ابن مساعد وعلي يزيد - صفحة رقم 6 - نادي الهلال السعودي - شبكة الزعيم

مرزوق الهلالي · #76 06/01/2011, 10:24 PM

الله ييسر امورة وامور كل مسلم

الله يجزاك خير .. ودي لك

هــلالــي مــوت · #77 06/01/2011, 10:32 PM

حبيبي لما تشوف مكتوب على مدخل الهلال جمعية خيرية ذاك الوقت قول ذا الكلام

مع احترامي لموضوعك بس ماله خانه ولا قبول لدى الجمهور الهلالي من جميع النواحي

لو ترجع لارشيف لاعبي الهلال القدامى ممكن تحصل من هم اخس من وضع على يزيد من جميع النواحي وهم الأولى بالمساعدة ووقفتنا كجمهور وكإدارة واعضاء شرف

علي يزيد له حق عند النصراويين يروح يطالبهم عن طريق لجنة الاحتراف قبل فترات التسجيل عشان يطلعو له فلوسه مثل ماطلعوها لـ إبراهيم ماطر وغيرة

وطبعاً هذا الكلام في حال اذا كان عنده مايثبت حقة بالورق وليس بالووعوود والكلام وفلان حي وهو شاهد فقط

كل التوفيق للجميع والله يعين الجميع على بلاويهم

Blue.Heart · #78 06/01/2011, 11:01 PM

القضية انسانية تخصنا كـ مسلمين ,, ياليت الواحد يفكر لو في مره في حياته ان قدوته في هذي الدنيا هو الرسول علية الصلاة والسلام

وكان جاره يهودي واحسن له كل الاحسان ,, فمـا بالك بمسلم يعاني من ضعف مادي وضعف عن نصرت نفسه امام من ظلمه

انصر اخاك مظلوماً ,, يا اخوان اتركوا التعصب عنكم احنى مانتكلم عن علي يزيد النصراوي نتكلم عنه كـ انسان وعن اوضاعه واوضاع اسرته واطفاله ,, فـ ياليت الامير عبدالرحمن بن مساعد يتبنى انشاء مباريات خيريه بين الهلال و الشباب وغيره من الانديه.. ويكون مردودها المادي لـ من خدموا في الرياضة وبذلوا جهدهم ووقتهم في سبيل الجماهير التي تجحد مع اداراتها السابقه.

برنس العـــرب · #79 06/01/2011, 11:17 PM

اذا بنساعد علي يزيد فمن باب اولى ان نساعد عبدالله السليمان لاعب الهلال السابق
و القائمة تطول بأسماء الاعبين السابقين المحتاجين للدعم سوى من لاعبين الهلال او غيرهم

هلاليـ 9 انتراوي · #80 07/01/2011, 01:34 AM

والله رحمت هاللاعب حسيته مضلوم لكن اذا كان عنده اوراق تثبت ان له مليوونين ونص يراجع الحكوومه..

fahooody1989 · #81 07/01/2011, 02:36 AM

اللهــ يعطيكــ الفــ عــافيهــ

ذيب الزعامة 711 · #82 07/01/2011, 02:54 AM

جزاكم الله الف خير يا اخوان

دايما عودتونا على فعل الخير

بالنسبه للاعب الله يفتح عليه ويعينه على الفقراويين اللي خذوا حقة وهو كان لاعب مخلص لناديه مثله مثل من سبقه الهريفي المطرود والحارثي وشراحيلي الخوجلي واخيرا وليس اخرا ماجد هزازي كلهم باعوهم وباعوا اخلاصهم بتنسيقه وجالمينهم مصالحهم وحقوقهم

يستاهل البرد من ضيع دفاه - والله ماني شامت على احد

يحيى صالحي · #83 07/01/2011, 03:25 AM

الْشَّخْص يُضِيْع حَيَاتَه وَفَاء لنَادِيْه
وَبِالاخَيّر يَتَبَرِئُون مِنْه
الَى مَتَى هَذَا الْظُّلْم ؟
سُؤَال يَحْتَاج الَى اجَابَه

الدخان الازرق · #84 07/01/2011, 03:54 AM

الله يجزاك خير ياخوي

والله انه ضيق صدري ،،، اللــــــــه لا يحدنا لأحد ولا يحوجنا لاهل البشوت!!!
اقسم بالله العظيم لو اني اقدر اساعده بشي إني أكون أول واحد معك ...
لكن الله يفك ضيقته ويفرج عنه ....
الكلام المفروض ينقال ،،، وين هالرئاسة؟؟؟؟
ياخي أبي أفهم شي واحد فقط لا غير ... الخطط المدروسة هذي تخص إيش بالضبط؟؟
لا كورة فالحين فيها ولا ألعاب اخرى ولا استضافات ألعاب ،،، صرف فلوس على الفاضي اقسم بالله العظيم!!
طيب العنصر البشري هذا مو من ضمن الخطط العلمية المدروسة؟؟؟؟
ليه ما يسوون لهم تأمين ،، صندوق ،، مساعدات ،،، نهاية خدمة ،، أي شي من هالقبيل!!
علي يزيد ليس أفضل من صالح النعيمة إطلاقاً ،،، شوف وضع صالح النعيمة وتنسى وضع علي يزيد تماماً!!
الله يجزاك خير مرة ثانية ،،، والله يفك ضيقة كل مسلم.

سلطان العودة · #85 07/01/2011, 04:20 AM

لاحول ولاقوة إلا بالله من النصر حتى الحقوق مضيعينها

حصان ابيض · #86 07/01/2011, 04:33 AM

مو غريبه على الفقراويه التنكر للاعبينهم السابقين وعدم اعطائهم مستحقاتهم الماديه والله هالنادي عار على الكره السعوديه بصرااحه ناادي الفقر يفشل
الحمدالله والشكر اني هلالي

bluefire5 · #87 07/01/2011, 11:18 AM

المسلم للمسلم كلبنيان يشد بعضه بعضا
حق وواجب علينا نساعد علي يزيد ولو بكلمة جزاك الله خير
والدال على الخير كفاعله