السلام عليكم


طبعا انا فاتح هـ الموضوع للنقاش على مدى رضاك عن رئاسة نواف بن فيصل لرعاية الشباب واتحاد كرة القدم


السؤال هنا:


هل انت راضي عن رئاسة الامير نواف بن فيصل لرعاية الشباب واتحاد كرة القدم ؟

عن نفسي : لا لانه مبين انه فقراوي ومين عليه اصلا وياليت بس فقراوي .. فقراوي ويكره الهلال

والكل يتذكر 2006 !!

طيب خله يصير نصراوي بس ياخي نبي الحق نبي العدل وبـ2006 كان نائب الرئيس وشف وش سوى اجل وهو

رئيس وش بيسوي !!

اتوقع بيلغي فريق الهلال

يعني انا اختار من بين الاختيارات :

1-اؤيد بشدة

2-اؤيد

3-لااؤيد بشدة

4-لااؤيد

5-لااهتم

وانا اختار رقم (4)


و اتمنى الغاء الرئاسة العامة لرعاية الشباب لانها مامنها فايدة ومااتوقع الفرق بينه وبين اتحاد كرة القدم

او الغاء الرئاسة العامة لرعاية الشباب اتحاد كرة القدم وتكون الاتحاد السعودي للرياضة والشباب وتكون

لكرة القدم وغيرها


وجهة نظر ولاتحرمونا من ردودكم و وجهات نظركم



الفارس الازرق 8


&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*

أكيد ماني مع تسلمه كرسي الرئاسه

مو لانه نصراوي لاكن لانه رجل ما قدر يقنع سلطان ان في شي غلط

يعني بالعربي ما ينفع

هو وسلطان وجهان لعمله واحده

نبي شي جديد فكر جديد اسلوب جديد

هذا رأيئ

3-لااؤيد بشدة

مؤيد بقوهـ !
لكن بشرط : النائب مايكون امير , يعني غصب كل شي يصير رئيسه امير !
النائب يكون الجابر او الشنيف او التمياط !
نبغى ناس تفكر , نبغى ناس تنتج !
مانبغى بس اسماء !

اختار 3 لان الامير نواف نصراوي وسبب اقاله الامير سلطان وراها الفقراويه بالدرجه الالى والعناكب الاتحاديه بالدرجه الثانيه والسبب معروف لان المنتخب مافيه ولا لاعب نصراوي وما ضمو بالذات سعد النباح قصدي سعد الذباح والاتحاديين زعلانيين علشان مهمد نور ولعلمكم نواف ابن فيصل هو المسؤل لانه المسؤل عن اللجان بس صارت براس الطيب الخلوق الامير سلطان بن فهد

انا ااويد
حتى لو لفتره بسيطه
يأخوان ابغى اعرف كيف حكمته انه نصراوي
هذا اول شي
ثاني شي هو كان تحت امرت شخص ثاني مايقدر يتخذ قرار بنفسه
اتمنى له التوفيق والنجاح

إقتباس الرسالة الأصلية كتبت بواسطة غـرـرـرـرـريـم أكيد ماني مع تسلمه كرسي الرئاسه مو لانه نصراوي لاكن لانه رجل ما قدر يقنع سلطان ان في شي غلط يعني بالعربي ما ينفع هو وسلطان وجهان لعمله واحده نبي شي جديد فكر جديد اسلوب جديد هذا رأيئ 3-لااؤيد بشدة

رد وافي ولا أزيد غير

أن الرئاسة العام لرعاية الشباب مستحيل الغائها

1- لأن الأندية تابعه لها لكون الأندية حكومية

2- في الدول الأخرى هي بمسمى وزارة الشباب والرياضة وهي بالمختصر مثل القطاع العام والخاص

3- مع تخصيص الأندية تنتهي مهام الرئاسة العامة لرعاية الشباب وتكون الجهه المسئولة اتحاد كرة القدم فقط

اتمنا أنها وضحت المسأله

يا اخوان هو مارح يجامل النصر على حساب نفسه
وهذا منصب عليه العين يعني مارح يضحي فيه عشان بس انه نصراوي

والاهم من ذلك انتم تشككون بامانته ووطنيته

وقبل ما يتسلم الرئاسه راح يقسم امام خادم الحرمين الشريفين ( يارب يرجعه لنا سالم غانم )

يعني بلاش تشكيك بالذمم وخلونا نشوف وش بيسوي انا عن نفسي اقول

انه انسان منفتح وعنده افكار بس ماعرف وش بيسوي بالأمراء اللي مستلمين النادي
هل ينحرج منهم هل يعاقبهم حسب الانظمه ولالا؟؟

وكمان لا تنسون صعب يحطون مسؤل مو أمير لانه صعب يتحكم في امراء مستلمين انديه ومستلمين اتحادات

وعلمي وسلامتكم وبالتوفيق يارب للامير نواف

اقول انتم مايعجبكم العجب مانبي سلطان وقلناه ويوم اقلناه جا نواف قلتو مانبيه والحل!!!!
الامير نواف صغير عمره 33 سنه وعقليته ماشاء الله ممتازه والدليل يوم حضر مؤتمر الفيفا عنده لغات وفااه الكوره وعارف كل شي هاذا واحد الثانيه هو اكتسب خبر لنه كان يراافق ابوه فيصل في رحلاته وهاذا الشي كسبه خبره....
الثالثه ماحقق انجازات لنه كان نائب يعني عمه الرئيس مايقدر يخالف عمه وكل شي بيد عمه ...
الرابعه شوفو الا نجازات الي بتجي والامير نواف طالع على ابوه ونشاء الله التوفيق للكره السعوديه في المحافل الكرويه .
وكل هاذا مايستحق الرئاسه .....!!!!!

انا عني ؟؟؟؟؟؟؟


( ماااابييه جدا جدا جدا ) واختتار الرقم 3 ( لااؤيد بشده ) انتهاء الكره السعوديه الان برئسة


( نواف بن فيصل)

( هو نصراوي + حقد على الهلال )

( الله يعين الهلال في هذا الموسم )

إقتباس الرسالة الأصلية كتبت بواسطة كاكا المميز مؤيد بقوهـ ! لكن بشرط : النائب مايكون امير , يعني غصب كل شي يصير رئيسه امير ! النائب يكون الجابر او الشنيف او التمياط ! نبغى ناس تفكر , نبغى ناس تنتج ! مانبغى بس اسماء !

وانا معك مؤيد
تدرون ليه
لان هذا الشبل من ذاك الاسد وصدقوني لو يصيرالنائب سامي او خالد او نواف راح يكون هنااك تطور مو طبيعي في الرياضه السعوديه
واذا بالنسبه انه نصرواي ومدري ايش
هو طلع قبل ايام في مقابلته في الرياضيه واقسم بالله انه مو نصرواي

الله اعلم بخفايا الأمور ’’ بالنسبة لي مو لازم كل شيء يستلمه أمير , يتم وضع انتخابات افضل من التنصيب ووتدخل الحكومه في كرة القدم ‘‘