بلال و ناصر


في احد قرى ربوع هضبة تجد ,رزق المواطن (فوزي)بمولوده الاول الذي اسماه (ناصر) تيمنا بعمه (فارس قبيلة نجد) التي ينتمي اليها , واثر تفكير عميق قرر ( أبوناصر) ان يأتي بأخ لابنه (ناصر) يشاطره افراحه و اتراحه في هذه الحياة القاسيه, وعد مرور سنتين تحقق لـ(ابوناصر) مايريد ورزق بـ(بلال) الذي تكفل بتسميته احد الاصدقاء المقربين من ابو ناصر .

كان الشقيقان في حالة تنافس دائم في سبيل أرضاء والديهما , وكسب ودهما ومحبتها , وفي المقام الاول في سبيل خدمتهما.

مع مرور الوقت كبر الولدان وقرر ناصر يكمل دراسته برا
راح الى احد الدول الاسيويه
ترم ينجح وترم يرسب
رجع للسعوديه وهو يجر اذيال الهزيمه
بعدين جاء واحد لابوناصر وعرض عليه انه يرسل واحد من عياله يدرس في امريكا وش رايك
ابوه ما صدق خبر وقام ارسل ناصر عشان ينسيه احزانه في الجامعات الاسيوية وجامله مع ان يدري ان بلال احق منه بالسفره.

المهم ,, الرجال راح امريكا وليـــته ماراح
من جرف لدحديره وفشل ابوه فشيله ما بعدها فشيله
وبعد ما رجع صار يمشى مع ناس دشير
امثال سعود الحرامي وعزوز الدبيثر و محمد الحويــش وغيرهم كثير
كل ما له يرجعونه لورا
وهو فرحان كل ما جاء احد يكلمه بدا يهايط انا رحت لامريكا وانا رحت لامريكا
طيب وش سويت في امريكا
ولا شي المهم انه راح لامريكا
ثمن راح يدرس في احدى الدول الخليجية
قام يهايط هناك وجاه واحد اسمه زعبول الشملول ,, وصفقه الين قال بس,, وسبب له عاهه مستديمه !!
وبدت تصيبه الامراض النفسيه
ودائما ما يهاجم بلال ,
لا لسبب ولكن من الغيره والحسد !!
لدرجه انه صار مثل الحرمة كثيـــرة التذمر وفي كل مقام تذكر مساويء زوجها !!

كل هذا وبلال
يجد ويجتهد وتخرج من الثانوية بأمتياز
وكم مرة يطلعونه مسابقات بين المدراس ودايم يجيب الاول
رجال مدهر
المهم

جاته بعثة دراسه باحد الدول الاسيوية و كالعاده جاب الاول في كذا تيرم
وكذا تخصص
صار دايم يتخرج بأمتياز

في النهايه ناصر صار ما يحب احد ولا احد يحبه
وصار صديق نفسه المسيكين

وبلال ما كان يخاوي الا المجتهدين واخر اخوياه عبدالرحمن واخوه عبدالله ,, سعد وسامي
مجموعه من الناس الجادين والمجتهدين يحبون الدراسه والعمل
واخذ الدكتوراه وتم تكريمه من اعرق الجامعات وينتظر الفيزا عشان يسافر برا يصير بروفسور
وهذي باذن الله مسألة وقت

ونتمنى لبلال مزيد من التطور والنجاح

ونتمنى لناصر الشفاء العاجل من العقد النفسيه
ان شاء الله يراجع نفسه ويترك اصدقاء السوء


اتمنى ان القصه اعجبتكم

اخوكم \ السبشل ون

مملكة البحرين الحبيبة

ملاحظة ترا الصورة اللي بأول الموضوع مالها داعي