بالـــدور اللـــه يخليـــكم ،،، ياشبـــــاب بالـــدور!! - نادي الهلال السعودي - شبكة الزعيم

الدخان الازرق · #1 12/02/2011, 03:19 AM

كم مرة سمعت هالجملة؟؟
كم مرة حاولت أنك تروح لمكان أو محل أو ملعب أو أي دائرة حكومية ، أو حتى بنك!!
وفيه رجل امن ، أو حارس ،، ويردد على الناس هالجملتين؟؟!

كثير من الزملاء والاعضاء هنا ،، حتى بعض اقاربي حاولوا الذهاب إلى متجر الهلال ، ولكن كانت المصيبة أنهم رجعوا وكل واحد يسب ويلعن اعوذ بالله بسبب الزحمة ، وكل واحد مرتفع ضغطه!!

ليش؟؟؟؟

واحد يقول: مافيه تنظيم! والثاني يقول: زحمة!! والثالث يقول: الأمن قفلوا الابواب لان المحل مليان والصلاة بعد نص ساعة تقريباً!!

يا اخوان نحن نفتقر إلى شي واحد في حياتنا وهو النظام!

أو أكون اكثر صراحة،،،،

احترام التنظيم والنظام!

في اغلب الدول المتقدمة في العالم نجد الناس يحترمون بعضهم البعض ، وانا لا اقصد انهم يعتدون على بعض او يتهجمون على بعضهم ،، لا ..

لكن الأحترام في المحلات والاسواق والمطارات والمدارس والملاعب وحتى الدوائر الحكومية!!
كم مرة حصلت لك اخوي/ اختي ،، انك تقرر تروح لمكان أو تزور محل أو تذهب إلى دائرة حكومية وتشيل هم طول الليل لانك رايح بكرا للمكان الفلاني ،، ومعروف انه زحمة ومافيه تنظيم ، أو بالاصح الناس ماعندهم شي اسمه
( نظام! )
من سبق لبق ،، هي القاعدة عند الكثير منا!!

نشوف الدول المتقدمة ،،، وش تسوي وكيف الناس تحترم بعض وتحترم النظام...

انا ما اقول ان الجميع غير مهتم بالنظام ولا احد يحترم الآخر ،، ولكن الاغلبية وخاصة في عالمنا العربي يتأثرون بالبيئة المحيطة بهم بشكل عام،،،
يعني لو انا احترمت النظام ووقفت بالدور واحترمت حقوق الاخرين لانهم وصلوا قبلي ،، انا متأكد انه راح يجون ناس بعدي ويحاولون بطريقة ما تجاوز كل هؤلاء الناس للحصول على موقع امامي أو الدخول قبل الجميع أو أو أو .. إلخ ،،،
وقتها راح يضطر أغلب الموجودين لفعل نفس الطريقة وبالتالي ينهار كل شي ويبدأ الزحام ،،، ونضطر نسمع نفس الجملة اللي تعودنا نسمعها من صغرنا ،،،،

ياشباب بالدور!!!!!

صرنا نكره نروح لأي مكان جديد بسبب الزحام وعدم التنظيم ،، وننتظر شهور لنستطيع زيارة سوق أو متجر أو اي مكان اخر حتى يهدأ الناس ويخف الزحام!!!

طلب صغير فقط من جميع الاعضاء الزعماء هنا،، او حتى الزوار الذي يشاهدون هذا الموضوع ،،،،
لنتميز عن غيرنا ،،، ونبدأ بانفسنا ،، ولأن جمهور الهلال لا يقارن بجماهير الاندية السعودية مجتمعة!!
فأنا متأكد أنه سيكون لنا تأثير كبير على المجمتع لو بدأنا بتطبيق النظام واحترام الآخرين،،،
في دخول الملعب او الخروج منه ،، في المدرسة ،، في الجامعة ،، في السوق ،، في المحلات ،،، في المطارات ،، في المساجد ،، في كل مكان تذهب له ،،

ماراح تخسر شي لو وقفت في دورك لحد ماتوصل للمحل حتى لو طولت المسألة،، وسع صدرك واستغفر وسبح وهلل،، ماراح يفوتك شي لا تخاف!!

بتأخذ اللي تبيه وتتمشى وتشوف كل اللي كنت تتمنى تشوفه وتطلع مبسوط ،، واللي بعدك مبسوط ،، واللي قبلك ايضا كان مبسوط!! وتدريجياً ،،، مستحيل يجي احد يصارخ في المقدمة:

ياشبــــــــاب بالـــدور الله يخليــــكم!!
تحياتي للجميع،،،