الله يجزاك خيير على هالموضوع
بصراحه انا ايام المدرسه كنت اغشش صديقاتي
كنت انا الشاطره بينهم وهم كانو مشي حالك مستواهم فكنت اغششهم << كنا نسميها مساعدات الله يغفرلي ويسامحني
ايام الجامعه الحمدلله مااذكر اني غششت احد
بس موقفك صار لي كثييير بس انا اغيير الاجابه وارجعها <<<لاني دايم مع شله اكون انا الشاطره فيهم ونجلس جنب بعض
واوسوس اغيير ماغيير
والحيين انا مدرسه <<< انواع التهديد للبنات اذا غشو
عارفه وفاهمه كل حركات الغش

اقولك موقف حصل لوحده من المعلمات اللغه الانجليزيه
عندها طالبه ماتفهم شي بالانجليزي وناسخه كل شي في ورقة زميلتها
تخييلي حتى اسم الي جنبها بالانجليزي ناسخته
وانا يوم درستها جبتها عند الباب وقفت على راسها ولانها ماتفهم شي بالانجليزي وماقدرت تغش عندي رسبت
تساهلو الطلاب والطالبات بالغش

لاحول ولاقوة الابالله
الله يغفر لنا

ميمــــــــي ... عليكم السلام ورحمة الله وبركاته

شخبارك عساك بخير...شخبار اختك ؟ ...عسى الوالده والوالد بصحه وسلامه؟؟؟

^
^
كذا يعجبك ردي كله تحفي انبسطي


::::::::::::::::::::::::

يالله اقلها اختبارك الي فات طلعتي بأن الجلطه بعيده عنك بحكم ابتسامتك طول اليوم

تحياتي

إقتباس الرسالة الأصلية كتبت بواسطة HILALYA ]~ . ميمي تبين صور بس ض1؟! فيه موقع بتدعين لي لين بكرا ض1 .. انتي قلتي ابي شيء مضغوط ومدري وش ض1.. المهم اذا تبين صور ما عليك الا بذا الموقع .. وقولي هلاليه ما قالت ض1ض1 :: ان بغيتي احلف انك بتدعين لي ض1.. ImageShack® - Online Photo and Video Hosting المهم ترا هو يحمل كل الصور مع بعض لو تحمين 100 صوره حمل لك مع بعض ض1.. بالتوفيق وترانا تحتري ولا جاك وشسمه , قوليلي بحجز اولي ض1..

لا كنت ارفع اول شي صور على نفس الموقع الي عطيتني وبعدها علق المتصفح وصار لونه اسود حاولت فيه انه يفتح وتروح الشاشه السودا عيا ..

بس رحت سويتها ملف مضغوط ورفعتها على عرب ونفس الشي يكون على نهايته ويعلق ..

بس ابشكركـ قبل انام رجعت فتحت حق الصور ورفعت كل الصور الي ابيها لان حجمها مره كبير وتركت الاب على الدولاب ونمت ولما صحيت لقيت شلهبب ناسخه لي الروابط ياقلبي عليها وحاطتهم لي بوورد قمت بس نسختهم وحطيتهم بالرساله وارسلتهم ..

ولاتخافين بعلمس تعرفين يعني هذاكـ يعد اهم موضوع بحياتي <==

الله يوفقس ويسسسعدس ياارب ..

وشاكره لتس مروركـ الاول <== اخاف كان هنا يشوفني اقول الثاني يحسبك تشتشتين ..

إقتباس الرسالة الأصلية كتبت بواسطة HRS.Eng الله يجزاك خيير على هالموضوع بصراحه انا ايام المدرسه كنت اغشش صديقاتي كنت انا الشاطره بينهم وهم كانو مشي حالك مستواهم فكنت اغششهم << كنا نسميها مساعدات الله يغفرلي ويسامحني ايام الجامعه الحمدلله مااذكر اني غششت احد بس موقفك صار لي كثييير بس انا اغيير الاجابه وارجعها <<<لاني دايم مع شله اكون انا الشاطره فيهم ونجلس جنب بعض واوسوس اغيير ماغيير والحيين انا مدرسه <<< انواع التهديد للبنات اذا غشو عارفه وفاهمه كل حركات الغش اقولك موقف حصل لوحده من المعلمات اللغه الانجليزيه عندها طالبه ماتفهم شي بالانجليزي وناسخه كل شي في ورقة زميلتها تخييلي حتى اسم الي جنبها بالانجليزي ناسخته وانا يوم درستها جبتها عند الباب وقفت على راسها ولانها ماتفهم شي بالانجليزي وماقدرت تغش عندي رسبت تساهلو الطلاب والطالبات بالغش لاحول ولاقوة الابالله الله يغفر لنا

ماشاء الله عليكـ ..

اكيد طبعا تشوفين انواع واشغال الغش

الله يعنيكـ ..

وكوني شديده عليهم وحاولي دايم تفرقين بين البنات الي دايم جنب بعض

الله يوفقسس ويسعدس يااارب

شوكرا لتس ع المرور

إقتباس الرسالة الأصلية كتبت بواسطة ام متعب التميمي ميمــــــــي ... عليكم السلام ورحمة الله وبركاته شخبارك عساك بخير...شخبار اختك ؟ ...عسى الوالده والوالد بصحه وسلامه؟؟؟ ^ ^ كذا يعجبك ردي كله تحفي انبسطي :::::::::::::::::::::::: يالله اقلها اختبارك الي فات طلعتي بأن الجلطه بعيده عنك بحكم ابتسامتك طول اليوم تحياتي

اخباري بخير اخبار اختي بخير الحمد الله اخبارس انتي علومس مع البطاح ..

إقتباس كله تحفي انبسطي

مافهمت

إقتباس \يالله اقلها اختبارك الي فات طلعتي بأن الجلطه بعيده عنك بحكم ابتسامتك طول اليوم

ليه الي مايبتسم تجيه الجلطه ..

معلومه جديدهـ اتحفينا بما لديكـ

ترا مافهمت شي من الي كتبتيه غير الي اول شي

شاكره لتس مرورتس ي بعدي

وترا متعب لبنتي لينا .. وولدي يزيد ترا خلاص خطبناله بنت خالة عربوجه .. <== المشكله ان متعب ولينا باقي ماشافوا الدنيا ولا فكروا يجون ..
والمشكله الثانيه ان المصونه بنت خالة عربوجه مانتظرتني الين اجيب يزيد ..

الله يكتب الي فيه الخير ..


برب اتزهب لذاكـ الشي قبل يجي الباص : (


اختكم .. ميمي

عدد المتواجدون في هذا الموضوع » 7 , عدد الأعضاء » 2 , عدد الزوار » 5

‏Meme, ‏قمة النذاله

الله يكافينا وش ذا النكـ !!

هذا الموضوع تم كتابته في موضوع منفصل

وتم رفض الاداره له في كون وجوده بشكل منفصل

وان يكون رد على هذه المشاركه:


سلام يالربع
صبحكم الله بالخير والعافيه

قريت موضوع حق ميمي

حق اختبارها اللي عنوانه وقت الفراغ ومدري وش

المهم اني شفتها مآخذه الموضوع بشكل جدي

ومآخذه موضوع الغش في الاختبارات بشكل جدي جدا

وتطبق السنه بشكل مثالي

وذا شي صراحه حيرني

لاني انسان دراستي الجامعة كلها غش في غش

والله ما نجحت من نفسي وبجهدي الا في العرب والسلم

والا الباقي غششششششش

وانا على اساس ان الغش في الدراسه حلال مباح وفي بعض الاحيان مستحب وضروره تبيح المحضور

يعني انا قضيت خمس سنوات في الدراسه

وداخل هندسه طبيه

والتخصص صعب ابن ستمية الف كلــ

وربي بدون غش تجلس تفحط عمرك كله

وعندنا ناس جلسوا سبع وثمان سنوات لين تخرجوا

واول نصيحه خذتها من الطلاب في القسم

(شوف ياصاحبي عشان تخرج من ذا القسم مالك الا الغش)

وكنت اغش في الثانوي بس على خفيف

اما في الجامعة لا والله اني غشيت بكل الطرق

ولكم الخيال في الطرق

واذكرها هنا كلها :
1. البراشيم وبكل انواعها وهي الطريقة الاكثر براشيم في الجوال وفي ورق صغير و في المناديل (مع العلم اني ماعمري خذت منديل في جيبي لغير غرض الغش) وعلى الطاوله وفي الالة الحاسبة وفي أي مكان قابل للكتابة وفي مجال الرؤية البشرية.
2. استعمال تقنية الاتصال والبلوتوث يعني يطلع واحد من الشباب ويكلمني في القاعه ويخبرني الحلول كلها او يرسل واحد الحلول بلوتوث .
3. استعمال منصبي كـ(رئيس الطلبة ) في الدخول على الانظمة وملفات الدكاتره ومكاتبهم واخذ الاسئلة مسبقا .
4. استخدام علاقات زي الحب والاعجاب للحصول على الاسئلة (يعني كنت مشبك بنات في السنة الموحدة لطلاب الكليات الصحيه لانهم يختبرون قبلنا بساعتين والاختبار موحد فاخذ الاسئله منهم ) مع العلم ان كل علاقه تنتهي بانتهاء المصلحه .
5. استخدام الكذب بشكل كبير (يعني مره كنت ما ذاكرت زين وانا عارف ان هالدكتور عجاز لا يمكن يعيد الاسئله وكلفت واحد يكتب الاسئله اللي بتجيهم ورحت وسويت حادث خفيف وجبت تقرير وعدت الاختبار من بكره ) او الكذب في اشياء كثير مثل مواعيد وسفر وهكذا .
6. الغش التقليدي (يعني من ورقة زميلك وانا متبجح في الامر ذا لدرجه اخذ اوراق العيال منهم واحل واردها لهم )
7. الغش في الابحاث والتقرير وتقديم ابحاث سابقه او من النت وادعاء الملكية الفكريه فيها .
8. الغش في التطبيق لاني طبقت في الديره وكل المقييمين عيال عم ومن الربع وفترة التطبيق قضيتها كلها في البر والنوم والسفر.
9. الغش في التحضير اطرف واحد بس يحضرني .
10. تشبيك الدكاتره نفسهم (كنت مشبك دكتورين واحد من الربع يامي والثاني قحطاني وكلهم ساعدوني بشكل كبير ).
11. لاني كنت رئيس للطلبه كان الدكتور اللي اسألته صعبه نكتب فيه تقرير كله كذب بس عشان يغيرونه وسويناها في اربع دكاتره ونجحت .
12. مشروع التخرج حقي كان ضخم جدا وحاز الاعجاب واللي سواه لي دكتوره أمريكيه مسلمة من اصول نرويجية على اساس اني اساعدها في الحصول على تصاريح عمره وزيارة قبر رسول الله وللحين ساحب عليها.
13. جميع درجات العملي والتجارب نكون قروب من طالبين او ثلاثه وما عمري اشتغل وياهم وهم يسسون كل شي وانا اشاركهم في الدرجات .


وغيرها كثير

وكنت طالب في نظر الكلية من افضل الطلاب وكان القسم يفخر بي وسافرت ندوات علميه لدول كثير زي الكويت ومصر وامريكا وماليزيا و المانيا (آآآه يا المانيا بس )
واخذت امتيازات كثير زي موقف مع الدكاتره وتاجيل في الاختبارات و بطاقه دخول لاماكن عده والاشراف على اللجان الطلابيه واكسس خاص لموقع الكلية واداره مشروع الصداقة مع الجامعات الخليجيه واشياء كثير

وقبل ما اتخرج عينت واحد من الربع مكاني ورشحته بقوه وقبلوه وكل براشيمي والاسئلة السابقة والابحاث والتقارير ارسلتها للشباب وخبرتهم بكل ما اعرف في الغش
وحتى في الدوام كان التوظيف بالواسطة والدوام فله والراتب يجمل الحال


اللي ابي اوصله من الموضوع

انا طبعا ما استعرض بنفسي
انا اعرض تفاصيل القضيه كلها

والسؤال :
هل اللي سويته حرااام؟
وان كان حرام ، وش اسوي لاني بجد محتار
يعني كيف اتوب ؟؟
لان احس ان راتبي من راسه لذيله حرام

السؤال جدي يالربع
نوروني

دمتم

ملاحظه :
السؤال جاد جدا يالربع وربي اني محتار وندمان مره وابي احد ينورني

السبب اللي ما خلاني اعقب بالموضوع هو ان ما ودي احول المشاركة لي شخصيا ....
مع الشكر للادارة

قلت لك انا ما استعرض

انا احكي لك واقع صاير معي

وهو استفسار

عندك جوابه نورني

ما عندك شاكر لك قراءة الموضوع

حلو

انا ابي جواب

طيب يعني يكفي اتوب بس

ما فيها حقوق والا شي ؟؟

مشكور ياذيب يعطيك الف عافية

وفكرة الشيوخ مش بطاله