|
||:: كشفت اللعبة >> الحقيقة كاملة قبل محكمة التحكيم الدولية وقبل تحقيق لجنة المنشطات + فيصل بن تركي موقفك محرج ::|| http://upload.alhilal.com/img/019/b3asmla-a2.png :smilie47::ba1: :ba: أسعد الله جميع أوقاتكم بكل خير :ba: :smilie47::ba1: للأهمية ندخل في الموضوع على طول ومن غير مقدمات ,,, الجميع قد علم أو سمع بما صرح به الأمير فيصل بن تركي (رئيس نادي النصر ) الذي خرج علينا عبر البرنامج المطرود ( خط الفتنة ) بالأمس وقام بتوزيع الاتهامات في كل الاتجاهات مره على اللجنة السعودية للكشف عن المنشطات و مره على الاتحاد السعودي لكرة القدم و اتهامه الصريح لهما بأنهم قاموا بالتستر على أحد لاعبي نادي الهلال السعودي بعد ظهور أجابية نتائج عينة المنشطات له فيما تم أظهار نتائج لاعب النصر سابقا حسام غالي التي أتت عينته أيضا ايجابية مما يؤكد أن اللجنة تعامل لاعبي نادي الهلال معامله خاصة و أنه يوجد لديه الإثباتات والمستندات التي تدعم صحة أقواله كما يزعم , وبكل صراحة أنا لم أشاهد البرنامج مباشرة ولكن بعد ما سمعت بالخبر أحببت الإطلاع على هذه الحلقة من البرنامج لخطورة الأمر و لكي أتابع جميع ما ورد فيها من تفاصيل ولكي أشاهد هذه المستندات التي تحدث عنها وبالفعل دخلت على منتدى مشاركة الفيديو العالمي الـ ( Youtube ) ووجدت الحلقة كاملة وبعد مشاهدتي للحلقة ( صراحة قعدت أضحك :laugh: ) لأني لم أكن أتوقع أن أجد الموضوع سخيف جدا ولا يعدوا كونه مسلسل آخر من مسلسلات الاستخفاف بعقول المشاهدين ومحاولة فاشلة لتمرير أكاذيب المقصود منها الإساءه للهلال , وجدت أن الموضوع انتهى بانتهاء الحلقة ولا يحتاج لا لتدخل محكمة التحكيم الدولية ولا لتحقيق من الاتحاد السعودي فالموضوع بسيط جدا وابسط مما تتصورون وبقليل من التفكير والربط بين ملابسات القضية تنكشف اللعبة الدنيئة للتشويه بسمعة الكيان الهلالي. ============================================================= ولكي أفند اتهامات المدعو فيصل بن تركي أو عفوا (محاولته للبحث عن الحقيقة ) كما يزعم وليست اتهامات (ههه :ap: ,,, شر البلية ما يضحك ) لاحظوا معي ودققوا جيدا لما سأذكره : أولا : ( للتوضيح ) كلنا يعلم بما حصل للاعب حسام غالي وقضيته الشائكة مع المنشطات والتي انتهت بإغلاق مختبر ماليزيا وبراءة اللاعب من تهمة تعاطي المنشطات وتم رفع الإيقاف عنه وكل هذا تم على يد وكيل أعماله السيد نادر شوقي. ثانيا : (للتوضيح ) اللاعبين الأربعة الذي تم أخذ منهم عينات اختبار المنشطات في مباراة الهلال مع النصر في كأس الملك ( و اللاعبين الأربعة هم ياسر القحطاني ونواف العابد من الهلال -- وحسام غالي وأحمد عباس من النصر ) ثالثا : في بداية كلام فيصل بن تركي أخرج لنا أوراق تحاليل اللاعب حسام غالي (الورقة الخضراء ) http://store2.up-00.com/Dec10/gpG30943.jpg التي تمت في ماليزيا وهي صحيحة 100% وتحمل رقم عينة اللاعب الي هو 982747 http://store2.up-00.com/Dec10/oAT30943.jpg وكذلك الورقة الخضراء للاعب أحمد عباس وتحمل رقم الكود 2439421 http://store2.up-00.com/Dec10/90Y31290.jpg (طبعا نستبعد أحمد عباس من القضية لان عينته سلبية (سليمة ) ألان المتبقي ثلاثة لاعبين حسام وياسر ونواف , و بعدها أخرج لنا ورقة أخرى بيضاء http://store2.up-00.com/Dec10/RPC30943.jpg حيث ذكر بأن هذه الورقة تحمل أرقام (أكواد) عينات لاعبين أثنين إيجابيه من اللاعبين الأربعة ( واللاعبين الاثنين هما حسام غالي (مؤكد) من النصر و (أما) ياسر القحطاني (أو) نواف العابد من الهلال ) و أستشهد فيصل بن تركي بتاريخ الورقة الخضراء لحسام غالي وتطابقها مع تواريخ تلك الأرقام التي في الورقة البيضاء مع تطابق رقم عينة حسام غالي مع أحد هذه الأرقام , أذا يبقى لاعب هلالي هو صاحب الرقم الأخر. ============================================================= الورقة البيضاء http://store2.up-00.com/Dec10/LTJ31290.jpg (وهي التي حولها الجدل وسبب القضية لكن بقدرة قادر سبحانه وتعالى تحولت إلى سبب في كشف القضية واللبس إلي حاصل ) ركزوا معي الورقة فيها أرقام (أكواد) عينات المختبر الماليزي الرقمين الي عيناتهم أجابية هي 982747 (عينة حسام) و 2366250 ( عينة مجهوله يظن أنها للاعب هلالي أما ياسر أو نواف ) http://store2.up-00.com/Dec10/YoC31290.jpg الكود 982747 ما علينا منه هذا لحسام غالي ... أما الكود 2366250 هذا إذا عرفنا صاحبه تنحل القضية وسنعرف من هو الكاذب اللجنة أم فيصل بن تركي ( الى ألان الأمير قاعد يوهم رباعي (خط الفتنة ) الأربعة و الجمهور النصراوي و الجمهور السعودي بشكل عام بأن هذا أما كود ياسر او نواف وقاعد يتفلسف :s5s: بأن المادة المنشطة الي مأخذها اللاعب أسمها (ستانوزولون ) http://store2.up-00.com/Dec10/gsQ30942.jpg وهي غير ذاتية المنشأ >>> هنا يلمح أنه ترى مو مثل حسام ذاتية المنشأ وعشان يشطب اللاعب وتسحب بطولات النادي الموسم الماضي (حركااات والله يا خبيـ.... s121s ) ) >< كشف اللعبة وتوضيح الحقيقة: هنا تأتي الصاعقة والرد الملجم من الدكتور القمباز ولكن ما أحد لاحظها حتى فيصل بن تركي و مقدم البرنامج وضيوفه وهو ما ذكره الدكتور القمباز بأن أرقام العينات التي أخذت من ياسر ونواف والي هي بالورقة الخضراء الي لهم 2439418 و 2439419 و هي كتالي : ياسر القحطاني رقم العينة أما 2439418 أو 2439419 نواف العابد رقم العينة أما 2439418 أو 2439419 ## بالفيديو || هنا || ( من الدقيقة 14:40 الى آخر المقطع 2439418 و 2439419 هي أرقام عينات ياسر و العابد) وهي لا تطابق رقم العينة 2366250 ومما يقطع الشك باليقين هو رقم عينة أحمد عباس وهو 2439421 وهنا قارن التسلسل 2439418 2439419 2439421 وهذي ذكر تحتها بأن الارقام هذه سليمة تماما بالورقة الرسمية لدى لجنة الكشف عن المنشطات . أما حسام رقم عينته مختلف 982747 ( وهنا الاختلاف قد يكون لأنه لاعب أجنبي , لكن على كل حال لا يهم المهم أن العينة 2366250 ليست لياسر أو نواف و الله العالم هي لمن ولكن من كلام الدكتور بأنه تم إيقاف لاعب في العام الماضي من الالعاب المختلفة بنفس المادة - ستانوزولون- ويمكن تكون له ولكن بكل تأكيد هي لا تخص ياسر ولا نواف ولله الحمد ) =========================================================== >< شواهد أخرى على التدليس وعدم المصداقية : - سئل فيصل بن تركي من أين لك بهذه المستندات وقال ( أسئلوا لجان الإتحاد السعودي فـي اتهام واضح لهم بتسريب مثل هذه الأوراق الرسمية المهمة) , لنفاجئ جميعا باتصال نادر شوقي وكيل أعمال حسام غالي وقوله بأنه هو من أعطى الأمير المستندات , ليضحك الأمير ويقول ( الحين عرفتوا الـ ( source ) (المصدر) حقي ) سبحان الله تدليس عيني عينك ولكم الله يا أعضاء اللجان الموقرة ) ## بالفيديو : كلام الأمير || هنا || من الدقيقة 09:00 الى 09:06 و مداخلة نادر شوقي || هنا || من البداية الى 00:40 و رد الأمير من 04:20 الى 04:35 - سئل فيصل بن تركي عن الأوضاع المالية الصعبة لفريق النصر و الشكاوي من مدرب الفريق زينقا و اللاعب محمد السهلاوي و اللاعب عبدالرحمن القحطاني ومطالب اللاعب حسام غالي ,,, ليرد على الأقل لاعبينا ما ينامون في المسرح << يعني أني صديق نفسه والله يا أنه شخص أعجوبة يأخي جاوب على السؤال ومحد سألك عن نادي الهلال اللي الظاهر مسبب لك أزمة نفسية :to: ... -------------------------------------------------------------------------------------------------------- تم بحمدالله ... على المسرات نلتقي :rose::rose: << ديرتي الهلال >> :rose::rose: هذا ونحذر كل من تسؤل له نفسه بالتطاول على الكيان الهلالي الكبير بغير وجه حق بأن مصيره الخذلان وانكشاف زوره وبطلان ما يقول في وجه الحق ... |
أقسم بالله كلمة بزر قليلة بحق هالمعتوه هذا عار على الرياضة السعودية والمفروض يتم شطبه أما إنت يابطل فأهنئك صراحة موضوع جآآآآآآمد يعطيك الف عافية |
الله يعطيك العافيه أخوي على الأيضاح الأكثر من رائع أعتقد مايقوم به المدعو فيصل بن تركي هو كم قلت استخفاف بعقول الجماهير السعوديه يعتقد نفسه هو الوحيد الفاهم بالكوره وقوانينها ويضهر بكل برنامج انه الفاهم وهو حلال المشاكل التي تحدث باللجان وهذا رد الدكتور صالح القمباز رئيس لجنةالمنشطات السعوديه http://www.youtube.com/watch?v=GYytW8-9uYg المدعو فيصل بنت تركي يريد ان يغطي على فعلته الشنيعه بمبارة النصر والتعاون طلعلكم بموضوع يريد ان يلهي الأعلام عنه بمساعده من مذيعين وصحفيين لقنوات معروف منها ابوظبي وروتانا وهوخارج المملكه (زابن) واعتقد مايقوم به سينجح والدليل أكثر المواضيع عن المقابله التي حدثت امس في برنامج خط الفتنه أتمنى الرجوع ألى قضيت ضرب العسكري |
يالبى قلبك بس .. وتكملة لموضوعك انا كتبت موضوع للاسف لم يكتمل بعد وان شاء الله ينشر قريبا .. المهم لا تنسون ان رئيس النصر قال ان هالورقه البيضاء هي لاربعه لاعبين اللي كانوا في مباراة الهلال والنصر اللي هم ( حسام غالي واحمد عباس والعابد وياسر :smilie47: ) اللاعب اللي عينته ايجابيه تلقون مكتوب التعليق اما sample وهو ان اللاعب نتيجته ايجابيه ومتعاطي منشطات مثل اللي عند حسام غالي وواضح رقمه ...!! او انه مكتوب عند التعليق حقه كلمه blank urine وهي بمعنى ان اللاعب سليم ..!! طيب رئيس النصر وش قال قال ان الورقه فيها اربعه اسماء اثنين عيناتهم ايجابيه واثنين سلبيه ..!! طيب حلو كلامك ياريس وعاقل :s2: لكن السؤال ..!! رقم الكود حق احمد عباس اللي نشرته غير موجود بالورقه البيضاء اللي نشرتها ايضا ؟؟؟؟ وين راح ياترى ؟؟؟ :s5s: ياجماعه وين راح رقم الكود حق احمد عباس من الورقه البيضاء وبالتالي فان هذه الورقه البيضاء ليست هي اللي تدعي بانها خاصه باللاعبين الاربعه .. وعلى فكره ترى رقم الكود تلقونه مكتوب قدام الرمز QC على فكره النشره البيضاء اللي طلعها موب للعينات الايجابيه فقط للكل ترى الايجابي والسلبي وهو قال ان اثنتين ايجابيه لحسام واللاعب الهلالي وعينتين سلبيه لاحمد عباس ولاعب هلالي s121s طيب ممكن تورينا رقم عياس يا أخ خبيليكس :s2: عموما هذي حركه من خبيلان عشان يفتك من الجماهير اللي تطالبه لاعبين وكذلك من المسأله عن الموقف اللي سواه مع عسكري ..!! ولازال السؤال الاهم من جدك يا كحيلان مادريت انه عسكري :s2: الحمد لله اني هلالي |
هذه اخر مسرحيات خبيلان صديق نفسـي يريد التهرب من مشاكل نادية بوضع الهلال جمهور الفقر كان يطالب باجانب ولــكــن بعد مصخرة امس نسو كل شي وهذه هو المطلوب من خبيلان وحتى ينسى الشارع العام قضية ضرب العسكري وطلب الأمير سلمان الحمدلله والشكر لك يارب على نعمة العقل مشكوووور’ |
حجز s121s |
أقسم بالله انا ماتعودت اسب احد لكن يستحق بجد ذا امير ذا وصمة عار عليهم ... وليش الحقد ذا على الهلال ؟؟؟؟ حسبي الله عليه حسبي الله عليه ثقتي الكبيرة بياسر ونواف لكن يبدو الاخ واثق !!! ياخوفي يحاول يلبسهم الامر تلبيس .. بصراحه عقب كل اللي قاله ما استبعد شي منه ... الله يورينا فيك يوم .... الله يبارك في امثالك يا اخوي .. |
ديرتي الهلال.. كفوو يـ الذيب كشفتهم على حقيقتهم واهنيك صراحه على موضوعك وان شاء الله الكل بيشاهدهـ وبتثبت الحقيقه مااقول الا حسبي الله ونعم الوكيل كحيلان الهلال مسبب له نفسيه ^_* |
الحمد الله على نعمة العقل |
يعطيك العافيه وبأذن الله تطلع الحقيقه |
انسان غبي اكثر من اي شي ثاني لعبوا عليه واعطوه وريقه وصدق نفسه مسك الورقه وطار لخط الفتنه متوقع ان الامور انتهت الله يخلف اذا كان هذا اسمه رئيس نادي |
الله يعطيك العافية أول أمير سعودي يكون كذاب والغريب ان الحكومة السعودية غاظة النظر عنه ؟؟ رغم تطاولة وتهجمة على رجال الأمن لكن لاحياة لمن تنادي تسلم وماقصرت .. احترامي وتقديري .. |
والله لا أملك إلا أن أقول بيض الله وجهك أما هذا الخبل المعتوه المسمى خبيلان فطاح بشر أعماله والقيادة الرياضية اليوم على المحك فهذا المعتوه لم يترك لهم شيء ليخرجوه من الورطه التي وضع نفسه قبل أن يضعهم فيها اليوم القيادة الرياضية ينتضر منها الشارع الرياضي قرارات صارمه ساحقه ماحقه لهذا المعتوه وأمثاله فلقد بلغ السيل مبلغه فهذا المعتوه ومريدوه تخطوا كل الحدود الحمراء وإن لم يردعوا فأحسب أننا سوف نشاهد إنهيار كااااااااااامل في الوسط الرياضي ومهازل أكبر قادمه في الطريق |
الحمد الله على نعمة العقل |
الله يعطيك العافية يا بطل ,,, ولا عزاء للمدعو ما صديقنا الا انا ,,, |
يعطيك العافيه الامير ذكر اسم الهلال والاتحاد السعودي واتهم لجنه المنشظات ان الاوراق من الاتحاد السعودي وبالاخير طلع شخص ماخذ مسودات من المعمل |
يعطيك العافيه والكل يعرف ان خبيلان نصاب ولا عمره قال شي صح الا انه صديق نفسه هههههههههههههه |
عوافي يابطل .. هالانسان اتعب وانا اقول عنه مرييييض .. الله لايبلانا ومهما قال ومهما فعل مايصدقه الا اللي يشابهه بالعقليه الله يشغلهم بنفسهم ويبتعدون بمشاكلهم عنا |
الحقيقه واضحه ان فيصل بن تركي اساء للكره السعوديه في كل شي تقبلو تحياتي |
الله يعطيك العافية والله اللعبة واضحة ومايحتاج لها اثبات اصلا من شفت وجهه انقلب بعد مكالمة الجمباز وانا عارف انه تورط ودخل في موقف مو قده |
ياناس شفتوه يوم يطالع الساعه ويقول ابي التحقيق بعد خمس د قايق:ap: الكذاب الكبير نقد على سالفته وقعد يصرف بموضوع الحقوق الماليه هههههههه خبيلان تمادى وبيقع بشر اعماله:s5s: يبيلنا بيان شديد اللهجه ضده...عشان يتعلم كيف يدبر مكايد زي الناس طاس لبرشلونه ومصادر سريه وشغل مخابرات :s2:واخرتها انكشف بدقيقه يعطيك العافيه اخوي ع الموضوع الفضيحه عل كونان المتحري الغبي |
هذي عادتهم يحاولون يسقطون الهلال بالتهم والاشاعات والاكاذيب لكن الكبير يبقى كبير . وياهلال مازلت شامخا الى الابد والله يجازي الظالم على فعلته اجلا ام عاجلا |
كفو كفيت ووفيت يالغالي ابدعت بطرح الموضوع بالدلائل والبراهين شكرا لك |
إقتباس:
|
مشكور على التوضيح خبيلان من شفته بهالبدله غسلة يدي قلت خبل ورط نفسه لعب بعقله هالمصري خيرياطيرياخبيلان ننام على الأرض وش حارك حتى الفئات السنيه تراقبها ومسببتلك أزمه |
خبيلان شوه سمعة الكره السعوديه وعلى فكره برنامج خط الفتنه برنامج ساقط الحمدلله انه كشف خبيلان من رئيس المنشطات |
رتي الهلال.. كفوو يـ الذيب كشفتهم على حقيقتهم واهنيك صراحه على موضوعك وان شاء الله الكل بيشاهدهـ وبتثبت الحقيقه مااقول الا حسبي الله ونعم الوكيل كحيلان الهلال مسبب له نفسيه ^_* |
اولا الله يعطيك العافية ع الموضوع وما قصرت ثانيا حيبت ازيد على كلامك ما ذكره الامير فيصل بداية الحلقة ان المادة الظاهرة هي لتقوية العضلات والعظام وهذا ما يحقق مصداقيته كلام رئيس لجنة المنشطات انها هذي العينة للاعب ثاني وبذلك يدين نفسه الامير فيصل تحياتي زيزو؟.؟. |
خلااااااااااااااااااااااااااااااااااااااااااااااااااااااااص يا شبيه الريح |
يقحم الهلال ليبرء نفسه !! عجيب هالادمي مسوي انا المحنك واقدر الف ودور وغير الموضوع من اعتداء على رجل امن الى تهمه ضد الهلال !! |
والله اني عارف انها ضده انا بصراحة شفت اللقاء بس ما كملته بصراحة لانه كان يتوافق مع مبارة تشلسي والارسنال وعندي هذي اهم من كلام جاهل عار على الكرة السعودية بس شفت اغلب الكلام الي دار حول هالجزئية بصراحة لو تلاحظ في اللقاء انه ما يدري وين الله ((حاطه به)) وقاعد يلقن ولو تلاحظ بعد كثرة الفواصل وقبل مداخلة فيصل كان مذيع خط الفتنة يقول نذهب لفاصل قلت للي عندي والله ان هالفاصل ما جاء عبث وفعلا بعد الفاصل لقنوه ايما تلقين ومع ذلك تشوفه يتلاعثم والامر الثاني لما تكلم الطريقي عن التواريخ قام المذيع وخاف انهم ينفضحون وما يعرف يرد فيصل فقام وقال ناخذ فاصل يارجال واضحة اللعبة ... فيه موقف طريف اعجبني في اللقاء يوم قال الطريقي معنى كلامه يقول اذا كانت اللجنة غلطانه فستحاسب ولكن اذا كانت مظلومة ؟؟ يعني اذا كنت كذاب وش نسوي بك هههههههههههههههههههههه لان الطريقي عارف انه نصاب مشكور ياصاحب الموضوع لتبيين الحقيقة بوضوح |
الاتحاد الدولي مخترق و اغلب اعضائه هلاليين وقاعدين يحاربون النصر ههههههههههههههههههههههههههههههههههههههههههههههه:s2: انسان غبي وان شاء الله محامين الدفاع قادرين على اسكات هذا الصغير والالحاق به بأقصى عقوبه لتشويه سمعة الهلال والاتحاد السعودي |
أقسم بالله كلمة بزر قليلة بحق هالمعتوه هذا عار على الرياضة السعودية والمفروض يتم شطبه أما إنت يابطل فأهنئك صراحة موضوع جآآآآآآمد اللهم لك الحمد اني هلالي وزعيم يعطيك الف عافية تحيااااتي |
وربي انك بطل موضوعك وضح كل الامور بالتسلسل كل الي سواه انه عرض علينا مسرحيه فاشله تاليفاً واخراجاً وادائاً ليحاول اشغال الجمهور عن احداث مبارة النصر والتعاون وفشل ايضاً فيها ههههههههههههه الحمد لله والشكر على نعمة العقل شعارنا دائماً :ba::ba1::ba:( يدا بيد من أجل الزعيم ):ba::ba1::ba: :ba::ba1::ba: اللهم وفق الهلال فوق كل ارض وتحت كل سماء :ba::ba1::ba: |
.. الله يعطيكم العافية جميعا على المرور الرائع .. ونادي الهلال سيظل شامخ فوق قمم الجبال ,,, ولا يكدر صفونا كلام الحساد ,,, والله الي سويته شيء بسيط جدا و أصغر مشجع هلالي قادر على أسكات كلابهم (أعزكم الله) و الرد بالحجه والبراهين الدامغه على كل من يتطاول على نادينا ... الحمدلله ثقتنا بإدارتنا كبيره وهم بكل تأكيد فوق الخرابيط هذي كلها ولا نشك فيهم ولو لـ لحظه واحده ... فالله يوفقهم ويسدد خطاهم ... شاكر لكم كلامكم الطيب ... لكم ودي و تقديري ... |
بصراحه الموضوع جميل تصلح محقق كشفت ملهي الرعيان هذا عار على الرياضة السعودية والمفروض يتم شطبه الله يعطيك العافية |
وأسعد الله جميع أوقاتك أخوي ديرتي الهلال ،،، هي محاولة لصنع إنجاز وبطولة بإصدار تصاريح واتهامات جديدة ،،، فكما تعلم بطولاتهم وإنجازاتهم مجرد بيانات وتصاريح واتهامات وضرب ،،، الحمد لله الذي عافانا مما ابتلاهم به وفضلنا على كثير من خلقه ،،، اللهم أدم علينا نعمة الهلال ،،، |
والله لو نلتفت لكل كلام يقال عن الزعيم رح نتعب من كثر الرد وبعدين الشجرة المثمرة ترمى بلحجر والله الكبير دايم محارب |
مشكووور على الموضوع :wub::wub::wub: |
كبير والله كبير لا بد ان هالموضوع ينشر عبر الأعلام المرئي .................. |
حسبي الله ونعم الوكيل علييه . . . وربي قاهرني مسوي انه فاهم كل شيء وانا وانا وش هل اسلوب ومسوي ترا ي انا الي كل اسد يعني ابفضحكم يالهلال وي وي :ranting: اصراحه فكرت بكل وصف عجزت الله يكبره فقعله فديت وربي راسينا وحبيبنا صاحب اسمو الامير عبد الرحمن بن مساعد وربي لي الفخر يكن رئيس فديته وربي سوري يلي كاتب الموضوع:d سامحني نسيت اسمك وربي انك كفو ويغيور لناديك ـ ـ ـ اجل قال منشطات وربي والله العضيم ورب الكعبة وخالق اسماء ان ناادي النصر ماياخذ بطولة دام هذا رئيسهم ـ ـ ـ ومشكورين s13sالحمد الله اني زعيم هلالي والحمد الله اني من يوم والدت واخذ بطولات s13s :ba::ba1: :ap:ههه عايش 17 سنه وكل سنه افرح فبطوله ههه الحمد الله |
الهلال كبير ولاتحط راسك أعلى منه بسم الله الرمن الرحيم وبعد الكل يعرف مايحدث في الشارع الرياضي وبعد الكلام موجه للمرتزقه والجمهوره بعد اتهامكم الهلال في قضية الرشوه واتهامك في اللاعب زعيم يتعاطى المنشطات وتطيحون مره الثانيه في حفره ليمكن فار منه مهم كان يافيصل بن تركي الهلال اعلى منكم بمارحل كبيره لاتقارن الهلال معا فريقك وهروبك من السعوديه والكذبه التي لم يكشفه الكثير إلي هي استدعاءك من قبل الامير سلمان بن عبدالعزيز وقضيه تتحدث هروبك الى امريكا كم قال بن شلهوب والان نكشف انك في برشلونه!!! والحين يقولون الجمهورك أنك رايح تدور على اللاعب أجل ناوين علىميسي :laugh::laugh::laugh: والان الى جمهور الزعيم لاتنظرون الي أصغر منكم المهم لاتحط راسك أعلى من الهلال :ap::ap::ap: |
أقسم بالله كلمة بزر قليلة بحق هالمعتوه هذا عار على الرياضة السعودية والمفروض يتم شطبه أما إنت يابطل فأهنئك صراحة موضوع جآآآآآآمد يعطيك الف عافية |
ياااويطي اقسم بالله انه يفشششل وربي مااشجع فريقه هالخبل رئيسه قسم كأنه بزر يسووولف يكسر الخاطر ع ــوآفي |
خبيلكس ههههههههههههههههههههه موضوع رائع تشكر عليه اخوي ليس كل امير مثل شبيه الريح ولاكل روماني مثل رادوي ولاكل شمشوني مثل ليو :naughty: لاكن صدق الي قال ان ناس تنحط فوق الراس وناس تحت __________. |
الحمد الله على نعمة العقل خبيلاان ناااقص عقل ومريض نفسيا ماينشره عليه العقل السليم في تشجيع الزعيم |
_ لِيشْ نسْتغْربْ !! كِلْ هآلليْ يصيِرْ عَشَآنْ يصْرفْ آلآنْظَآرْ عَنْ سَآلفْتهْ آلسَآبِقهْ , فِعْلآ شَرْ آلبليّهْ مآيُضْحِكْ , آلله لآيبْلآنآ , :d آوْل مَرهْ آشٌوفْ نآسْ تدُورْ علىْ نفْسهَآ آلفَضآيِحْ , < بَسْ دَآمْهآْ معْ صدِيقْ نفْسهْ يجُوزْ , :d موضوُعْ بطَلْ , وإسْتمرْ بفضْحُهمْ وكْشفْهُمْ , آلله يقوِيكّ , جُمْ تقْديريْ , |
الله يعطيك العاافيه والله ماااااااا قصرت اخووووي ....... والله هذاا ارئيس عاار على الكره السعووديه ......... تحياتي لك ,,, |
الحمد الله على نعمة العقل الحمد الله على نعمة العقل الحمد الله على نعمة العقل الحمد الله على نعمة العقل الحمد الله على نعمة العقل الحمد الله على نعمة العقل الحمد الله على نعمة العقل الحمد الله على نعمة العقل الحمد الله على نعمة العقل |
امر محزن ان يبحث امير عن فضائح تسيء لسمعه الدوله التي تنتمي لاسم عائلته ال سعود ..والمخجل ان تكون في وقت يستعد فيه المنتخب لبطوله اسيا ..ويتضح انها غير صحيحه يبدوا ان الامير فيصل بن تركي حفر لغيره ووقع بحفرته الف شكر |
الله يعطيكم العافيه على النقل بس الغريب أن اخبيلان مالقى شي يقوله وطلع بهذا الموضوع السخيف خسارة انه أمير هذا خسارة يمثل الكورة السعودية |
الله يعطيك العافية يا بطل ,,, ولا عزاء للمدعو ما صديقنا الا انا ,,, |
والله شـر البـليـة مايضحكـ هـذا كلام رجـل بالغ ودارس في أمريكـا ! أكيد دراستـه في أمريكـا كانت في البـارات وملحقاتهـا!! حسبنـا الله ونعـم الوكيـل مـوضوع رائـع تشكـر عليـه |
الله يسلمك اخوي موضوع خطير اواضح ان الهلال مسبب له زمه نفسيه واضحه بس مانقول الا الله ياخذ حقنا منه |
لا يستحق كلمة أمير !! مشكور |
ياخوي والله مايبي الايغطي على اللي سواه حسبي الله ونعم الوكيل الله فوووووووووووووق ماتخاف من الله يوم تتهم اللي تبي ياادمي اتق ربك في اللي قاعد تسويه مااقول الا الله ينصرنا علييييييييييييك الله يعطيك العافيه ياخوي عارفين انه طالع بس يبي يغطي على اللي سواه |
الحمدلله على العااافيه العقل نعمه |
انا منكد ان هذا المعتوة الخبل عنده مرض اسمه الهلال بعدين الموجوين في خط السته ساكتين ولم يتكلموا عن العسكري لعبه مكشوفه والدليل ان الطريقي وضح ان التاريخ مختلف وكلام متناقض جداً الحمدلله اني هلالي |
الله يشفي خبيلان من الامراض والاضطرابات النفسية الي يعاني منها ... |
لص اليمامة يفتكر ان كل شيء يمكن يصير بالسرقة والتزييف والكذب حسبنا الله ونعم الوكيل ! |
| الوقت المعتمد في المنتدى بتوقيت جرينتش +3.
الوقت الان » 03:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd