بسم الله الرحمن الرحيم

دايم نشوف مواضيع تخص النادي , الادارة , المباريات , التحكيم , اللاعبين والانتقالات .
بس المواضيع اللي تعنى ( بضم التاء) بالجمهور ما نشوفها كثير , اليوم حبيت اتكلم عن الجمهور والجمهور فقط.



الجمهور الهلالي اثبت انه الرقم الصعب وجن الملاعب من خلال الارقام القياسيه في حضور المباريات,
واثبت انه اكثر جمهور يحب , يدعم ويقف خلف النادي , وهو ايضا اكثر جمهور متفاعل وفاعل مع الاداره ,
جمهور يستحق الوقوف احتراما له.



خلونا نرجع حق بعض مواقف الجماهير الهلاليه :








بعض اللاعبين يمر ويروح ولا احد درى عنه , بس اللي يلعب للهلال يبقى في قلوب الجماهير وخير دليل الوقفه الاخيره مع اللاعب [خالد الرشيد] في محنته على الصعيدين المادي والمعنوي
وشفنا حمله كبيرة ان دلت
دلت على الوفاء.


المفارقه




احد اللاعبين يطلع يطالب بمستحقاته وتجحده الاداره ويتركه الجمهور ولا كنه فرحهم في يوم من الايام !!
(وين الوفا...قلبك نسى)





ميريل رادوي يشارك في استفتاء يسويه احد المواقع الرومانيه , والبلوه ان الجمهور الهلالي سوى اكتساح بل اجتياح كامل للموقع اللي تحول من اللغه الرومانية الى اللغه العربية!!.
حتى الرومان انفسهم ما دعموا لعيبتهم زي مادعم الهلال رادوي !!
شي عجيب وجمهور خيالي




نجي حق الرئيس عبدالرحمن بس مساعد بعد خروج الفريق من الآسيويه طلع شبيه الريح واعلن استقالته وما وعينا والا الجمهور مسوي حمله غير طبيعيه يطالب الرجل بالبقاء رغم الاحزان
و كانت كلمة ( شبيه الريح انت البطوله الأغلى) دلت على تقدير الجمهور للادارة.

(وفعلا شبيه الريح اثبت انه اكبر بطوله)




يوم ان (صاحب صاحبه) طلع في خط الفتنه وهو فاك قميصه على طريقة (العرابجه) واتهم لاعبين من لعيبه الهلال شفنا الجمهور يرد وبشكل غير الطبيعي ويسوي شغل في كشف الحقايق
واحضار الوثايق ما يقدر عليه حتى الادارات المحترفه وخلو (صديق الصداقه) ما يسوى بيزه قدام الناس.
الله اكبر على هيك زعماء



عاد في الدعم الجمهور يتفرد بها بكل جداره , كل هلالي تلقاه يدور مصلحة ناديه , واكبر دليل يوم يصرح الاستاذ حمود الغبيني عن عدد مستبدلي النقاط في باقه الموج الازرق
وعدد المشتركين اللي اصلا هم انفسهم ما توقعوه.



(لدرجه ان طيران الامارات الراعي الرسمي للميلان والارسنال واكبر الفرق حب يستثمر في الهلال والفضل بعد فضل الله يرجع للجماهير)



ملعب طيران الامارات - لندن (نادي آرسنال)





نقول حق العذال
موتوا قهررررررر

هذي نقطه في بحر من حسنات الموج الازرق
واللي عنده مواقف يذكرنا بها لايبخل علينا
مثل ما غيرنا يصادق نفسه
خلونا نفرح بأنفسنا



كلمة اخيرة
أرفع راسك انت هلالي

اخوكم/ السبشل ون