كل بطوله يدخلها المنتخب السعودي ويوصل للمباراه الحاسمه الاعلام يسوي صجه ولجه يخلي اللاعب ينزل الملعب وهو خايف لو مرر الكوره غلط ان العالم كلها تبي تحط اللوم عليه
ما ادري فيه احد يهددهم قدام المباراه يقول لهم لو ما تلعبون زين ابي افقع وجيهكم واسرحكم مع الحلال ؟
ليه لما يكون اللاعب السعودي ماعليه ضغط يبدع ويطلع مهاراته وتشوفهم يلعبون تقول هذا منتخب عالمي

ليه منتخب العراق لما قابلنا بأكس اسيا تحس اللاعبين كلهم روح وحده وحماس كأنهم داخلين معركه
ليه الكويت يوم تلعب ضد السعوديه تشوفهم كانها حياه او موت بالنسبه لهم
شوف سوريا اليوم لعبو اقسم بالله مو مدرب ولا شي الا بروحهم وقتالهم لاعب سعودي يمسك كوره تشوف اربع لاعبين عليه بياكلونه اكل
اللاعب السعودي يمسك الكوره بكل برود يتمخطر وينتظر شوي ويمرر وغالبا التمرير يكون { للخلف } < خايف يمرر غلط يكرشونه ويقيمون عليه الحد

مو بس لاعبين المنتخب الا كل لاعبين السعوديه بصفه عامه

اعطيكم مباريات تذكروها بالتفصيل كيف كانت روح اللاعبين السعودين فيها
اول مباراه تذكرو مباراة السعوديه ضد العراق كيف كانت روحهم بارده كأنهم داخلين مباراه وديه بعكس العراق الي ذبحونا بالهجمات على مرمانا
ثاني مباراه شوفو السعوديه مع الامارات بكأس الخليج الي بالامارات يلعبون طقطقه كأنهم يلعبون تدريب
ثالث مباراه السعوديه ضد عمان نهائي كأس الخليج بعمان اقسم بالله باردين وكأنهم اشباح


مباراة الهلال ضد الغرافه اللاعبين منومين
مباراة النصر ضد الوصل الاماراتي فاشلين
مباراة الاتحاد ضد سيونغنام الكوري ماعندهم سالفه ينتظرون غلطه من الفريق الكوري

مباراة السعوديه كوريا الشماليه بالله عطوني هجمه منظمه قسم بالله مافيه الا كم هجمه وبأجتهادات لاعبين وتذكرو كيف كانت روحهم خايفين من الجمهور ومن الاعلام

مباراة السعوديه مع البحرين تمنيت هذاك اليوم نمت ولا فرحت مع القول الثاني حق السعوديه
مباراة الهلال مع ذوبهان الايراني الفريق مافيه روح ولا احد قدم مستوى الكوره تروح يمين الملعب ويسار الملعب ما تمشي قدام لدرجة اني شكيت ان طول الملعب صار عرضه وعرضه صار طوله

لين متى واللاعب السعودي يلعب وهو تحت الضغط ليه ما يكونو واثقين من انفسهم ويلعبون مثل اليابان بتكتيك وبقتال

عاااادي انهزموو بعشرين صفر بس نبي نشوف ناس تلعب ابي احس ان الفريق يلعب بقلب واحد

اعلاآآآآم منافق فاششل متنااقض فاز الفريق قالو المدرب تدخلاته كانت جيده وفي محلها
انزهم الفريق قالو المدرب اخطأ بالتغير واللاعبين اخطو

القناه تجيب اي واحد تحطه يبربر يسوي فيها فاهم كوره

اخيرا وليس اخرا سلطان طال عمرك اعطي فرصه لغيرك يجرب دام الدنيا تجارب

شوف الهلال مع ذوباهان كان يلعب صح بس مالله اراد

توكلو على الله اول شي

وين لعب صح ؟ هههههههههههههههههههههه مافيه هجمه منضمه ياهوه انا حاظر المباراه بالملعب قسم بالله العظيم مافيه روح كانو يلعبون الكوره من بالعرض ما تدخل منطقة الجزاء

كلام 100%100
مادري ليش اندية ومنتخبات السعودية كيذا ابي ......؟؟
افهم المنتخب السعودي يبي وقفة صادقة جادة الاعلام يبي من يسكتهوم يبي واحد يوقفهم صح انا ماكنت مقتنع بسيرو ولازلت بس مع ذالك ياخي اقل شي اسكت ولا قبل المباراة ب48 ساعة الحربي ويقول بسيرو فاشل بسيرو مايفهم ابجديات الكوره
لاكن املنا بالله كبير ولا التخطيط اللي يقولون عليه اغسلوا اديكم الا اذا فارقنا سلطان
واتمنى تكون صفعة للاعبين ليحسوا بمعانات الجماهير

ويارب يوصل الكلام اللي انت قلته للاعبين لأن الظاهر مانتبهوا للنقطة هاذي

أهنيك على الموضوع
تحياتي).......

عواااااااااااااااااااااااااااااااااااااااافي, بالتوفيق للاخضر ,

مع الاسف المسالة مو مسالة وطنية

العيوب كثيرة والاسباب كثيرة


نحن في المنتخب السعودي نعاني من مشكلة كبيرة جدا وهي الاهم

غياب الروح القتالية

اذا اللاعبين عندهم روح ومتحميسن وحاطين في بالهم الفوز بيفوزون لو على البرازيل


فرق عادية فازت على كبار المنتخبات بسبب الروح العالية

السنغال على فرنسا في افتتاح كاس العالم 2002

الجزئر على المانيا كاس العالم 82

مصر في مباراة البرازيل وايطاليا في كاس القارات

تركيا في كاس العالم 2002 وفي يورو 2008

سألوا مدرب المانيا في نصف نهائي يورو 2008 من تتمنى تقابل كرواتيا او تركيا

قال : اتمنى كرواتيا لآني اخشى المنتخب التركي... لآنه فريق يقاتل لآخر دقيقة .. لو مهزوم مايوقف حتى يسمع الصفارة !!

متى نشوف اللاعب السعودي يقاتل وسط الملعب ؟؟؟

اقول ترى ملينا من كثر مادلعنا لاعبين

حساسين مره ماحد ينتقدهم وكانهم بيموتون اذا احد انتقدهم

اذا مو قد اللعب والنقد والصحافه والاعلام يعتزلون احسن

والا نصيحه لهم اذا كانو حساسين زياده لايقراون الصحف

لان النقد مستحيل مايلقونه

صراحه يرفعون الضغط

اشبك انت الناس يحترفون ويتقدمون واحنا العكس

لاحول ولاقوة الا بالله

كلامك يا بطل صحيح وهذا فعلا الي حاسين فيه

ما فيه روح حتى فعلا لو المدرب سئ وييييين روح وحماس وقتالية اللاعبين وغيرتهم على تشريف بلدهم

هذا الجيل غاسل يدي منه ننتظر 5 او 10 سنين يجي جيل جديد ممكن يكون احس من هذا الجيل

تحياتي

القتالية والروح والحماس والتضحية تجدها من اللاعبين في حال وجدت اداري يتمتع بهذه الصفات . تحياتي

أنا أشوف أن الموضوع مرتبط بالحالة المادية للاعب

بالأول كان اللاعبين جايعين فيقاتلون من أجل إثبات الذات والحضول على مكافئات

اليوم لاعبين محترفين كل واحد بحسابه لا يقل عن خمسة ملايين والطموح رايح فيها

أقصى طموحه يتندح في باريس وجنيف يقلب دمجته عند المعجبات

أما الوطنية فلا تسألني عنها لأن غالبية الشعب السعودي لا يعير للوطنية أي قيمة

فالوطنية ليست أغنية لمحمد عبده فوق هام السحب وانت مدحدر الوطنية أكبر من كذا بكثير

المختصر كل لاعب في المنتخب السعودي يسعى لنفه فقط وطز بالوطنية

لما شفت مصر تلعب مع البرازيل والبرازيل بطلوع الروح تفوز والمباراه الي بعدها مصر تلعب مع ايطاليا وتهزم ايطاليا بالله لو السعوديه تقابل البرازيل تشوف اللاعب يمسك الكوره كل همه يتخلص منها لو يطلعها برا بس اهم شي ما تجلس برجله ثانيه هههههههههههه
كل هذا عدم ثقه باللاعب السعودي وخايفين من اللي بعد المباراه يعاقبهم ليه ما تمرر ليه تسوي بطل وتهجم وليه ما تجلس بالدايره مثل ماقال لك المدرب ؟ هههههههههههه

نعم شعبنا في الكوره ليس لديـه وطنيه . لاكن لماذا .؟
لآن آرائهم مهمشه ولا احد يسمع لهم .. هآكذا الشعب لايحس بـ الآنتماء للمنتخب السعودي .
وتزال من عندهم الروح الوطنيـه