ياجماعه وليد ماله ذنب
كيف الوم لاعبين وانا ماهيأت لهم الجو المناسب؟؟
لو تم تجهيز المنتخب بجهاز فني على مستوى عالي واستقرار اداري وعلى تشكيله وحده .. اوكي .. هنا نجلس للاعبين على ركبه ونشوف اي خطأ وننشب لهم فيه
لكن الحين وش انشب لهم فيه وهم في وضع لاناقه لهم فيه ولا جمل
للتوضيح
تخيل انك تبي تختبر عزم سياره ورساوتها ... في طريق جلد !!؟
نفس الشي
كيف ابي اللاعبين يأدون والخطه كلها خطأ ؟ المدرب خطأ ؟ الاداره خطأ ؟ كل شي خطا
اخر من يلام اللاعبين
انا استغربت من تركي العواد هيجانه على اللاعبين ... غريبه مع انه دكتور
دائما اي شي يعتمد على معطيات
وش المعطيات اللي عطيناها اللاعبين علشان ننتظر نتيجه ؟ والله فيه ناس مدري كيف تفكر
وليد
لايهمك انت كبير
لكن هالخطأ لو تسويه في اي بطوله جايه تحت جهاز فني ممتاز ... والاداري ان شالله انه ممتاز بقيادة الامير نواف اللي متفائل فيه انا كل خير
وقتها
ماراح نرحمك
الحين انت مالك ذنب يابطل
توك لاعب صغير والمستقبل قدامك كبير
وصدقني
ماراح يذكر احد زلتك ... لانها في الاساس مو زلتك ولاهي ذنبك
الوضع الشجري
