السلام عليكم ورحمة الله وبركاته ...

اسمحو لي بدخل بصلب الوضوع مباشره اليوم الوضع مآ يطمن ابد الحقيقه لا من اتحادنا الفاشل ولا من فريقنا الغريب ..


اولا :

مشكلة الهلال اخر موسمين تقريبا راس الحربه الصريح اللي قادر على انهاء الهجمات من انصاف الفرص هذا المهاجم غير موجود مع خالص احترامي لياسر ولغيره من المهاجمين الموجودين حاليا ..
طبعآ غير المصري لانو صعب الحكم عليه من الحين ..

ثانيآ :

وسطنآ بوجود الفريدي اساسي من بداية المباراة تقدرون تقولون عنه انه ضايع تقريبآ والدليل اليوم هدف بمجهود فردي واضح ...
بتقولون لي ليش ..
لان الفريدي لاعب بارد والباردين اشكاله مايصلح تلعب فيهم من بداية المباراة بيموت اللعب وبيلعب كآنه فايز نظام طقطقه واستهتار وفلسفه ..
وانت داخل من البدايه تبي الفوز فكيف تمسك وسطك للاعب زي هذا وانت داخل تبي الفوز ..؟
انا ما اقول انه فاشل بالعكس هو فنان من طراز قوي بس البرود اللي فيه يذبحنآآآآآآآآآآآ ويذبح اللعب ...

.......

اليوم نجم الشوط الاول بلامنازع العابد بوجهة نظري حتى لوماجآب هدف لاعب حركي ومزعج ويفتح ثغرات بالدفاع ويعرف يتمركز ويسلم ويستلم صح تقريبآ (((( ومـآ عنده فلسفه )))) اذا انفرد يشوف وين المصلحه فيه هل يشوت ولا يناول اذا كان المهاجم طالع معاه صح يعني تركيزه قوي مو زي الثلجه اليوم انفرد وجالس ينتظر الشلهوب عشان يطلع معاه ويناول له وبالاخير لاهو اللي ناول ولا هو اللي شات !!!


.......

طرد رادوي اليوم اعتبره طبيعي جدآ من شفت الحكم بداية الشوط عرفت ان الطاسه بتضيع ...
يعني تكسير بالعابد والدعس على ارجله بشكل واضح وبلنتي العابد بعد احتكاكه مع الحارس (من وجهة نظري)
وتكسير رادوي اي كوره يلمسها لازم الانبراشات والاحتكاكات القويه وضرب الحارس حسن العتيبي بشكل غريب ..
بعد كل اللي صار وتبون رادوي مآ ينطرد ..؟
انا ضده بالحركه اللي سواها وصحيح نكبنا نكبه قويه واعطى لجنه الانحطاط فرصه قويه انهآ تصيد شي على الهلال بس مآ الومه ابد اذا ادارة النادي لم تدافع عنهم كلاعبين لازم اللاعب يدافع عن نفسه حتى لو كلفه ذلك الطرد ...


.......

الدفاع اليوم من وجهة نظري ماجاه اختبار حقيقي عشان نحكم عليه بس ملاحظ ان المرشدي بدء يستعيد توازنه من ناحية الاستلام والتسليم والهدوء باللعب ..




نقاط بسيطه :

من وجهة نظري اخطأ كالديرون باللعب من البدايه بالفريدي كصانع لعب ورادوي كمحور ..
مباراة مع فريق كالوحده مع خالص احتراماتي له المفروض يلعب بخالد عزيز والدوسري كمحاور ..
وويلي والعابد اجنحه وصناع لعب بنفس الوقت ..


**

حكم فاشل وضعيف شخصيه وواضح من البدايه ان المباراة ضاعت ..


**

الثلجه اذا وضعت بمكان حار ذابت لكن اذا وضعتها بمكان اشد بروده من مكانها الاساسي وتركتها فتره بعدين رجعت لها ممكن من ادنى ضغطه تنكسر ..

لذالك ارجو من الفريزر انه يخفف من برودته شوي ولا الجماهير ماراح ترحمه لانها صبرت بما فيه الكفايه ..
اتوقع قصدي واضح ..

**

والف مبروك عليكم جائزة نادي العقد

دمتم بود اخوكم هـلالـي وعـاشق لسامي

وين الشعب الهلالي ..!!
ولا مشاركه الى الان شكل الموضوع ماعجبكم

لان الفريدي لاعب بارد والباردين اشكاله مايصلح تلعب فيهم من بداية المباراة بيموت اللعب وبيلعب كآنه فايز نظام طقطقه واستهتار وفلسفه ..
وانت داخل من البدايه تبي الفوز فكيف تمسك وسطك للاعب زي هذا وانت داخل تبي الفوز ..؟
انا ما اقول انه فاشل بالعكس هو فنان من طراز قوي بس البرود اللي فيه يذبحنآآآآآآآآآآآ ويذبح اللعب ...

يسبمووووووووووو على المووضووع

حياك ربي مجنون بو يعقوب تشرفني الزياره ..

بس صراحه لحستني اقولك الله يسلمك ولا الله يسبمك هههههه