقالك بتقلدها وبتتفلسف مثلها
الافضل مثل هالمواقف الواحد يكون مستمع مو لازم اجاري احد على هياطه واجلس اكذب مثله

النصراويين مع احترامي لهم وعلى كثر ماكنت اسمع عنهم
الا اني من فتره بسيطه ايقنت ان حالتهم صعبه وعقليتهم متشابهه

عاد العذر والسموحه اذا انت نصراوي

\

/
اسلوب قكاهي استمتعت فيه

يعطيك العافيه
وخذ فاصل بين المواضيع خلنا نستمتع ونلحق نقراها كلها

الهنووف
كانت
هنا
ورحلت

سعودي مان · #69 19/02/2011, 02:43 AM

" نزلت العبقرية على عقول اليونانيين ، وايدي الصينيين ، والسنة العرب "
هاذي تكفي عن مليون كلمة
يعطيك العافية على الموضوع الرائع