الاخوة اللي يقولون ان السعودية مافيها الا ملعب الملك فهد ومحفر بعد وبقية الملاعب سيئة ..
اقول لهم .. لا تستعجلوا .. والامر لا يؤخذ بهذه الطريقة .. إذ ان الامر لن يكون بين ليلة وضحاها لنستضيف بطولة قارية او عالمية ...
في حالة تمت الموافقة على استضافة السعودية لتظاهرة كروية .. بكل تأكيد ان كل شيء سيتغير ..
وسوف يكون العمل على قدم وساق لبناء الملاعب والبني التحتيه الاخرى الكفيلة بالخروج بالتظاهرة الكروية على اكمل وجه .. فنحن نملك قوة اقتصادية لا يستهان بها ، وبالتالي سيكون امر الملاعب منتهي بكل تأكيد . لكن القضية ليست هنا .. بل هي في عدم تقبل كثير من الناس في السعودية لاستضافة مثل هذه البطولات ... بحجج واهية وساذجة ... مثل الاختلاط مثلا .
هذه قطر لديها عائلات لا تبعد في طبيعة تقاليدها عن كثير من العائلات السعودية المحافظة ..
لكن هذا لا يمنع ان قطر استطاعت تخطي هذه المسألة وجعلت اسم قطر يتردد في كل ارجاء العالم وهي دولة صغيرة جدا ... والعائلات المحافظة هناك في قطر متمسكة بمبادئها ولم تفرط بها .

إقتباس الرسالة الأصلية كتبت بواسطة داق لطمة اتوقع ان استضااافة ملايين البشر لاداء المناسك الحج والعمرة اهم من استضااافة بطووولة كروية

يا أخي الكريم ... أرجوك ...
ارجوك انت والذين يصيرون على اقحام موضوع الحج في الموضوع ..!!
لم يتطرق احد على استضافة الحجاج هنا .. اهلا وسهلا بالحجاج وعلى العين والراس وهذا امر مفروغ منه .
نحن نتحدث عن استضافة بطولات كروية ..
مثلنا مثل بقية الدول .. ولا يعني هذا ان استضافة مثل هذه البطولات انها سوف تمنعنا من استضافة الحجاج او العكس ..!!
فلتكن بلادنا على مدار السنة .. محل استضافة كل التظاهرات الدينية والكروية والثقافيه وغيرها ... مالمانع في ذلك ؟ّ!!

والله أذا تعتبر المحافظه على القيم الدينيه وتعاليم الأسلام الي تسميها <ملوخيه> ,, ((تخلف)) فأنت دون مستوى النقاش معك مع أحترامي لك ...

وثاني شيء ليس بالضرورة أن نستضيف بطولة عشان نتطور الي يبي يطور الملاعب والبنيه التحتيه بطورها من غير أستضافه للبطوله و ما يترتب عليها من مفاسد ... يعني على سبيل المثال لا الحصر تخيل ستضيف بطولة آسيا يعني تتوقع الأتحاد الأسيوي بوافق لك من غير شروط و الشروط وش راح تكون يا ذكي يا متطور يا منفتح أولها توفير الخمر في الفنادق وفي المطاعم ووووو شروط لو تسأل القايمين على ملف قطر لأستضافة كأس العالم راح يجاوبونك يا مستر منفتح .. وخصوصا أسالهم وش راح يكون مسموح لبسه على شاطئ البحر أمام الناس ولو ربك أحياك لـ 2022 رح قطر ولاتنسى تمر على البحر تشم لك هواء نقي وذنبك على جنبك ووقتها بس أذا رجعت تعال وراح أتنقاش معك ,,,

بعدين فكر بس شوي وسأل نفسك وش الي يمنع تستضيف بطولة الخليج <رغم أنها لا توازي البطولات الأخرى بحجمها > وتنشأ ملاعب وتبني بنيه تحتيه لرياضة بلدك وشفيها بطولة الخليج ما راح تلاقي معارضه و<<متخلفين>> على حسب تفكيرك يعارضون أقامتها ولا بيكون هناك عذر الخصوصيه ... و عندها بتعرف ليش ما نطور وليش ما يبون التطور والخصوصيه مالها علاقه يا منفتح روح دور السبب الرئيسي يا ذكي ,,,, وموضوعك يبدو لي أنك متأثر من بني علمن الي يدورون مثل هذي المواضيع السخيفه وتركوا الأشياء الأهم للمواطن والبلد والذكي يعرف وش هدفهم قال تطور قال ....

سلملي على عقلك الي الظاهر منفتح جدا بحيث تم أختراقه بالفايروس (علمن) ... والله يحفظ عقولنا و(يغلقها ) من أختراق الفايروسات ....

هذا رأي شاب جامعي ليس ملتزم بل شاب عادي من وسط هذه الفئه العمريه لكن يعرف الصح من الغلط ولا يسمح لأي من كان بأن يملي عليه ما لا يراه مناسب ... أرجوا أن تقبل وجهة نظري بصدر رحب ولو أني أشك في ذلك ...


في أمان الله ...

اول شئ للي يقولون الملاعب وما الملاعب منت مستضيف بطوولة الا والملاعب اوكيه
ثانيا السعودية دولة ماهي مفتوحة يعني لو استضافة كأس آسيا بتسير مشاكل وفلة .. والخ
يعني خلاـص موضوعك ما يفيد ولا يستفيـد
لا تزعل وجهة نظر !!

ضريبه الإستضافه = تنازلات عن أمور وثوابت كانت وإلى وقتك ذا موجوده !
غالبيه المجتمع مو مستعدين إن يقدمون هالتنازلات علشان كوره
إختلاط وغيره !
فأنا ماني مجبور إني أستضيفها !

<CENTER>
</CENTER>

المحافظة على الدين والتقاليد العربية والاسلامية الاصيلة اهم من بطولة جلد منفوخ لايقدم ولا يؤخر . تحياتي

وينك يا راعي (الملوخيه) قصدي راعي الموضوع ... أتمنى ترد ...

سؤال يطرح نفسه لسيد المنفتح هل يعرف شروط أستضافة مثل هذه البطولات .. ؟؟ هل تعرف الأشياء الي ممكن تأتي مع مثل هذه البطولات ... ؟؟ وهل هو شخص مطلع على تعاليم الأسلام ورأي القران والسنه في مثل هذه المفاسد ... ؟؟؟

أذا كان جوابك لا وهو المتوقع فالرجاء منك ألتزام الصمت مشكورا ودع الموضوع للي أكبر منك و أعلم بمثل هذه الأمور فمثل هذي الأمور لا يمكن لقاصر الفهم والمغلف عقله بأفكار السفهاء أن يحكم على مثل هذه الأمور التي تمس الدين قبل الدوله ...



في موضوع كان بعنوان : حسبنا الله ونعم الوكيل على من أمربتشغيل الأغاني في الملعب

عجبني رد للأخ راعي < الملوخيه > شوفوا رده وبعدين تعرفون وش يبي يوصله من الموضوع أجل تبي تطور ها وش رأيكم يا شباب نفنتح مثله ترى عقولنا مغلقه لان أرائنا ما تعجبه ... شوفوا رده:

إقتباس المفروض يشغلون قران ..!! الحمد لله والشكر .. وش تبغونهم يشغلون ..؟ في ملعب والعالم مبسوطة .. ومحتاجين اغاني ... حماسية .. والاجواء كلها مهياة للشيء هذا ..!! ما كرهني في الهلال الا شلل ذا...

أنا أسمع أغاني والله يغفر الذنب بس مو درجة أني أجاهر بالمعصيه أسمعها لحالي واذا كان فيه شخص ملتزم موجود فلا والله أطفيها و الأخ يقول خلهم ينبسطون وما فكر أن الأغاني كانت شغاله وقت صلاه والناس يصلون وصاحبنا يقول ليه ما يشغلون قرآن ؟؟؟؟؟ مليون علامة أستفهام عليك هل أنت مسلم وتعرف تعاليم دينك ؟؟؟

إقتباس الرسالة الأصلية كتبت بواسطة المنذر بن ابي البرتو ودي بس افهم عبارة ( اي شيء ضد الدين نضرب به عرض الحائط حتى لو كان استضافة بطولة كروية لا تغني ولا تسمن من جوع )) ..!! افهم من كلامك .. ان الحكومة السعودية تقفل محلات الأغاني ؟ افهم من كلامك ... أن الحكومة السعودية تمنع عمل الممرضات والطبيبات في المستشفيات المختلطة ؟ افهم من كلامك .. ان الحكومة السعودية تقيل مثلا الوزيرة نورة الفايز بحجة الاختلاط ؟ افهم من كلامك .. ان الحكومة السعودية تمنع علينا الدشوش مثلاً اللي فيها قنوات الفساد والافلام والاغاني والتبرج ؟ افهم من كلامك .. ان الحكومة تقفل جامعة الملك عبدالله ( كاوست ) بحجة الاختلاط ؟! اذا صار كذا .. وش فرقنا عن طالبان ؟!! اما حجة المغازل وما المغازل .. فهذا امر من المخجل ان نعده سببا لحرمان السعودية من استضافة تظاهرة كروية قارية اوعالمية .. فهذا حق للسعودية مثل قطر .. ولمنع مثل هذه الامور لا يكون بعدم استضافتنا لهذه التظاهرة .. بل بسن القوانين الصارمة التي تكفل .. عدم حدوث اي تحرشات او مضايقات للنساء .. اذا كان هناك حق انساني .. فيجب عدم حرمان الناس منه بسبب ( الخوف من المجرمين ) .. بل على الدولة ... محاصرة المجرمين .. والتضييق عليهم بقوة القانون ... واعطاء الناس حقوقها . وكأس اسيا من حقنا نحن كمجتمع سعودي ان تقام في بلادنا مثلنا مثل غيرنا . فكل الامكانيات موجودة لدينا لصنع مثل هذه البطولة .

لا ياعزيز ماحد قالك عن ((اللسته)) الي حاطها فوق حنا تتكلم عن الرياضه وش دخل الي فوق
بعدين المغازل اسمحلي اذا ودك يجن الحريم ويغازلونهم _هذي مشكلة ثانية_
والنقطة الاخيره الي ذكرتها الدولة ماقدرت تحوش الي يغازلون الحين والحريم متحجبات اجل لو ساقن السيارات وجو صحفيات ومذيعات من بره وش بيسير
بعدين مانبي نستضيف كاس اسيا لان بتكون سلبياته اكثر من ايجابياته واصلن ماعندك قدره لاستضافة كاس اسيا من الاساس وبعدين الدعوى مو((هم استضافو كاس اسيا حنا نبي نستضيف ماهي مع العجه ))
قلناك استنى 20 سنة ذاك الوقت اطلبو الاستضافه
الله المستعان

إقتباس الرسالة الأصلية كتبت بواسطة المنذر بن ابي البرتو نحن نتحدث عن استضافة بطولات كروية .. ؟ّ!!

طيب هذا انت تقول استضافة بطولات وش دخل اللسته الي حطيتلي اياها

قال تعالى:
(يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ)

مشكلتنا اننا متشددين في دينا وفاهمين الاسلام غلط
يعني قطر دوله غير مسلمه

محرمين الاختلاط بأهوائنا ومحرمين الاغاني بكيفنا
ومحرمين الحجاب الاسلامي وفرضنا غطاء الوجه
والمشكله مافي دليل من القراءن يحرم الاشياء هذي
وان جابوا دليل جابولك ايه بعيده كل البعد عن الشيء اللي هم محرمينه
مشكلتنا في تقفيل عقولنا وتوقفيها عن العمل وترك ديننا الى اشخاص نسميهم ( هم ادرى)
واذا تكلمت قالوا استغفر الله لا تتكلم بالدين اسكت لا الله يسخط علينا
والمشكله الله امر بتفكر بالدين وتدبر القراءن وهم يريدونا ان نتبع ابائنا واجدادنا
وغيره يقول حط بينك وبين النار مطوع يعني خله هو يفتي والذنب عليه
طيب عليك انت ذنب بعد لانك ماشغلت مخك وخليت غيرك يفكر لك

(وَلَقَدْ ذَرَأْنَا لِجَهَنَّمَ كَثِيرًا مِنَ الْجِنِّ وَالإنْسِ لَهُمْ قُلُوبٌ لا يَفْقَهُونَ بِهَا وَلَهُمْ أَعْيُنٌ لا يُبْصِرُونَ بِهَا وَلَهُمْ آذَانٌ لا يَسْمَعُونَ بِهَا أُولَئِكَ كَالأنْعَامِ بَلْ هُمْ أَضَلُّ أُولَئِكَ هُمُ الْغَافِلُونَ )

(أَرَأَيْتَ مَنِ اتَّخَذَ إِلَهَهُ هَوَاهُ أَفَأَنْتَ تَكُونُ عَلَيْهِ وَكِيلًا (43) أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ إِنْ هُمْ إِلَّا كَالْأَنْعَامِ بَلْ هُمْ أَضَلُّ سَبِيلًا (44) )

اللي ابي اوصله ان الله امر بالتعايش مع غير المسلمين وهذا قد يؤدي الي اسلام كثير من غير المسلمين اذا تعرفوا على الاسلام من قرب وهذا من واجبنا كمسلمين ومتحدثين بلغة القراءن ان نوصل هذه الرساله لغير المسلمين

(يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ)

(لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ)

وهذه المناسبات الرياضيه احداث عالميه قد يسلم البعض ان استغلينا هذا الحدث العالمي بدخل كثير من الناس يالاسلام

َ(ومَنْ أَحْسَنُ قَوْلًا مِّمَّن دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ )

لا ياخوي .. ليش عيب انا ما نستظيف .. لا شرف لنا ..


تذكر انا نستظيف اكثر من مليونين حاج سنويا ..

وبعدين يكون في علمك يالغالي .. ان كاس اسيا يكون فيه منكرات .. اختلاط و و و الخ ..

انا اقولك نقدر نستضيف مو اتضفنا كاس العالم للشباب يا عمي احنى شعب مو فاضييين وافهما

استضافة كأس آسيا لا تدل على حريم عرات او سكر و و و .. ممكن انتو تضنون اشياء أخرى بعقلكم مو موجوده ..!

بمآ ان الحين الحريم بالسعودية سواء أجانب او سعوديين يمشون من غير عبايه ولا عشان في كوره وترفيه عن النفس

نسيتو الباقي وقمتو تتكلمون عن الحريم وغيره من الأشياء لكن ما أقول الا الحمد لله علة كل حاآل .. والله يهدي كل باآل

>>>>لك أحتراآمي وودي ..