13/12/2010, 11:57 PM
|
| زعيــم جديــد | | تاريخ التسجيل: 06/12/2010
مشاركات: 3
| |
|
وبعد ان هدأت النفوس لنا حق نعتب على اخوانا بالمنتدى...ممكن تتفضل
السلام عليكم ورحمة الله وبركاته
انا سعيد جدا بان تكون هذه اول
مشاركة لي بالمنتدي الازرق الهلالي
انا كان ودي اشترك من زمان بالمنتدى
ولكن شائت الصدف ان اشارك بسب اراء
بعض الاخوان بالمنتدى بسبب فوز منتخبنا
الكويتي ببطولة كاس الخليج .... من هذه الاراء
1- خلوهم يفرحون حدهم كاس الخليج
2- بنشوفهم شيسوون بقطر هذا مستواهم
3- يفرحون ببطولة مومعترف فيها بالفيفا
4- فايزين على الفريق الثاني للسعودية اجل لويقابلون الاول شبيسون!!
هذى بعض اراء اخواني بالمنتدي ولاننسى اراء
الاخوة الذين باركوا للمنتخب وامتدحوا الازرق
بصورة راقية ومن غير تجريح ......نحن نعلم
الكل حر بالتعبير عن رايه لكن لاتصل الي درجة
التهكم والاستهزاء ترى بالاخير كرة قدم وكل
شي بيصير ذكريات وبتدخل بطولات مستقبلا
وتصير سوالف..... والحين تسمحولي ارد على النقاط اللي ذكرتها:
1- نعم حدنا كاس الخليج لانه البطولة الوحيدة
اللي تربطنا بها ذكريات حلوة والشي الثاني لكل
مجتهد نصيب ودنا بكاس اسيا وحتي نتاهل لكاس
العالم والتوفيق عند رب العالمين. وكل منخبات الخليج
اصبح هذا الكاس حلم يراودهم لانه السهل الممتنع
2- راح نلعب بقطر والتوفيق عند رب العالمين
وبنشوف الاخضر شبيسوي لانه راح يلعب تحت ضغط
جبار لانه من زمان مااخذ البطولة
3- البطولة مايبون المعازيب الاعتراف فيها
لان اذا اعترف الفيفا راح تدخل ايران وهالشي مايبونه
الشيوخ والامراء ولايبون الفيفا يتدخل بكل شي
بالعربي يسمون البطولة بطولة الشيوخ والامراء.
4- بنفوز علي الاول والثاني والثالث مبارايات
الكويت والسعودية ديربي من نوع خاص يلعب
فيه الحظ دور والمستوى ايضا يلعب دور فيها
لاتقللون من فوز الازرق على الاخضر انه لعب
مع الفريق الثاني يكون بعلمكم اكبر لاعب بالمنتخب
الازرق عمره 29 سنه وهو نواف الخالدي يعني
اغلب اللاعبين صغار سن حالنا حالكم.....
بالختام كلنا اهل واخوان ولاتنسون قبل كم شهر
وصل عندكم وفد من جمهور القادسية الكويتي
يساند الهلال بدوري ابطال اسيا وهالشي فرحنا
لان هذا هو اساس الرياضة التقريب وليس التفريق
نصيحة خفوا شوي على منتخبكم وعلى لاعبينكم
تراهم عيالكم وعندهم الشي الكثير لكن ضغط الجماهير
والاعلام عندكم شي رهيب الله يستر منه ...........
تقبلوا تحياتي |
الوضع الشجري
