الساموراي يذيق السعودية كاس الذل
هذا ما قاله مقدم قناة ابو ظبي
وقد صدق
وين اللعيبة الي يبكون عشان الفنيلة
أقسم الله منتخب الهند يلعب بحماس أكثر منا
ابي اعرف وش السبب
طيب باقي لك مباراة ولا راح تفيدك لانك اوت من البطولة
العب عشان التاريخ
السعودية ماسبق انه خرجت من آسيا بدون نقاط
وانا أعتقد السبب مو بس اللعيبة
السبب هو الأداري
يعني المصيبيح صورة مثلاً؟
ياخي اللعيبة مشكلتهم نفسية ليش ماتحمسهم وقت المباراة
ولا بس جالس تتفرج
وجوده مثل غيابة
ما أقول الا
فعلا ذقنا كاس الذل

سايرين على خطى نتيجة المانيا

اسمع عبدالله الحربي
الدوري والكأس بلس

تدرون وش الي يقهر

خلينا كل القنوات الفضائيه والي يسوى والي مايسوى يتشمت علينا

هذا منتخب وجهه للدوله

وين الروح وين الحماس وين حفر الملعب

اشباح وربي مو اوادم

مايحسون مايستحون على دمهم

شي مخزي ومذل والله يعينا من النتيجه التاريخيه

إقتباس الرسالة الأصلية كتبت بواسطة قناص الشرقية والله اللي عجبني كلام عبدالله وبران كلام قوي وفي الصميم ان شاء الله احصل المقطع فيديو

اييييه يا عبدالله وبران والله يتكلم من قلب من شيء قاعد يشوفه ولا يقدر يغير فيه شيء وبدأ يفضفض والله برد قلبي

4-0 لليابان يابلادى واصلى
__________-

مسخرة كنت متوقعها منتخب يستاهل ان يكون مسخرة
بعدين يا عمي تصقعنا من طيور الجنة و معلمين الشورما ولا تبينا نتصقع من العمش

من كان يتوقع انه بنكون ملطشه ومحطه لعبارات ساخره من اللي يسوى واللي مايسوى عز الله مهزله وعبدالله وبران كلامه عن جد منطقي تغيير كامل كلهم برا ولا يبقى احد منهم

إقتباس يعني المصيبيح صورة مثلاً؟ ياخي اللعيبة مشكلتهم نفسية ليش ماتحمسهم وقت المباراة

انت تلعب لمنتخب بلدك وش يحمسهم ؟؟

مايحتاج تحميس انت مفروض تقاتل عشان هالفانيله الي لابسها

بعدين هذول محترفين المفروض عندهم المقدره على التعامل مع الظروف الصعبه ..

مسخرة كنت متوقعها منتخب يستاهل ان يكون مسخرة

بعدين يا عمي تصقعنا من طيور الجنة و معلمين الشورما ولا تبينا نتصقع من العمش

منتخب فااااااااااشل مدرب فاااااااااشل جهاز اداري فااااااااااشل اللاعبين فاشلين كل ابوووهم

احسن حل آيقاف جميع لاعبي المنتخب سنه كاملة وبدون آخذ مرتبات حتى يكونوا عظه وعبره لغيرهم

وشوفوا كيف ا للاعبين صح راح يعرفوا قيمه المنتخب

إقتباس الرسالة الأصلية كتبت بواسطة عطر الشووق انت تلعب لمنتخب بلدك وش يحمسهم ؟؟ مايحتاج تحميس انت مفروض تقاتل عشان هالفانيله الي لابسها بعدين هذول محترفين المفروض عندهم المقدره على التعامل مع الظروف الصعبه ..

تذكر مباراة الهلال والغرافة؟4-2
شوف كيف تغير الفريق بعد دخول سامي الجابي لوسط الملعب بين الشوطين الاضافيين
وتكلم مع اللعيبة
بالوقت هذا يبين تأثير الاداري الناجح

ماقول الا ياشماتة ابله طازه فينا