إقتباس الرسالة الأصلية كتبت بواسطة زياد 2007 فعلا ادراة الهلال تخطأ لو اهدت الحارس للاتفاق او غيره ويكفي ان كل الانديه ومنها الاتفاق مايتنازلون عن اي لاعب للهلال الا بعد مساومات ومبالغه بملايين لا يستحقها اللاعب المطلوب ولو كان غير الهلال يتم التنازل بابتسامه. نتمنى المعامله بالمثل.

^^

اايدك بكلامك يابطل والله صدق حنا نتنازل عنهم وهم مايعطونا ولا لاعب يوم النصر طلبو القحطاني عطوهيه

وهم مادفع كل القيمه للحين!

ويوم طلبنا الرهيب قالو نبي مبلغ مدري كم ونبي ونبي واخر شي عطوه الاتحاد وحنا نطنخهم بلاعبين

جبناهم بمبالغ وللاسسف انتنازل عنهم بسهوله

لاكن من يسمع كلام الجمهور ادارتنا ماعليها الا من طنخ الانديه بلاعبينا بكره يخلون الفرج يروح لتعاون مجانآ

عندنا عروض ع الاعبين باالمجان

يارجال والله العظيم يا ادارتنا انهاا طلعت من جنبها الله يذكر محمد بن فيصل بالخير بس..

اما الامير عبدالرحمن الموسم هذا من تخبط الى تخبط وياليته ابتعد عن النادي وريحنا..

مسوي مثالي في زمن الـلآرحمه والمصلحه..

تخلينا عن الكلثم والمؤشر والعنزي وقبلهم الاسطوره الدعيع والحين فهد الشمري..!!

ليش خير ياطير ليش تنسقهم ..!!؟ ولآ يمكن عشان تجيب لنا صفقات كبيره مثل الجيزاني , الجمعان والكعبي..!!؟

والي يقهر زياده المطبلين ذوولي قسسم بالله ماعندهم ماعند جدني الامير عبدالرحمن سوا وفعل وعمل...

طيب الموسم الي طاف انا معك بكل شي واقولك انه ماقصر... لكن الموسم ذا وهو كل ماله يتخبط

بداية بكذبة جيريتس وحنا لنا الله مصدقين كلام الامير انه بيجلس, وبعدها الدعيع واذا بتقولي هو وش دخله

بالدعيع بقولك تذكر محمد بن فيصل بعد مافاز الهلال بكاس ولي العهد وقرر الدعيع يعتزل كيف منعه وخلاه يكمل,

والحين منسق لعيبه ماا اخذو فرصتهم وبتشوفون الكلثم والمؤشر بالوحده وشر راح يسون والشمري فالاتفاق اذا

راح لهم طبعا .. الله يعين بس..

وانتم ياجماهير الزعيم خل عنكم عواطفكم والحق حق وخلو التطبيل ورا الخطا ترى الهلال اكبر من اي شخص

(مع اني ادري ان اول المطبلين بيطلع بعد ردي ذا ويقول عني مندس ولآ مآعندي سآلفه) هذا رايي وكلن له وجهة نظر..

كلامك سليم جدا
إن شاء الله ما يهدونه
الشمري أفضل حارس بعد الدعيع

لانك نادي سهل التفاوض معه واذا جيت تتفاوض مع نادي اخر يعقدونك الله يوفق فهد اداره لخبط لخبيط شخبط شخابيط من اول ماخرجنا من الاسيويه وكل اخبار النادي سيئه احسن خبر هو حضور الجاسر فقط....

المشكلة يروح للاتفاق وكلنا نعرف مواقف رئيس ناديه الدوسري مع الهلال والله قهر يروح والهلال بحاجته

الكلثم والعنزي والشمري والمؤشر
حتى لو ان الفريق ليس بحاجتهم لا ينبغي التفريط فيه ببلاش يجب ان يستفيد النادي منهم مادي او مقايضه بلاعبين اخرين قد ينجحون مع الهلال فمثل المؤشر والكلثم وقعو مع الوحده لو كنا اتفقنا مع ادارة الوحد انا نعطيهم هالاعبين ومعهم الشمري والعنزي مقابل ماجد بلال او اميد الذين سيستفيد الهلال منهم كان افضل

والله صادق بكل حرف قلته ياناس حراااام الشمري يروح انا اصلن توقعت ان بديل العتيبي هو الشمري لكن تفاجئت ان شراحيلي هو البديل والحين انصدم زياده برحيله ومافيه بديل الا السديري !!

لماذا يعطى الشمري للاتفاق هديه؟
الاجابة : لان الاتفاق يتنازل عن اي لاعب لاي فريق بكل سهولة , عدا الهلال فإذا تقدم الهلال فإن ادارتهم وأظن ميولها فقراوية بالذات الرئيس تطلب مبالغ خيالية وغير معقولة , و دليل راشد الرهيب وعبدالرحمن القحطاني وغيرهم ممن سبق وطلبهم الهلال من الاتفا(غ) قصدي الاتفاق.

مافي اي مبررات للادراة وخص في هذه الاوظاع المتدنية من ناحية حراسة المرمى .
والف شكر لك على طرح الموضوع وكلام سليم 100 % .

المشكله

العتيبي مستواه يخوف

وشراحيلي مصاب


والسديري صغير في السن ومحتاج مزيد من الوقت



الهلال يجب عليه ان يجدد مع الشمري


بدون تردد


اما الأستغناء عنه بكل سهوله


فيشكل ذلك ضربه للفريق الهلالي

للاسف ادارة الهلال تبيع لاعبين مميزين ولهم مستقبل بأقل الاسعار وبعضهم دون مقابل

على ادارتنا الاستفادة من مبالغ الماديه او مقابل لاعب في حالة بيع لاعب