اقتراح بخصوص متجر الهلال الثاني في شرق الرياض - نادي الهلال السعودي - شبكة الزعيم

مسك الختام1 · #1 11/02/2011, 10:50 PM

متجر الهلال كان امنيه وتحققت ولكن عدد الزوار كثير والمواقف صعب تلقي موقف بسهوله

في شارع التحليه

ولكن هل يستفاد من السواق السدحان علي طريق خريص والاستفاده من كبر الموقع

او شارع االامام الشافعي يوجد هناك مساحات كبيره

فالجماهير او الزوار سوف تاتي بقوه من كل مكان ومازال المتجر ينقصه الكثير خاصه

لكل الجنسين و

وماركه المتجر يجب ان تبقي علامه

علي اصناف البضائع

حتي الشمغ والغتر يجب ان تكون بماركه هلاليه ويستفيد منها الهلال

حتي لون البطانيات واللشراف والستائر

واطقم الكنب

والوان الصحون

والكراسي

والاقلام والدفاتر

دواليب الاطفال

وانواع السيارات للاطفال

وانواع كثيره

المتجر ممتاز ولكن المواقف لاتكفي

ونحتاج اكثر من موقع في وسط الرياض لتخفيف الزحام علي المتجر من رواده من كل موقع

وبعضهم يحضر من خارج منطقه الرياض

والله من وراء القصد

حتي انواع السراميك بشعر الجدار وكذلك فن الاصباغ

..جود الهلالية .. · #2 11/02/2011, 11:56 PM

فكره رائعه نتمنى تنفيذها
والافضل يكون زي ماقلت بطريق خريص
ويخفف الزحمه على المتجر الرئيسي
كل الشكر لك

3ash8.alz3im · #3 12/02/2011, 12:39 AM

موضوعك مميز ,
وياليت يفتحونه زي ماقال ااخوي بطريق خريص ,
عشاان الزحمه وزي كذااا ~

مـــــــن الــــقـــلـــب تــحــــيـــهــ

HAYA92 · #4 12/02/2011, 01:22 AM

كلــآمك صحيح بس اتووووقع تونــآ على مثل هذه الفكرة
لــآزم موبايلي تطلع الارباح وتشوووف إقبال الجماهير يعني..
يعني مو من أول شى يفتحون إثنين ...
انت فكرتك بطـــــــله ... بس شوووي
:::
.
لــآهنت يآبطــل

أسيرة الهلال 20 · #5 12/02/2011, 02:02 AM

مشكله الهلال جماهيرهـ الغفيرهـ

الله يزيدهم ان شاء الله

إن شاء الله موبايلي تلقى حل لهآلمشكله

تسلم ع الموضوع

مٍآلديًني آلزعُيمً 3 · #6 12/02/2011, 02:16 AM

كلام رائع وجميــل ..
يا ليت يكون له اكثر من فرع بالرياض عشان الزحمه ..
والي ما يقدر يوصله ..او بالاصح بعيد عنه ..
اقتراح ممتاز ..
الف شكر لك خيوو ..

محور الزعيم · #7 12/02/2011, 02:28 AM

والله انكم غريبين

الحين انا بعني من الشرقيه عشان هالمتجر ، وانتم تقولون ورا مايفتح بشرق الرياض !!

اتمنى انه يفتح للناس البعيده مثل جده والشرقيه والمنطقه الشماليه والجنوبيه

SULTAN || 20 · #8 12/02/2011, 02:47 AM

بالعكس انا اؤيد بقاء متجر واحد لمده لاتتجاوز عن العشر سنوات عشان يكون معلم للهلال بعدها اذا طلع ارباح وصار اقبال كبير اكيد راح يفتح فرع في جده والدمام وغيرها

يعطيك العافيه

الملك الايطالي · #9 12/02/2011, 03:00 AM

واضح ان هالزحمة مجرد وقت

لأن كل واحد وده يشوف

لكن انتظر بعد شهر

راح تشوف الاقبال متوسط

ما أييد فتح متجرين .. على الاقل بالسنوات القليلة القادمة

ThE 15 EmPeRoR · #10 12/02/2011, 03:25 AM

الا ودي يحطون العاب على شكل لاعبين الهلال

عشان بدال ما اشتري لاخوي الصغير لعبة باتمان اشتري له لعبة رادوي

هههههههههههههههههههههه

™ ḞǎĩṦằŁ AĹ-ĤĩĹąĻĮ · #11 12/02/2011, 03:38 AM

خلال 5 سسسنوآإآت اعتقد رآح تفتـح على الأقل 3 فروع ,,

9 زعيم آسيا 9 · #12 12/02/2011, 04:37 AM

إقتباس

الرسالة الأصلية كتبت بواسطة محور الزعيم


	والله انكم غريبين الحين انا بعني من الشرقيه عشان هالمتجر ، وانتم تقولون ورا مايفتح بشرق الرياض !! اتمنى انه يفتح للناس البعيده مثل جده والشرقيه والمنطقه الشماليه والجنوبيه

هو مب قصده المتجر بعييد
هو يقصد المتجر عليه زحمه لو يفتحون فرع ثاني عشان تخف الزحمه شوي هذا المقصد بس
بالتوفيق

أبرقت زرقا · #13 12/02/2011, 07:33 AM

كلامك مستحيل يصير على ارض الواقع .... لا يمكن فتح فروع اخرى حتى يغطي المتجر تكاليف انشاؤه اللي قدرت بخمسة عشر مليون ... ثانيا الزحمة اللي تشوفها الان لن تستمر وسيصبح المحل مثل غيره من المحلات من ناحية الزحمة بعد شهرين او ثلاثة ...

مسك الختام1 · #14 12/02/2011, 11:58 AM

اذا افتكينا من زحمه المتجر ماراح نفتك من زحمه الوصول للمتجر بسبب الزحام السيارات في الرياض

واعتقد المواقع التي فتحت علي طريق خريص خففت كثير من الزحام علي رواد العليا

واكثر من ياتي للمتجر من الشرق والغرب

بسبب الكثافه السكانيه

ولاباقي المناطق كل احترامي

سينمائي الزعيم · #15 12/02/2011, 12:05 PM

ما ينفع فرعين بالرياض

انا اعتقد ان مقر المتجر الآن مناسب للجميع

انا من سكان شرق الرياض البعيد و ارى المتجدر مناسب جداً

على الآقل سنه و بعدها يتم توسعة المتاجر و بناء متجر في الدمام و جدة و القصيم
شكرا لك على الموضوع و لا تثقلون على موبايلي