27/01/2011, 01:30 AM
|
 | زعيــم فعــال | | تاريخ التسجيل: 19/07/2010 المكان: حُبّي يـآسر ّ انُتُ الْغِلـآَآ دُوُوُوُم ღ♫
مشاركات: 346
| |
تبون اسيا و اي بطولة غيرها سهلة جدا + احمد علي والخيار الخاظئ + عدة اشياء ابقولها
بسم الله الرحمن الرحيم  السلام عليكم ورحمة الله وبركاته اليوم جايب لكم موضوع ان شاء الله يعجبكم   النقطة ( 1 ) ابتكلم في هالنقطة عن بطوله اسيا اللي يسمونها بعض جماهير الهلال المستعصية مع انّا زعماؤها , يا ناس اتمنى مجـرد امنية انّا ندخل كاس اسيا بدون ضغوط يعني ننسى انّا اصحاب افضل التواريخ والانجازات يعني ما ندخل مثل السنة اللي راحت الهلال قاب قوسين او ادني من تحقيق الخ .. يعني اعتبروا الهلال ما اخذ بطولة اسيا ولكم في ذوب اهن و سونجام خير مثال اجل بالله سونجام افضل انجاز اسيوي له المركز الثاني عام 2004 و ذوب اهن اول مرة يشارك , اللي اقصده من كلامي هالفريقين اللي ذكرتهم دخلوا البطولة بدون ضغوط و شوفوا وش سوّا بالبطولة , يعني لا تربطون نجاح او فشل الفريق باسيا لان يا اعزائي لو ما حققناها هالسنة نحققها اللي بعدها الخ .. لان مصير الحق يتلاقى وان شاء الله مصير اسيا تكون للهلال , بس انتم لا تسوون مثل السنة اللي راحت يوم طلعنا قلتوا ما سوينا شي هالسنة ( اقصد البض ) يعني الى الحد هابلتكم اسيا ؟ انتم بس خففوا الضغط وتشوفون اللي يسركم , بعدين يا حبايبي لا تنخدعون مثل قبل يوم قبل مباراة ذوب اهن كل الاعلام السعودي قال البطوله هلاليه عاد اللاعبين دخلوا جو نفسي وضغط رهيب جدا . ! ان شاء الله فهمتوا اللي انا اقصده ..,, ---- النقطة ( 2 ) الحين راح نتكلم عن الفرعون الجديد , لاحظت ان اكثر الاعضاء كانوا معارضين التعاقد معه مع انهم ما يدرون هو منهو ولا اي شي عنهم , ويحسبون الادراة تنتظر اشارة منهم عشان يجيبون اللي يجي ؟ يعني الصراحة منطق غريب انك حكمت على لاعب ما شفته , هل لانه مصري ؟ مع ان المصري ال9 عالميا و احمد يلعب معهم , او لانكم ما تعرفونه ؟ او لانكم تبون اسم مشهور ؟ يعني بالعقل احسبوها الادارة جابت ويلي اللي ما فيه احد بالعالم ما يعرفه ورادوي اشهر من نار على علم ونيفيز وش اقول واخلي و لي يونج اللي كان يلعب في اقوى دوري بالعالم , هل معقوله يبي يصير اسوء منهم , ادري يبي يجي سوال يقول جايبينه لانه رخيص طيب الادراة كانت تقدر تجيب اللي ارخص منه بكثير فـ ليش جابته هو بالذات , هذا دليل امكانياته العالية , والله يا ناس لو الادراة يقولون نبي نجيب سعد الحارثي مهاجم ثاني اللي هو اخيس لاعب عندي بالكون كان اثق فيها بحكم انه اعلم مني ومنك وتملك كفائات رائعه مثل عبدالرحمن بن مساعد و اخوه عبدالله و نواف بن سعد و حسن الناقور و الاسطورة سامي الخ .. بس وش القهر صدق انه يجيك واحد يتهم الادراة ويقول ادارة فاشلة ومدري لانه جابوا هالمصري مع انه لو تساله منهو احمد علي قال ذا شكله ممثل . !   -- ملاحظات مهمة جدا / 1- تكفون يا الجهاز الفني دربوا اللاعبين على البلنتيات لاني اشوف الهلال ما فيه المتخصص صح بالبلنتيات الا ياسر لذا نرجو التركيز على البلنتيات  2- طلبتكم يا جماهير الهلال لا تستعجلون بالحكم على احمد توه جديد يبيله وقت للانسجام , مثل ويلي اول ما جا كلن قال الغوا عقدة والحين شف وش صار تقريبا من افضل الاجانب 3- يا ادارة الهلال ولاعبيه و جماهيره لا تخلون اسيا شغلكم الشاغل وتربطونها بالنجاح والفشل  4- طبعا اكثر شي استانست فيه بطوله دبي هو رجوع الانسجام بين المرشدي و هوساوي 5- لتحقيق اي بطوله لابد من الاعداد الفني والنفسي للبطوله وترى مو عيب الهلال يعيّن استشاري نفسي يوصل اللاعبين للجو المناسب 6- لابد من تعيين كشافين مواهب في اغلب المدن خصوصا المدينة و مكة وجدة 7- فيه اعضاء كانوا ولا زالوا شغلهم الشاغل التشويش على الاعضاء واقصد بذا الكلام اللي يتكلمون على اعطاء راودي الكابتنيه و سحبها من ياسر , انا مدري الحين هل هم يعتقدون انهم فاهمين اكثر من الادراة والمدرب او ايش بالظبط . ؟  8- والله اني اضحك وارحم اللي يربط حضور و غياب رادوي بالهلال يعني اذا جا رادوي فاز الهلال و اذا غاب خسر , اعتزلوا يوسف وسامي و التيماوي الدعيع والهلال ما تاثر ولا 1% يجي اجنبي نربطه بقوة او ضعف الهلال , والله ما هو هلالي اللي يربط حضور و غياب راودي بفوز الهلال يا اخي الهلال كيان والله ما يتاثر لو كل اللاعبين راحو عنه . ! سبحانك اللهم وبحمدك ، أشهد أن لا إله إلا أنت أستغفرك وأتوب إليك اتمنى ان نبتعد عن المشادات فالاختلاف لايفسد للود قضية اللهم صل على محمد وعلى آله وصحبه أجمعين |
الوضع المتطور
