اختراعات كالديرون واولمبي الهلال ولاتفوتك الشطحه - نادي الهلال السعودي - شبكة الزعيم

معشوق الهلال خالد · #1 20/12/2010, 12:53 AM

بسم الله الرحمن الرحيم
السلام عليكم
كيف الحال يازعماء القاره الاسيويه
مبروك الفوز الغير مقنع ع الفتح
وان شاء الله يتحسن مستوي الزعيم
في الجولات القادمه
كالديرون والاختراعات في المراكز!!!!!!!
انا مدري الى متي مستر جابريل كالديرون
يلعب الاعيبه في غير مراكزهم
من يوم كان في الاتحاد
وهو يخترع في المراكز
والان يخترع في الهلال
يعني اسامه وخيرات جاهزين وموجدين في الاحتياط
ليش تحط الغنام اجل قلب دفاع!!!!!!!
يعني لاعب مثل ماهو معروف الغنام يبدع في مركز المحور يعني بلاش اختراعات ترجعه دفاع!!!!!!!!
سلمان الفرج لاعب مدري ايش موقعه من الاعراب
مره مهاجم ومره صانع لعب ومره محور ومره ظهير ايسر مابقي غير حارس
مع انه مميز كلاعب وسط !!!!!
يعني ابي اعرف ايش فائدة الكعبي
صفقه سيم سيم صفقة بندر العنزي
!!!!!!!!!!!!!!!!!!!!!!!!!!!!!!!!
الكعبي لاعب مميز وصغير في السن وسريع مميز هجوميا جيد دفاعيا
وفوق هذا كله يمتلك قدم قويه وسبق يوم كان الوطني في الدوري للممتاز
سجل اهداف في فرق كبيره
سجل في الهلال
وسجل في الاتحاد
وسجل في الشباب
وكان كالديرون يوم كان في الاتحاد يطالب فيه
الكعبي اذا مالعب والزوري مصاب متي بيلعب اجل!!!!!!!
يعني اتوقع ماله امل الكعبي يلعب مع الهلال
لان في حالة اصابة الفرج لاقدر الله
راح يتحول لي يونج ظهير ايسر
ونامي ظهير ايمن !!!!!!!!!!!!!!!!!!!!!!
نرجع لمحور حديثنا
هو اختراعات كالديرون
في المراكز
كالديرون يوم كان في الاتحاد
كان يحط الصقري صانع لعب في كثير من المباريات !!!!!!!!
وسعود كريري ظهير ايمن!!!!!!!!!!
ومحمد نور محور متقدم
!!!!!!!!!!!!!!!!!!!!!!
في الاتحاد يمكن نعذره لان الاتحاد لايمتلك البديل الجاهز
وعناصره كبيره في السن
اما في الهلال فحال غياب اسامه خيرات موجود وفي حال غياب رادوي الغنام موجود وفي حال غياب الفريدي الدوسري موجود وفي حال غياب الدوسري العابد موجود
يعني العناصر موجوده
ماله داعي تقوم تخترع مراكز من راسك
اتمني ان يبتعد كالديرون عن الاختراعات في المراكز
لان الهلال تعاقد مع هذا المدرب لانه خبير بالكره السعوديه
وهو جالس يخترع كانه جديد ع الكره السعوديه

اولمبي الهلال !!!!!!!!!!!!!!!!!!!!
الجميع تحدث عن مستوي اولمبي الهلال
في بطولة الامير فيصل بن فهد يرحمه الله
الكل شاهد المستويات السيئه للاولمبي الهلال
يعني صراحه النتائج كانت متوقعه
يعني الى الان ماندري من هو مدرب اولمبي الهلال!!!!!!!!!!!!
مباراة ستامب الالماني ومباراة عبدالطيف الحسيني!!!!!!!!
كل مباراه تشكيله!!!!!!!!!!!!!!!!!!!!!!!!!!!!!!!!
اختراعات في المراكز!!!!!!!!!
لاعيبه تجلب من حواري الرياض
والمباراه الجايه تلعب اساسيه في الهلال!!!!!!!!!!!!!!!!!!!!!
زايد ضعف واضح في قاعدة الهلال خصوصا في المراكز التاليه
الظهير الايمن وقلوب الدفاع
اتمني من اداراة الهلال التعاقد
مع ياسر الشهراني لاعب القادسيه لاعب صغير ومبدع والكل شافه مع منتخب الشباب ومع القادسيه
ولاعب الحزم ونجم منتخبنا الاولمبي وليد الطايع
لاعب صغير في السن ويلعب في المنتخب الاولمبي
وصغير في السن وشارك في مباراة الهلال والحزم في كاس فيصل وكان هو قائد الحزم
لان لي يونج ماراح يستمر مع الهلال طويلا
وعبدالله شهيل صعب يجي للهلال
واللي سمعته انه جدد مع الشباب
يعني افضل جلب ياسر الشهراني وليد الطايع
لاعيبه صغار واسعارهم معقوله
ولاعيبة منتخبات
واحد في شباب السعوديه
والثاني في الاولمبي السعودي

شطحه اخر سطر

قمة الابداع
حين تتصدر الدوري
ولديك ثلاث مباريات موجله

وقمة الاحباط
حين تفقد الصداره
خلال اسبوع
وانت مخطط لها من ثلاث سنوات

وبالتوفيق للزعيم