إقتباس الرسالة الأصلية كتبت بواسطة ســـــ SMN2002 ـليمان السلام عليكم ورحمة الله وبركاتة قبل كل شيء ااااه والف اااه على ذيك الايام صدقوني مااا ادري كيف تحكي الاجياااال الحالية عن ماااااااضيها بعد عشرين سنة صرااااحة زماااااانهم هذا مااافيه شيء يحليه سرعة وتطور وغيررره وتباااعد بين الارحاااام اللي اول الجاااار كاااااااان مثل اخوووك واكثر معليش على المقدمة بداية ذكريااااتي في حدود العااام 1402 وتقريبا اعلان وفاة الملك خالد الله يرحمه كنت عند خااالتي كان عندهم تلفزيوون ملوووون<<<اكبرتطور في ذلك الوقت وشفت المذيع وهو يلقى خبر الوفاة وكانت الخلفية زرقاء طبعا توالات الاحداث المهم في نقلة نوعية في بيتنا قمت بعمل اجرامي خطير حيث صبيت الماء على التلفزيون الاحمر اللي بس ابيض واسود وقام الوالد الله يرحمه بشراء تلفزيون ملووون ماركة سوني احسن من التلفزيون اللي عند خالتي اللي قنواتة تحطه بانك تضغط على ازرار وكانت على عدد القنوات ماهو زي النظام القديم فرك الوكاد تابعت اجمل فلم كرتوني وهو النسر الذهبي بيبيرو بيبيرو " و كان يبحث عن ابوه اللي يسكن في مدينة الذهب اسمها على ما اظن " الالدورادو ".. وكان معه خيل ابيض رهيب يناديه بصفيره اسمه " جوبتير " قصة حزينه ومبكية وعلى مااا اعتقد بس عرض مره واحده وهذا بعد حلوو فارس الفتى الشجاع انتقم لبوووه يوم كبر من اللي قتل ابوه بالضربة القاضية وبسبب هذا الكرتون ومن ذلك الوقت وانا اخترت اسم فارس لولدي حتى فيه واحد من الجماعة الا هذة اللحظة اذا سلمت عليه مااا يقول لي الا ابوفارس طبعا فيه سناشيرو وقرانديزر وهايدي والسنافر وعدنان ولينا وغيرها كان الالعاب في ذلك الاوقات اللي نلعبها عنبر<<<سبع الحجر عظيم ساري<<< لعبة تلعب بالليل وهي عبارة عن عظم نعجه عنز المهم صاير لونه ابيض حيث يقوم احد الشباب رمي العظم وهو متجه لهم وجميع الاعبين متجهين اللي يرمي العظم المهم بعد ذلك يقوم الشباب البحث عن العظم واللي يلقى العظم هو الفايز وهو الذي سوف يقوم برمي العظم في المره القادمة وفيه لعبه اسمها حبشه<<< اعتقد نفس لعبة جماد ماء وفيه لعبة نزله وفيه لعبة مكس وكذلك لعبة المصاقيل وغيرها الوكاد دخلنا المدرسه وكانوا اللي قبلنا بسنة دخلوا الابتدائي اخر دفعة تسلمهم المدرسة ملابس رياضية واحذية<<< الله يرحم الملك خالد وهي لها صور بكتاب العلوووم واذكر يوم كنت في اول يجلس البوووت<<الحذاء في رجلي الله يكرمكم يمكن ثلاث ايام على الاقل وبعض الاحيااااان انسى واروح للمدرسه حاااااافي المدرسين في ذلك الوقت اردنيين وفلسطينين وقليل تجد السعودي وان لقيت خريج معهد المعلمين وبعد اذكر مدرس العلوم حسن رصاص تونسي الله يذكره بالخير كانت السنة الاولى في الابتدائي اخر دفعة تستلم الشهادة اللي باللون الاخضر واللي اشتهرت بالدوائر الحمراء للمكملين والراسبين وكذلك بعد صف ثالث ابتدائي تغيرت المناهج القديمة وجت المناهج الجديدة اللي مااا تغيرت الا قبل سنتين الوكاد في صف خامس ابتدائي حدثت حرب الخليج واحسن مااافيها كل شوي تأجيل للدراسة وكنا وقتها ملصقين الشبابيك وعلامة الاكس على كل شباك وبعد المناااشف المبلله تحت كل بااااب وتوفير الاكل بكمياااات كبيرة خوفا من الكيماوي اذكر وقتهاااااا اذا اطلق العراق صاروخ على السعودية تقلب شاشة التلفزووون حمراء وصافرة انذار ويقولون اطلق المعتدى صاااروخ باتجاة الرياض او الشرقية وثم تصير الشاشة خضراء ويقولون زال الخطر المهم وقتها بس نعد عدد الطائرات اللي نشوف طائرة كبيرة ومعها حول 10 طائرات او 13 وطبعا بحكم اننا بالشمال وقريبن من العراااق كل ماااا هبت << صار فيها هواء باااتجاة الجنوووب نقول بس رااح يطلق الكيماوي على بالنا انها مثل الفليت ينتقل بس بالهواء المهم تجاوزنا الحرب اذكر كانت الشهادات في الابتدائي ورق مقوى وفي نهاية المرحلة الابتدائية توضع لك صوره على شهادة اتمامها وفي وقتنا واللي قبلنا كان اللي يجيب جيد او جيدحدا في المتوسط هذا دافور لان صعب احد يجيب ممتاز وبعدين كانت شهادة الكفاة المتوسطة مهمه لان اللي يحصلها يمكن يتوظف عسكري برتبة عريف او يدخل المعهد الصحي وثلاث سنوات ويتوظف وكنا في ذلك الوقت نتاااابع المصارعة الحره اللي تجي يوم الثلاثاء تقريبا حول الساعة11 ولكن ناااادرا ان نحضرهااااا تخبرررووون الساعة 10 بالكثيررر وراسك يرقل يبي المخدة لان في ذلك الووووقت غالبية الناس بعد صلاة العشاء بساعة تهجد الوكاد اهم المصارعين المحارب وهوج هوقين وسنوكا والاخوان الاثنين اذكر شفنا مراه مع المصارعين قعدنا شهر نسولف بهاااااا لان القناة السعودية متشدده في ذلك الوقت واذكر التلفزيون اذا جت الساعة ثنعش ونص وحده يجطون علم المملكة وصورة الملك والسلام الوطني ثم يشوش التلفزيون وكان قبل اول مايبدى فيه التلفزيون القران الكريم ثم السلام الوطني بعدين تجي الرسوم المتحركة وبعدها يجي الفلم الكرتوني وبعدين موجز الاهم الانباء وكان قبل بعض المناطق ماااا تشتغل عندهم القناة الثانية ينقهرووون اذا فيه مباراة على القناة الاولى وبسبب صلاة او احتفال ينقلونها على القناة الثانية واللي ياخذ الثاااانوي في وقت اللي قبلنا هذا مااافيه احد زيه لان بصراحه كانت الامور بسيطة والحياة ماهي معقدة واذكر العروس في تلك الفترة كان بيت شعر وزوالي اللي تجي متر في ثلاث امتار وكانت تجمع من جماعة المعرس ويكتب على كل زوليه اسم صاحبها ونفس الحكاية مع الصواني وكان المعرس يزفونه الرجال على رجليهم لان في غالب الاحوال بيت المعرس قريب من حتى يدخلونه في غرفة النوووم وهم يمشون يرددون عرب وليدك عربه بنت الردي لا تاااخذه وسبحان الله تقريبا من عام 1419تغير الحال على العمووم هذا اللي اذكره تحيااااااااتي للجميع

إقتباس الرسالة الأصلية كتبت بواسطة قرقاص هلا وغلا فهد حرب الخليج لها ذكريات غير لا تقلب المواجع وتذكرني بسالفة القطو اللي دعسته ذيك الأيام بسبب البنت الكويتية اللي فتحت لي الباب من دون حجاب غزو الكويت كان يوم الخميس 2-8-1990 في النفس التوقيت وفي الفجر كنا مشينا من الرياض باتجاه ابها مرورا بالطائف ! طبعا الأخبار بالراديو ماجابوا خبر ! وصلنا الطائف ولا ندري عن شي ويم الجمعة أقرا بالجرايد ان السعودية تاسف للأحداث التي تجري على ارض الكويت !! يوم السبت وصلنا ابها وسالنا راعي البيت اللي متعودين نستأجر منه كل سنة وين خالكم اللي بالدفاع الجوي ماجاء معكم هالسنه ؟ قلنا ماعنده اجازة ! وقالنا عن خبر الكويت !! وعلى طول ندور اذاعة لندن ونسمع الخبر الاليم !! وبعدها بيوم طلع خادم الحرمين الملك فهد رحمة الله عليه ليعلن القرار التاريخي بطلب قوات التحالف ! عدنا بعد اسبوعين عدنا الى المجمعة ! وبحكم قربها من حفر الباطن والكويت لقنا المدارس متعبية من الكويتيين والشقق والفلل اللي معروضة للأيجار كلها مليانه ! ولما قربت الحرب بدينا نسمع بالكيماوي وانه ممكن يجي مع الهواء ويموتنا مثل الفليت وقمنا نغطي الشبابيك بورق الديكور والشطرطونات اللاصقه عشان مايدخل الغاز وأعلنوا عن شهرين اجازة منتصف العام وفي أول يوم من بدء قوات التحالف الحرب لتحرير الكويت ! أطلق العراق 4 صواريخ باتجاه الرياض في الليلة التي بكى فيها المذيع سليمان العيسى ولما أطلقت صافرات الأنذار بالتلفزيون ! انطلقت دوريات الشرطة والدفاع المدني عندنا بالمجمعة ليقول : الرجاء أخذ الحيطة والحذر والأختباء في مكان أمن !! الناس الفجر ولا عندنا ملاجئ وين نروح مثلا !! بعدها اغلب اهل الرياض تركوها وجو لأقاربهم في المجمعة والزلفي واللي راح القصيم !! وزاد خوفنا لما سمعنا صدام حسين بالراديو يعلن انه سيضرب الموجمعة يقصد المجمعة لوجود مجموعة كبيرة من الكويتيين فيها وأتذكر وقتها الناس قامت تعبي مخازنها من المواد التموينية مثل الرز والسكر والحليب !! الغريب ان المخبز اللي جنب بيتنا مطلع قرار ماأحد ياخذ خبز بأكثر من 5 ريال ولازلت اتذكر بيانات قوات التحالف اليومية والتي كان يتلوها العقيد أحمد الربيعان ! واحتل العراق مدينة الخفجي ! بعدها اهتزت ثقتنا بقوات التحالف !! لكن القوات السعودية وبمشاركة من بعض القوات القطرية من درع الجزيرة استطاعت تحرير الخفجي ! كما أن الطيار السعودي الشمراني زادنا فخرا عندما اسقط مقاتلتين عراقيتين في جولة واحدة فوق الأراضي السعودية ! هذا اللي أتذكره

ما شاء الله عليكـ ,,

أتوقع عمركـ 40 ,,

طبعا انا توني صغير , لكن هالإضافة قريتها بمنتدى آخر وحبيت أشارككم فيها .


[ طبعا ببدا بالقناه الاولى اللي كانت تبدا بوشوشه تخبرونها اللي كنها قعص اسود مجتمع منول اخرب تلفزيوناتنا من كثر ما ارش الفليت عليها بعدين كان يجي الدائره الملونه اللي فيها ساعه الظاهر نص العالم مالبسوا نظرات الا من مراقبها ثم يجي السلام الملكي وقران ازين ماسوو ثم يجيبون افلام كرتون عاد افلام كرتون قبل تفتح النفس موب هالسبه اللي يشوفونها وراعيننا الحين سقا الله ايام كابتن ماجد وهداف كل ماخلص تحمست انا واخواني ورحنا نلعب كوره كانت عندي ضربه مميزه اسمها ( الضربه المالطيه ) ليا جيت اشوت قلت الضربتو المالطيه واشوت لينها في راس ام ملفي جارتنا وتدعي علي عساتس بالمالطيه لارحم الله ذالعصاقيل عاد من القهر اتقمص شخصية الرجل الحديدي واقوم اعدي واقول الى الرجل الحديدي واطب في بطنها لاني كنت اتخيلها ديناصور ..

ولا ماوكلي ياكره هالوجه هو وسرواله اللي من سعف ياعيال حارتنا تأثرو فيه مرتن مات ذيب مدري اسد في ماوكلي وقام يعوي هو والذيابه عيال حارتنا ذاك اليوم سرى ليلهم يعوون في الشارع حتى يوم خلصنا من العشا قامت جدتي تجمع العظام وترميه في الشارع تقول يمكنهم جواعا ..

حتى في وقتنا الحاضر مازال فيه ناس يحبون ماوكلي ومتأثرين منه يعني ابدن ماعندنا واحد حاط صورته الرمزيه باقيرا

ولا سانشيرو مره خربت لعبته جوماروا واقوم ابتسي ذيك الليله يسألوني اهلي فيك شي اقول ضرسي يعورني مادروا انه على قرطاس ..

اما برامج الاطفال يالله اني داخله عليك مدري تجنيد يجيك الورع ينشد وهو يبرطم ولا متخشب مايتحرك فيه الا عيونه والاورق كل اناشيدهم نفس الموسيقى الظاهر نفس المصري اللي يعزفها واللبس الحين بنت مسويه مشهد بتروح المدرسه لابسه ثوب عرس ليييه !!!!

بعدين المسلسلات الظاهر ذيك الحقبه ماكان يشتغل في القناه الاولى غير سعد خضر وماجد العبيد

.. حـــقــيـــقــه ..

( هل تعلم ان القناه الاولى هي اول قناه في العالم تقيل في الظهر )

نعم قبل اذا جاء الظهر شطبوا وصكوا القناه وراحوا يقيلون المذيعين والممثلين وليا جاء العصر فتحوا القناه ورشوا ماء وبدو البرامج

ايه صح وكانو يجيبون المسلسلات السوريه البدويه ياكانت جدتي مدمنتها ماتفوت حلقه واذا جاء الصبح قامت تقص القصه لربايعها تقول البارحه ماامرحت غبني الملعون اللي رمى اخته في البير اقول ياجده مهوب صدق تمثيل تقول تعقبين انا واقفه جمبه يوم حذفها

وال wwf قبل ايام هوق هوقن وواريور وماتشو مان كنت معجبه بواريور واقلده وانفش شوشتي مثله واطبق حركاته في وراعين اقاربي احطهم في النص واجي طايره من اول الصاله لاخرها واهبدهم عقبها كوتني مداويه ثم تسني طخيت


.. شـــطـــحـــه ..
كان يعجبني ماجد الشبل ونطقه لحرف الجيم واقلده اذا قريت مطالعه لين خلتني مدرسة المطالعه اكتب حرف الجيم 150 مره..

اما القناه الثانيه وش اتكلم وش اقول ياحليلهم والله كنت احبهم من قلب صدق صحيح كانو يعيدون الفيلم 3500 مره بس رهيب وصحيح احنا ماندري نتفرج على الفيلم ولا نلحق الترجمه بس روعه وصحيح كنا نشوف اغنية البدايه للفيلم بعدين البطل يعدي في النص ثم اسماء الممثلين في النهايه لكن ممتع ,,

القناه الثانيه كانو يجيون برامج منوعه زي ليلة خميس thursday night يااني عاقبتهم جابو مره عازف اورق والناس يدقون يطلبون مقطوعات اجنبيه اذكر دقيت قلت i wana something for abu hanan قلت ابي شي لبو حنان قال من ابو حنان قلت فيه احد مايعرف خالد الملا <<< ايام مراهقه معفنه ..

القناه الثانيه كانو يجيبون برامج طبيه وانا صغيره شفت رجال يطلع رجله الصناعيه واقوم اجر ساقي الليل كله لين انمصعت رجلي ياكنا نتأثر باللي نشوفه ..

الا بالله ماتذكرون فديو كليب الظاهر ماكان عند القناه الثانيه الا هو رجال يسوق دباب وحرمه فوق حصان وتطمر فوق شجره

اما الدعايات الحين ثوب الدفه سعودي يسوون الدعايه عليه مصاريه شلون !!

ولا دعاية مازولا يوم الطماط والبصل والخضروات ترقص ياهم لعبو علينا كنت اقوم نص الليل وافتح المطبخ بشويش بشوف هم يرقصون صدق اثرهم يكذبون

اما برامج السلامه والتحذير يجيبون واحد يلف سيقاره ويطق ابره وهو مرررره مستاااانس ومنتعش ويشهون الواحد في المخدرات ويعلمونه من وين يجيبها ومنهم الناس واشكال اللي يوزعونها بعدين يقولون لا للمخدرات

الا تذكرون اغنية منى يامنى يااني حقدت عليها بشكل واتوقع مابقى بنت ماحقدت عليها عشان محمد ثروت غنى فيها من زينها عاد محمد ثروت يقول اصحابها بيحبوها كنت اقول تعقب ماندانيها

مع كذا والله كانت القناه الولى والثانيه من اروع مايكون وحتى وان كانت غصب واحد وغصب اثنين ياحلوها بس ..
]

يقولي أبوي قبل فترة إن قد عرض على جدي الله يرحمه تقريبا ربع الدولة السعودية لكن جدي رفض هذا العرض و طلب "بشت" من الملك عبد العزيز الله يرحمه..
وفعلا البشت اللي عطاه الملك يحتفط فيه عمي بحكم انه أكبر الأبناء بعد وفاة جدي ..

القصة بالتفصيل:
جدي كان يرعى الغنم أمام خيمة الملك عبد العزيز فناداه الملك: يافلان !! جدي: آمر بغيت شي؟ الملك: تبي الاراضي هذي كلها ولا بشت مقابل قطيع الغنم اللي ترعاه؟ جدي: لا طال عمرك ابي البشت (بحكم ان الاراضي كانت مجرد صحراء في ذاك الوقت وجدي ما يدري كم تسوى حاليا خصوصا ان الملك اشار على مسافة كبيرة)

طبعا المحادثة من صياغتي لكن القصة حقيقية و البشت ما زال موجود
تخيلوا ان جدي قايض قطيعه بالاراضي؟؟
كان فيه دولة اسمها "الحارثية" خخخ

.




والله موضوع ملتهب ض1ض1 ..
الحين كل هاذا ماضي ض1 ؟!

وش هالمسكه

كنا نجتمع حنا والشيبان في الاستراحه ونآخذ لنا الفاخر ولا النخله <- شيبآن مهبل
ونطلب من كنتاكي

إقتباس نسيت أقولكم أنا هلالي بس انحرفت خخخخخخخخخخخخخخخخخخخ

تأملو في هذا المخلوق رحمكم الله

وعليكم السلام ورحمة الله وبركاته

بما اني عاصرت الجيل الماضي < ض1 ترا انصب

غالبا الحين الجروح ماتلتئم رغم ان الطب تطور ..

اول كانوا يعالجون الجرح بالسدر ويطيب طبعا مع السدر قراءة القران < هذا اليوم الدكتوره تعلمنا عليه وطبعا الدكتوره عاصرت هذا الشي ع ما اظن ض1 ..

شششوكرا لكـ مره


اختكم .. ميمي

حسبي الله على ابليس..

صرنا نتحلم بكل ما ذكر بالموضوع.. ض1

الله يفكنا الشر يا رب.. ق1

مو دخلت هنا يعني اني old بس لحقت على اشياء ..

لان تقريبا كان عمري 4 سنين وقتها ..

ومن ضمنها ..

صوت صفارات الانذار !!! المرعب ..والشاشه تصير حمرا ومره خضرا وانا ما ادري عن السالفه ..ولونها اصفر

ولها اصوات شي سريع وشي بطيء كنت اخاف من البطيء وربي مررررعب ..

اهم شي افتكر لما جلست ابكي عشان العابي كانت بغرفتي <<بس ابوي جابها لي ..

ومشهد ثابت بذاكرتي يوم ابوي الله يحفظه يلصق الشبابيك .. بلصق لونه رصاصي ..وحابسنا بجناح ..

اذكر هذا الشي

[IMG]http://www12.0zz0.com/2010/12/08/05/750777771.jpg[/IMG]

يا الهي من فين جبت صورته..

[IMG]http://www12.0zz0.com/2010/12/08/06/749964886.jpg[/IMG]

وهذي قبل شهرين لقيتها مع وحده من البنات تخيل نفختها وصرت اكمل شغلي بين المكاتب الا شافتني دكتوره

وجلست تسألني من فين جبتيها لسا ماتغيرت ريحتها ..

احيانا احس ريحتها زي المخدر

اذكر مسلسلات لفؤاد حمزه واولاده<<<
وبث ..