إلى كل من " يتذمر " بسبب حركة كالديرون .. ( ادخل واعرف الحقيقه ) - نادي الهلال السعودي - شبكة الزعيم

هلالي غير..! · #1 20/12/2010, 09:11 AM

صباحكم عسل جميعاً

صراحه مافيني اي حيل للمقدمات بسبب اللي اشوفه في المنتدى

تذمر , تحطيم , تكسير مجاديف الأمل !

قرأت احد المواضيع يقول ..
كالديرون حركته غبيه يوم شال سلمان الفرج ورجع الشلهوب ظهير !

ومن قال لك ان كالديرون سوا كذا !؟

اتمنى محد ينتقد إلى ان يعرف الحقائق !

كالديرون سحب سلمان الفرج ونزل عزوز ولعب بدون ظهير يسار !
بعد مشاركة عزوز والشلهوب زاد الضغط على فريق الفتح ويوم جا الهدف
اكيد فريق الفتح بيهجم
لذلك رجع الشلهوب ظهير ..

صحيح كانت مخاطره
لكن كان دليل قوي ان كالديرون يبغا نقاط المباراه بأي وسيله
لدرجة انه لعب بـ 3 مدافعين !

يامن تنتقد كالديرون ..
كنتم جميعا تصرخون بصوت واحد [ نبغا ياسر كابتن ]
كالديرون اعاد لنا ياسر 2007 واعطاه الثقه كامله !

يامن تنتقد كالديرون ..
لاتنسا انه مدرب اتى من نصف الموسم !
ولم يهز الفريق !

يامن تنتقد كالديرون ..
لاتنسا انه لم يلعب سوا 3 مباريات !

يامن تنتقد كالديرون ..
لاتنسا انك متصدر الدوري ولك مباريات مؤجله ...

يامن تنتقد كالديرون ...
كنت جميعاً تصرخون بصوت واحد [ نبغا مهاجم اجنبي ]
وهذا هو طالب مهاجم اجنبي !

وش تبون الرجال يسوي اكثر من كذا !!

والله ثم والله اني من الناس اللي ماكنت مقتنع فيه
لكن بعد مادققت في حركاته ..
ايقنت انه مدرب من طراز نادر ..

اتمنى نوقف انتقادات ونلتفت لما هو يصب في مصلحة هلالنا ..

اخوكم / هلآلي غير ..

كــثر الجفى ما يفيد · #2 20/12/2010, 09:40 AM

عزيزي كالديرون لايختلف عليه عاقل
لكن يا عزيزي مباريات الفتح الموسم الي طافت اقل شي
نعطيهم 5 واحيانا 4
السبب اللعب من لمسه وحده
وهذي الطريقه الي تضبط للهلال
لان الهلال ماعنده راس حربه ممتاز بالكرات الراسيه وكذالك الاضهره لك عليهـــــــــم
اتمنى تتقبل وجهة نضري

Qadi · #3 20/12/2010, 09:48 AM

اخوي كالديرون حتى الآن يفرحنا بالنتائج فقط

اما مستوى ليس بالمستوى المميز والعالي

ايام جيريتس هذه الفرق الضعيفة نفوز عليه 5 4 3

ما نفكر في الخصم القادم

انا افداك ياهلال · #4 20/12/2010, 09:50 AM

اختبار كالديرون يا عزيزي مو قدام الفرق الضعيفه ..
ولا تنسى اننا كنا نفرح بالاهداف من بدايه الشوط الموسم الاول ..
عكس هالموسم من جيه كالدي وحنا على اعصابنا الى نهايه المباراه ..

انا مو ضد كالدي بس اللخبطه اللي سواها بالتشكيله اوكي فادته لكن قدام مين !!
قدام الحزم وقدام الفتح ..
لكن وش بيسوي قدام الفرق القويه !
هنا السؤال وهنا الاختبار الحقيقي ..
وحقيقه قناعته بالفرج ظهير ايسر قاهرتني ..
صار نقطه ضعف الهلال هذي المنطقه ..

على العموم المدرب توه جاي ما بنحكم عليه الا في المباريات القويه ..
وفرق كبير بين هلال جيرتس اللي كان ما يرحم الفرق سواء كانت كبيره او صغيره كان يضربهم بالنتائج والمستوى ..
وهلال كالدي اللي يحرق اعصابنا الى اخر المباراه ..

تحياتي لك ,,

هلالي غير..! · #5 20/12/2010, 09:55 AM

اللي يتكلم عن سالفة اللمسه ..
انا قلت لك يالغالي
ان المدرب جديد
والله جديد ع الفريق !!
غير كذا كل شوي فيه توقف ..
مره كأس الخليج ومره كأس آسيا

اما اللي يعيد ماضي قيرتس
لو بنتكلم عن الماضي
ليه نسينا باكيتا وكوزمين ..
كنا نقول انهم احسن ناس !

انا اتقبل وجهة نظر اي شخص
ولكن من حقي كجمهور اغار على فريقي اني لا ارضا ان " تغبش " الحقائق عن الواقع !

عاشـ يـ 20ــاسرــــق · #6 20/12/2010, 09:57 AM

مع الفرق القويه راح يتضح كل شي بشأن المدرب فهذه ليست مقياس .

لكن لاحظت عليه الجراءه التي قد تصيب وقد تخيب .

شكرا على موضوعك .

غير الزعيم ماعشقت · #7 20/12/2010, 10:11 AM

إقتباس


	والله ثم والله اني من الناس اللي ماكنت مقتنع فيه لكن بعد مادققت في حركاته .. ايقنت انه مدرب من طراز نادر ..

حتى انا والله ,.
كنت مو مقتنعه فيه ابدا ,.

بس الحمدلله بدا يثبت وجودة ,.
وان شاء الله من المستوى هذا وارقى يارب ,.

ان شاء الله اذا تعاقدنا مع مهاجم اجنبي تتحسن احوالنا شووي,.
ويصير هجومنا ناار ,.

بإذن الله

ملكي هلالي سعودي · #8 20/12/2010, 10:25 AM

الاتحاد لم انهزم بالـ 5 من الهلال
كان مدربه كالديرون؟
مجرد سؤؤؤؤؤؤؤؤؤل

ذيب الزعامة 711 · #9 20/12/2010, 10:36 AM

احسنت وكلامك منطقي وعقلاني

الرجال يبي له صبر واحساسنا بانه ناجح موجود

وحنا الان نقابل جميع الفرق تلعب بطريقة ذوب اهن تقفيل ودفاع بدون مستوى

فلذلك لا بد نتأثر ونتعب

بالتوفيق للزعيم

شــمــوخ رجـــل · #10 20/12/2010, 10:36 AM

مـــقــــدر اقــــــول الا الـــلـــه يـــــســـــتر في المباريات

الــقــويه ....يكالديرون يعزيزي الحين مـــو وقــــت تــجارب

تــجـرب فيه سلمان الفرج ظهير ايسر...والله يوفق الزعـــيــــم

سيؤني هلالي · #11 20/12/2010, 10:40 AM

مشكووووور على الموضوع

وبالتوفيق للهلال وكالديرون
في باقي المباريات

محور ارتكاز · #12 20/12/2010, 10:40 AM

ماراح نحكم على كالديرون الا بعد عشر مباريات

والا اذا شفنا تخبط واضح راح ننتقده

اما الان ماينلام الرجل توه مستلم الفريق

والدعوه ترى مو بلايستيشن .. الدعوه يبيلها قرايه ودرايه بالفريق كامل..

alkmondez20 · #13 20/12/2010, 10:42 AM

يعطيك العافية على الموضوع

ولكن إلا الأن لم نشاهد الهلال الحقيقي

الذي عرفنا في الموسم الماضي الذي يلعب بلمسة واحدة

بالتوفيق

nassoo · #14 20/12/2010, 10:45 AM

سيعود الهلال الى ابداعاته بأذن الله تعالى واتمنى تخفون على المدرب قليلا

الرتاج · #15 20/12/2010, 10:45 AM

أهم شي النقاط معاد فيه وقت للتفريط في النقاط