|
بالـــدور اللـــه يخليـــكم ،،، ياشبـــــاب بالـــدور!! كم مرة سمعت هالجملة؟؟ كم مرة حاولت أنك تروح لمكان أو محل أو ملعب أو أي دائرة حكومية ، أو حتى بنك!! وفيه رجل امن ، أو حارس ،، ويردد على الناس هالجملتين؟؟! كثير من الزملاء والاعضاء هنا ،، حتى بعض اقاربي حاولوا الذهاب إلى متجر الهلال ، ولكن كانت المصيبة أنهم رجعوا وكل واحد يسب ويلعن اعوذ بالله بسبب الزحمة ، وكل واحد مرتفع ضغطه!! ليش؟؟؟؟ واحد يقول: مافيه تنظيم! والثاني يقول: زحمة!! والثالث يقول: الأمن قفلوا الابواب لان المحل مليان والصلاة بعد نص ساعة تقريباً!! يا اخوان نحن نفتقر إلى شي واحد في حياتنا وهو النظام! أو أكون اكثر صراحة،،،، احترام التنظيم والنظام! في اغلب الدول المتقدمة في العالم نجد الناس يحترمون بعضهم البعض ، وانا لا اقصد انهم يعتدون على بعض او يتهجمون على بعضهم ،، لا .. لكن الأحترام في المحلات والاسواق والمطارات والمدارس والملاعب وحتى الدوائر الحكومية!! كم مرة حصلت لك اخوي/ اختي ،، انك تقرر تروح لمكان أو تزور محل أو تذهب إلى دائرة حكومية وتشيل هم طول الليل لانك رايح بكرا للمكان الفلاني ،، ومعروف انه زحمة ومافيه تنظيم ، أو بالاصح الناس ماعندهم شي اسمه ( نظام! ) من سبق لبق ،، هي القاعدة عند الكثير منا!! نشوف الدول المتقدمة ،،، وش تسوي وكيف الناس تحترم بعض وتحترم النظام... http://www2.0zz0.com/2011/02/11/23/786221818.jpg http://www2.0zz0.com/2011/02/11/23/458533114.jpg انا ما اقول ان الجميع غير مهتم بالنظام ولا احد يحترم الآخر ،، ولكن الاغلبية وخاصة في عالمنا العربي يتأثرون بالبيئة المحيطة بهم بشكل عام،،، يعني لو انا احترمت النظام ووقفت بالدور واحترمت حقوق الاخرين لانهم وصلوا قبلي ،، انا متأكد انه راح يجون ناس بعدي ويحاولون بطريقة ما تجاوز كل هؤلاء الناس للحصول على موقع امامي أو الدخول قبل الجميع أو أو أو .. إلخ ،،، وقتها راح يضطر أغلب الموجودين لفعل نفس الطريقة وبالتالي ينهار كل شي ويبدأ الزحام ،،، ونضطر نسمع نفس الجملة اللي تعودنا نسمعها من صغرنا ،،،، ياشباب بالدور!!!!! http://www2.0zz0.com/2011/02/12/00/376170300.jpg صرنا نكره نروح لأي مكان جديد بسبب الزحام وعدم التنظيم ،، وننتظر شهور لنستطيع زيارة سوق أو متجر أو اي مكان اخر حتى يهدأ الناس ويخف الزحام!!! طلب صغير فقط من جميع الاعضاء الزعماء هنا،، او حتى الزوار الذي يشاهدون هذا الموضوع ،،،، لنتميز عن غيرنا ،،، ونبدأ بانفسنا ،، ولأن جمهور الهلال لا يقارن بجماهير الاندية السعودية مجتمعة!! فأنا متأكد أنه سيكون لنا تأثير كبير على المجمتع لو بدأنا بتطبيق النظام واحترام الآخرين،،، في دخول الملعب او الخروج منه ،، في المدرسة ،، في الجامعة ،، في السوق ،، في المحلات ،،، في المطارات ،، في المساجد ،، في كل مكان تذهب له ،، ماراح تخسر شي لو وقفت في دورك لحد ماتوصل للمحل حتى لو طولت المسألة،، وسع صدرك واستغفر وسبح وهلل،، ماراح يفوتك شي لا تخاف!! بتأخذ اللي تبيه وتتمشى وتشوف كل اللي كنت تتمنى تشوفه وتطلع مبسوط ،، واللي بعدك مبسوط ،، واللي قبلك ايضا كان مبسوط!! وتدريجياً ،،، مستحيل يجي احد يصارخ في المقدمة: ياشبــــــــاب بالـــدور الله يخليــــكم!! تحياتي للجميع،،، |
الله يعطيك العافية ياغالي فعلا دوما هاذي هي حياتنا آخر مانفكر فيه النظام وهذا راجع لحياتنا وماتعودنا عليه الفوضوية هي عنوان الأغلبيه وربما هذا ليس بارادتنا بل هو مااجبرنا عليه تحياتي لك |
يا شباب بدور وتروح معهم في طلايب الله يعين بس |
يعطـيكـ العــآفيه وفعلاً هذا واقعنا اللي مافيه أمل نحترم النظـام لا بالسياره ولا حتى في المشي |
موضوووووووع جميل للاسف هذه حااااااااااااااال الدول العربيه لايوجد نظاااااااااااام |
لن أقول إلا كلمتين ... (( شعب عربي )) وربي إني يحترق دمي .. ويوميا .. بسبب هذا الموضوع ... والمشكلة إنه الشخص اللي يمشي على النظام .. يصير محط سخرية واستهزاء .. بل قد يصبح أضحوكة في المجالس !!!!!!! يا رجال خله على ربك بس .. نحتآج إلى وقت طوووويل .... حتى نصل ولو إلى ربع ما وصلت إليه الدول المتقدمة تحياتي لك ., ولموضوعك ... (( الرآئع )) مع حبي |
اعجبني الموضوع صراحه لكن ظنك رح تنحل المشكلة لو صفينا سره رح تلقى قدامك الـ378 ووراك مثلهم تروح البيت اصرف لك :: انا اقول اصبروا شوي ع المتجر توهم في البداية رح تخف الزحمة ورح يقدرون ينظمون كل شيء ان شاء الله شكرا لك |
صرااحة هذا نظامناا كسعووديين لايمكن انا او انت نغيره يعني خلناا نكوون صريحيين لو رحت انا لمكاان ومشيت بالنظاام واشووف ناس تجي بعدي ولا تمشي بالنظاام وش بتكوون ردت فعلي .... بسوي مثلهم مامشووا على النظاام في الشوارع وهنااك مخالفاات وسجن عااد تبغااهم يمشوون على النظاام في اماكن عاامة يعني هذي يبغى لنااا 80 سنة قداام عشاان نمشي على النظااام <<يمكن موو اكيد ويعطيك العاافية على الموضوع الراائع |
يع ـطيك الع ـافيه اخووووووووي ومعاك ح ـق النظااااااااااااااااااام ..................!!!! |
صرااحة هذا نظامناا كسعووديين لايمكن انا او انت نغيره يعني خلناا نكوون صريحيين لو رحت انا لمكاان ومشيت بالنظاام واشووف ناس تجي بعدي ولا تمشي بالنظاام وش بتكوون ردت فعلي .... بسوي مثلهم |
يعطيك العافية والله اننا حزينين على هذا الحال مع ان الدين هو من يدعون إلى النظام بالتوفيق والله يصلح الحال |
مشكووووووووووور ... والله انك صااااادق كل مكاااااااان زحمه |
والله مدري بس ترى النظام طيب . |
والله انك صادق كلام جميل ولاكن من يسمع........ |
المشكلة الشعب السعودي بشكل عام غير نظامي لو كان عندك الف منظم مابتقدر تسيطر على الوضع الان والى بعد عشر سنوات قادمة مستحيييييل يتعدل الوضع |
| الوقت المعتمد في المنتدى بتوقيت جرينتش +3.
الوقت الان » 10:04 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd