نقآآآط متفـــرقـة عن المباراة ،، هذا الشخص بعد فضل الله السبب بالتعادل (( صورة )) - نادي الهلال السعودي - شبكة الزعيم

هلالي والراس عالي 7 · #1 07/02/2011, 01:57 AM

الســـلام عليكم ورحمة الله وبركاته ..

كيـــف حآآلكــم يازعمــآآآآء بعد المباراة المتوترة

انا مابي اقول لكم هاردلكم ع التعادل الصحيح هي مبروك ع التعادل ..!

أدري بتقولون الهلال نادي كبير والتعادل يعتبر خسارة بالنسبة له ..

انا بقول له صحيح الهلال نادي كبيـر وما اختلفنا بس مانبي نصير طماعين الحمدلله متقدمين عن اقرب المنافسين بـ5

نقاط + مباراة مؤجلـة لو فزت فيهـآ يصير الفرق عن اقرب المنافسين 8 نقاط ..

يعني الحمدلله ع التعادل والنتيجـة هذي من صالحنـآ ..

ــــــــــــــــــــــــــــــــــــــــــــــــــــــــــــــــ

ابعطيكم وجهة نظري باللاعبين اليووم ..

عبدالله السديري / يالبى قلبك يا أسد والله أسسسسد هذا خليفة الدعيع بأذن الله روح والقلب داعيلك يابطططل ..

لي يونق بيو / يالبى قلبك يالكوري والله يا انك حجرت نور ماخليته يتنفس حتى المدرب طلعه ههههههه بطل بطل

وأستغرب انهم ماراح يجددون معك ، بطل يا لي

ماجد المرشدي / صرآحـة بطل اليوم ياماجد استفدنا من طولك اليوم رأسياته بالصميم اذا خلص الكورة صراحة بطل

اليوم استمر ياماجد ..

أسامة هوساوي / صمام الأمان بالدفاع الهلالي لآعب رووووعـة ومايخلي المهاجم يتحرك بطل يا أسامة ماشاءالله

مستواك ثآآبت بالتوووفيق لك ..

محمد نامي / والله يانامي فيه غلطات شوي لكن ماقصـر عرض كور كانت تحتاج للمسة بسيطة من المهاجمين

ماااقصـرت يانامي ..

رآدوي / لآتعليق ،، رآدوي مايحتاج لتقييم 10 من 10

عبدالعزيز الدوسري / انت النجم الواعد بالهلال يابطل آه بس لو فرصتك اللي فلتت من مبروك زايد راحت للقول

كان تكملها ،، سلآمات ع الإصابة وان شاءالله انها بسيطة ماقصرت اليوم عزوووز ..

أحمد الفريدي / لمساته كانت حلوووة ماقصـر أحمد اليوم بس لآزم فيه بروووود

،، ماقصرت يا أحمد..

ويلهآمسوون / الله على هالأشقر جننهم لعب فيهم بطل ياويلي عيني عليك باردة اسستمر هكذا ..

محمد الشلهوب / يعطيك الف عافية ياكابتن الشلهوب تقريباً مختفي اليوم أتوقع لأنه يلعب بغير مركزه ،، ماقصرت ..

ياسر القحطاني / ياسر جنن المدافعين صرآحـة وعمل كم فرصة ياليت وحدة راحت للباب بس قدر الله وماشاء فعل

وصراحة انغبنت من بعض الاعضاء عشانه ماسجل قالوا المفروض انه من أول بالدكـة !

مو شرط اذا ماسجل يعني ما ابدع والله بطل ماقصر اليوم بس طبيعي مباراة متوترة وحذرة عشان كذا ماسجل ..

أحـــمـد علي / لاعب يعجبني فيه حماسه صرآحـة ومابعد بين منه شي ،، بأذن الله يسجل قدام الوحدة

محمد القرني / لاعب الهلال الواعد واحد اكتشافات كالدي ماقصر صراحـة وننتظر منه مستوى اكثر واكثر ،، وآصـل

يابطـــل ..

ـــــــــــــــــــــــــــــــــــــــــــــــــــــــــــــــــــــــــــــــــ

اللاعب هذا هو الفضـل بعد الله بالتعادل

مآآآقصـــر والله يعطيه الف عافية وبالتوفيق لك ياعبدالله ،، الـى الأمآآآآم ..

والسـلام عليكم ورحـمة الله وبركاته ..

زعيم عشاق الزعيم · #2 07/02/2011, 03:00 AM

بصراحه يمكن انا شايف مباراة قديمة ؟؟؟؟؟؟؟؟؟؟؟؟؟؟؟؟؟؟

حاتم · #3 07/02/2011, 03:12 AM

إقتباس

الرسالة الأصلية كتبت بواسطة زعيم عشاق الزعيم


	بصراحه يمكن انا شايف مباراة قديمة ؟؟؟؟؟؟؟؟؟؟؟؟؟؟؟؟؟؟

اناا نفس الحاااااال

ناامي اوك

ويلي ابدع اليوم

شكلي شااااااااايف مباارة الخمس وانا ما ادري

الشيحـي · #4 07/02/2011, 03:06 AM

يعطيكم آلعــآفيه ,

بّ آلتوفيق لـ آلزعيم

الدكتورة رشا · #5 07/02/2011, 03:09 AM

يعطيــك العــآفية

مع آني آختلف معك على ان الاعبين قدمــو شي مميز مثل مــآذكرت

بــأستثنــآء>>> [ السسسسسسسسسديري ]

مرزوق الهلالي · #6 07/02/2011, 03:14 AM

يعطيك العافية كلامك في الصميم ... عبدالله السديري خليفة الدعيع القادم ..

حمد القصيم · #7 07/02/2011, 03:23 AM

اتوقع انك شاهدت مباراة الهلال والاتحاد 5 / 0( الموسم الماضي )،

السديري بــــــطل <

ماذا قدم ويلي + نامي

+ المرشدي + الفريدي << ؟؟؟

اتمنى في حال تواجد عرض مناسب لـ ويلي هامسون الاستغناء عنه ، وجلب لاعب افضل منه ،،

ماقصر قدم كل مالديه في الموسمين الماضيين ولن يقدم الافضل ،،

هلالي والراس عالي 7 · #8 07/02/2011, 01:00 PM

إقتباس

الرسالة الأصلية كتبت بواسطة حمد القصيم


	اتوقع انك شاهدت مباراة الهلال والاتحاد 5 / 0( الموسم الماضي )، السديري بــــــطل < ماذا قدم ويلي + نامي + المرشدي + الفريدي << ؟؟؟ اتمنى في حال تواجد عرض مناسب لـ ويلي هامسون الاستغناء عنه ، وجلب لاعب افضل منه ،، ماقصر قدم كل مالديه في الموسمين الماضيين ولن يقدم الافضل ،،

طيب وانا وش قلت على نامي ؟ انا قلت فيه غلطات منه أتمنى انك تشوف الموضوع زيـن !

وويلي ازعج الدفاع الاتحادي مو شرط انه يسجل ولا يصنع بس من وجهة نظري قدم شي ممتآز

والمرشدي كل الجمهور أجمع انه امس ابداااع

والفريدي انا قلت لك فيه برووووووود

يعطيك الف عآفيـة ع مرورك ..

ومو شرط اللي يقول وجهة نظر غير وجهة نظرك يكون شايف مباراة ثانيه انا اختلفت معك بنقطة ويلي بس اما الباقي كلها معك والمرشدي كل الجمهور اجمع على انه مبدع !

خـا STC لد · #9 07/02/2011, 03:29 AM

عزيزي ارى انك تجااااااامل كثير..

بـيـكـ PiCaSsO ــاسو · #10 07/02/2011, 03:33 AM

إقتباس

الرسالة الأصلية كتبت بواسطة هلالي والراس عالي 7


	ماجد المرشدي / صرآحـة بطل اليوم ياماجد استفدنا من طولك اليوم رأسياته بالصميم اذا خلص الكورة صراحة بطل اليوم استمر ياماجد ..

يا أخي بلا كذاب
كلنا شاهدنا المباراة.. ربك ستر من النكبة.. ماجدكم المرشدي

هلالي والراس عالي 7 · #11 07/02/2011, 12:56 PM

إقتباس

الرسالة الأصلية كتبت بواسطة بـيـكـ PiCaSsO ــاسو


	يا أخي بلا كذاب كلنا شاهدنا المباراة.. ربك ستر من النكبة.. ماجدكم المرشدي

أخوي معليش ماتوصل للكذب هذي وجهة نظري اتمنى انك تحترمها وانا شفت الشي فيه بس !

شكراً لك على مرورك ..

..{النـــدآوي}.. · #12 07/02/2011, 03:34 AM

وين متابع المباراة ،،،،،،، وش سوى ويلهامسون عشان تطيره بالعجه ،، الحمدلله انه ما يعرف يقرأ عربي ،،،،،،

Hilali Professional · #13 07/02/2011, 03:44 AM

لا اريد ان اتحدث عن اي شئ ســـوى عن عبدالله السديري

ما اقول الا روح جعل ربي يوفقك يا خليفة الدعيع

زعيم من حارتنا · #14 07/02/2011, 03:53 AM

يعطيكم آلعــآفيه ,

بّ آلتوفيق لـ آلزعيم

هلاليه_رادوي8 · #15 07/02/2011, 04:09 AM

اتمنى عدم الافراط بالاشاده والمدح الزائد في السديري حتى لايصابه الغرور
هذا اول اختبار له ولله الحمد ربي وفقه وان شاءالله يستمر ع مستواه

شكرا لجميع الاعبييين والجهاز الفني ولكل جماهييير الزعيييييم ماقصرتوا يعطيكم العافيه

عوافي.....