الله يرحم ابوك
والله الموقف صعب
انا اللي خبرني ان ابوي مات اختي عمرها 17 سنة قسم بالله بغيت اموت من الصدمة بس ربك ستر..
والله يرحم موتانا وموتى المسلمين.
تخيل توصل خبر وفاه اخوك وثلاثه من عيال خوالك في وقت واحد لابوك وامك وخوالك
هلا فيك
انا اعتقد هالرد مقتبس من احد الردود السابقة
اذا كانت اقتبست من اجل الرد وزيادة المشاركات كان اولى بك الرد غير هذا
لان مشاعر الناس لا يقتبس منها
اعذرني على هذا الرد لانك لم ترد باااي كلمة سوى هذا الاقتباس
وان كان مررت بنفس هذا الموقف
فهو موقف صعب ولا يتحمله الا الرجال
الله يرحمهم ويغفرلهم وان يسكنهم فسيح جناتة
الله يحفظك ويسعدك دنيا واخره
تحياتي لك
من أصعب الخبريآت اللي تنقلهآ خبر الوفآه أو حآدث عآد مآ يقهر إلآ بعض النآس الملآقيف اللي يروح يبي يسوي نفسه أهو أول من يعزي مآيدري أن أهل الميت مآبعد وصل لهم خبر
هلا فيك اختي
الله يجزاك خير
الله يجنبنا نقل او سماع مثل هذة الاخبار
اي والله صدقتي المفروض الواحد قبل لايعزي يتأكد ان اهل الميت كلهم عندهم علم بالوفاة
حتى لا يكون وقع الخبر عليهم مفأجاة وتحدث امور لا يحمد عقباااهااا
اللهم امين
والله يحفظك ويسعدك دنيا واخره
وعليكم السلام والرحمه ..
هلا اخوي ســـــ SMN2002 ـليمان ..
الله يرحم والدك يارب ..
أنا اذكر صارلي هالموقف بس ماكلفت فيه .. الصراحه موقف كان صعب علي ..
اذكر جدي قبل مايتوفى الله يرحمه .. كنت انا قايمه ومافي وقتها مدرسه كنا ف إجازهـ ..
امم انا نزلت وكنت جالسه في الغرفه .. انا سمعت أمي تصيح فخفت لأني أمي توي شايفتها عادي مبتسمه ..
فانا رحت ابشوف وقبل ماشوف إلا اسمع ابوي يقول الله يرحمه ويغفرله وكذا .. فأنا عرفت خلاص لأن جدي وقتها
كان تعبان .. فانا ع طول صحت ورقيت بس مادري كيف اخبر اخواتي .. .. ف ع طول انا قلت لاختي وبدون مقدمات إن جدي مات ..
هذا موقف وأن شاء الله يارب يكون آخر موقف .. ..
مشكور واعتذر ع الاطاله ..
الله يعطيك العافيه .. أختك
بالتوفيق
هلا فيك اختي
الله يجزاك خير
الله يرحم جدك ويغفرله ويسكنه فسيح جناتة
صراحه الواحد وقتها مااا يحس بحاله
وان شاءالله اخر موقف
لاشكر على واجب وبالعكس الموضوع موضوعك
والله يعافيك ويحفظك ويسعدك دنيا واخره
وعليكم السلام ورحمة الله وبركاته .. الله يرحم ابوك ويغفر له ويسكنه الفردوس .. اذكر وفاة جدتي الله يرحمها , كانت بالعنايه لمدة اسبوع .. وكان وقتها دوامات وبرد وحاله وتونا راجعين , دخلت غرفتي وانا داايخه ادور السرير .. وللحين ما صليت الظهر , وامي قايله لا لبستي تعالي بقولك شيء , وانا من الوخه نسيت ض1 .. واشوف امي تدخل وفتحت الباب وقالت نامي لين العصر وبقومك نروح نصلي ع جدتك وطلعت بسرعه وصكت الباب .. عاد انا جلست سنه استوعب وكذا ض1 , بعدين جلست اصيح ونمت ع حالي ومن الصدمه ما صليت الظهر ض1 .. لين رحنا لمسجد وتذكرت وصليت , بس جد اول خبر وفاه اسمعه لقريب مني .. يعني ما قد جربت شخص يقرب لي مره ومات , وانا كبيره طبعا ض1.. الله يرحهما ويغفر لها ان شاء الله وجميع موتى المسلمين ..
هلا فيك اختي
الله يجزاك خير
الله يرحمها ويغفرلها ويسكنها فسيح جناتة
وان شاءالله ما تجربين غير هالموقف
اللهم امين
والحمدلله على السلامة عقب التوقيف<<< وكله من الوشسمه
والله يحفظك ويسعدك دنيا واخره
موقف صعب جداً انا مااتمالك نفسي في هالامور ولا اعرف اوصل مثل هالاخبآر
ويمكن ينربط لساني
اذكر مرة بوفاة اخوامي الله يرحمه
ابوي وش لون قال لامي؟؟
كانو الظهر يتقهوون والبيت كله نايم
جا ابوي اتصال ثم راح لامي وقالها
قومي خن نروح لبيت اخوك (بيت خالي الله يرحمه )
المهم امي طول الطريق تقوله اخوي فيه شي
وابوي كان يقولها لابس بنروح لهم ويصرف
ويوم وصلوا لبيتهم الا امي تطل على دريشة المجلس اللي كانت بالصور
وتشوف اخوانها مجتمعين وخلاص يعني عرفت من نفسها
واسأل الله العظيم ان لايرينا وإياكم مكروه ويرحم موتانا وموتى المسلمين اجمع
ويرحمنا اذا صار يوجد من يترحم علينا
هلا فيك اختي
الله يجزاك خير
وفعلا نقل الخبر هذا صعب وقليل جدا من يتمالك نفسه في هذا الوضع
الله يرحمه ويغفرله ويسكنة فسيح جناتة
الله يعين وموقف الوالد الله يحفظه مع الوالده الله يحفظها سليم لانه يخلى الواحد متهيى نفسيا لتقبل الخبر
حياكـ الله ابوفارس , وحيا الله كل مايمت لشخصكـ الكريم بأي صلة ,,
رحم الله والدكـ وجعله منعمًا في جنةٍ عرضها السموات والأرض ,
من أصعب ماواجهته في حياتي , أسأل الله أن لا يعيد مثل تلكـ المواقف ,,
أذكر أنه عندما ترادى والدي رحمه الله وقررت ووالدتي طلب الاسعاف , كنت مرافقًا لوالدي في السيارة , وبعد فترة قصيرة من الوصول أدخل مقر دائرة الخطر للحالات الحرجة وأرغمت على المغادرة , ومكثت غير طويل عند الباب أترقب , وإذا بالموظف يخرج ليبلغني بوفاة الوالد , أجهشت بالبكاء ولم تقوى عظامي على حملي فجلست في الممر أبكي وأنتحب أمام المارة , في هذا الأثناء اتصلت بي الوالدة لتطمئن على الوالد فترددت في الرد وبماذا أرد ؟! استجمعت قواي وقررت الرد وإخفاء الخبر وأخبرتها بأن الوالد في وضع حرج وأدخل العناية المركزة ,, وسأطمنكـ فيما بعد , بعدها اتصلت على أحد الإخوان أن الوالد في العناية ولا بد من حضوركـ , فقال : أنا بعيد وسأحضر عند الصباح ( وكنا قبل صلاة العشاء تقريبًا ) مما أثارني ودعاني للقول : هذا إذا بقي والدكـ على قيد الحياة إلى الصبح , أبوكـ مات تعال ,,,
رحمه الله تعالى وجمعنا به في جناتٍ النعيم وجميع أموات المسلمين ,,
ومن هذا المنطلق أقول : إن الإخبار يختلف بإختلاف المبَلَّغ , فيكون بالتدريج إن كنت تعلم صعوبة الأمر عليه كما حصل مع الوالدة , ويكون مباشرة إن كان الشخص لا يكترث أو هو صاحب جلد وتحمل .
0000
هلا وغلا والله بالغالي والعزيز عبدالله
والله يحييك والله يحيي كل من تنظره عينك
والله يجزاك خير
والله يرحم والدك ويغفرله وان يسكنة فسيح جناتة
الله يعينك وفعلا موقفك محزن
وان شاءالله ماتمر بهذا الموقف
إقتباس
الإخبار يختلف بإختلاف المبَلَّغ , فيكون بالتدريج إن كنت تعلم صعوبة الأمر عليه كما حصل مع الوالدة , ويكون مباشرة إن كان الشخص لا يكترث أو هو صاحب جلد وتحمل
احسنت فيما قلت
وهذا افضل الحلوووول مع هذة الاخبار
الله يحفظك ويسعد دنيا واخره
الله يرحم ابوك
والله الموقف صعب
انا اللي خبرني ان ابوي مات اختي عمرها 17 سنة قسم بالله بغيت اموت من الصدمة بس ربك ستر..
والله يرحم موتانا وموتى المسلمين.
هلا فيك اختى
الله يجزاك خير
الحمدلله ان جت سليمه والا من اصعب الاخبار عندما يبلغ الشخص
بأن والده مات
الله يرحمه ويغفرله ويسكنة فسيح جناتة
والله يحفظك ويسعدك دنيا واخره
والله يرحم امواتكم وامواتنا واموات المسلمين اجمعين
هلا فيك اخوي
هذي المصيبة اللي اشترك معك فيها
انا اياااات خبر يبن على وجهي
ومشكلتي الكبيرة الدمعة على طوووول تجي
اذكر مره رحت اعزى ناس من جماعتنا
عزيتهم وجلست الا مااااااا تاااااااحملت الموقف واناااااا ابكي عندهم صاروا هم اللي يصبروني ويجيبون لي ماء
قعدت اتخيل حالهم بعد امهم الله يرحمها
الله يجزاك خير
والله يحفظك ويسعدك دنيا واخره
لو طلب مني اخبر احد بوفاة شخص قريب منه او حتى بينهم معرفه بـرفض ومستحيل اوافق حتى لو كنت انا المصدر الوحيد اللي بيعرف عن طريقه بالخبر .. بالنسبه للمواقف .. مرهـ كانت بنت عمتي موجوده بالبيت عندنا وكانت مصابه بمرض السرطان عمتي ساكنه بقريه وجت لبيتنا فتره عشان بنتها ومواعيدها بمستشفياتنا ببريده كنا برمضان نسولف ونضحك وهي معانا اللي هي بنت عمتي وفجأهـ تعبت وجلست تبكي وتقول انا مقدر اتنفس واحس بشي غريب اخذها ابوي واختي الكبيره وعمتي للمستشفى .. وبعد مارجعوا دخل علينا ابوي كلنا بصوت واحد قلنا وش سوت العنود ( اللي هي بنت عمتي ) قالنا ابوي وبدون اي مقدمات العنود توفت .. كان اسلوب ابوي غلط ماقدرنا نستوعب ابد قبل ساعه كانت تسولف معانا وتضحك .. بس فيه شي بقوله ان خبر الوفاه مهما كان له وقعه ولآ تقدر اي كلمه تخفف عنك >> وجة نظر ... الله يطول بعمر من نحب ولآ يحرمنا منهم ..
انا ما ادري وشلون بتقبل خبر زي كذا لا سمح الله
انا يوم توفت خااالتي الله يرحمها ويسكنها الجنه كنت اعتبرها زي امي
كنت طالع البر واشووا كانت فيه شبكة جوال المهم يدق عللي اخووي وعلمني الخبر والله ما دريت الا وانا عند البيت حقنا ما دريت لنفسي ما كنت اصيح كنت افكر ومتفااجئ من الخبر وبعدين انا ما بكيت الا يومنا دفناها الله يغفر لها