بسم الله الرحمن الرحيم ..

استغرب صراحه ممن ينتقد صوماليا ويطالب بابعاده .. وسبب الاستغراب ان اللاعب لم يأخذ فرصته ( والفريق في احسن حالاته ) او على الاقل في مستوى مرضي ..

فقبل الحكم على لاعب مهاجم يجب ان نحكم على الوسط اللي وراه .. خصوصا وصوماليا من النوع القناص اي اللي ما يعدي من اكثر من لاعب وانما ينتظر من الوسط ان يصنع له الكور وهو ينهيها مثله مثل لاعبين كبار عالميا ومنهم باتيستوتا وفييري وغيرهم كثير اللي مهمتهم انهاء الكره في المرمى .. اما المهاجمين الثانين من امثال مايكل اوين اواندريه شفتشينكوا وغيرهم فهم من المهاجمين اللي يصنعون الهجمه بانفسهم ومايحتاجون الوسط ( دايما ) يصنع لهم كور ومثلهم سيرجيوا والشيحان محليا ..

وزي ماشفنا صوماليا لعب وخلفه وسط مش حالك .. لذلك رأيناه ما استلم في كل مباراه الا 3 الى 4 الى 5 فرص فقط اكثر من نصفهن كور هو يصنع خطورتهن اي انهن كور ميته بالاساس .. والكور الخطيره يتسبب فيها ببلنتي او يسددها بشكل جميل وخطير وعادة يبعدها الحارس ببراعه والقليل منهن يضيعهن بحكم قلة الفرص وحرصه على التسجيل وهو على كل حال مثله مثل غيره من اللاعبين فما فيه مهاجم كل كوره في الباب ..

لذلك انا اتمنى نصبر لعل الله يهدي الاخ بلاتشي ويلعبه راس حربه وجمبه العلي ومن وراهم سامي والشلهوب او الثنيان او الخثران او نواف يعني لعيبة وسط مهوب محاور والا لعيبه اعطوا اكبر من حجمهم مثل الصالح او المفلس لطف وخويه المسعري ..

واتمنى بعد قبل مانجيب اجانب نعرف وشلون اسلوب لعبهم ونقيمهم على هالاساس ..


اوين ,,