رابطـة عشاق الـReds ((( كل مايتعلق بليفربول هنا ))) - صفحة رقم 536 - نادي الهلال السعودي - شبكة الزعيم

YNWA · #1 16/07/2006, 01:42 AM

^
^^
هلا والله بالجار اليدزي

وش أخبار الحر هالأيام؟

G E R R A R D · #2 16/07/2006, 02:28 AM

من قدكم ابو ابراهيم

يسألون بعض عن الحر

تو بالسيارة الساعه 2 بالليل

درجه الحراره 33

اجل وش بتصير الصبح

الله يخلف بس

omar_uk · #3 16/07/2006, 06:52 AM

الحر الحر
والله هالايام احسن جو في السنه
ليت الجو يصمل على هالوزنيه
ولو اني عارف الضاهر قبل اكمل هالايميل بتبدى ترش
غيومهم ما تبي شي اعوذ بالله
كيف الوضع عندك انت

== forza juve == · #4 16/07/2006, 11:21 AM

ذهاب ليفربول لTrezeguetمخفّض

== forza juve == · #5 16/07/2006, 11:33 AM

تحوّل ليفربول إلى جناح يوفنتوس- Camoranesi مؤخّر

== forza juve == · #6 16/07/2006, 11:39 AM

رافا مسرور مع بلامي

YNWA · #7 16/07/2006, 01:12 PM

هلا omar_uk
حرام عليك والله ياهالأيام الجو حر من جد

المشكله مهب برا البيت المشكله لاصرت داخل البيت وقاعد في هالحر بدون مكيف

@الا على فكره حراج اليوفي صار عليه شيء؟

ريـ ـ ـ ـ ـان · #8 16/07/2006, 03:53 PM

السلام عليكم

حبيت اغير الجو جو اليوفي والهبوط والصفقات وانزل بعض الصور لنجوم الليفر

وقبل الصور ابغى اسال الليفر كم عقد صفقه غير صفقة بيلامي ؟

اتمنى الصور تعجبكم

اتمنى اعجبتكم الصـــــــــــــــــور

F O W L E R · #9 16/07/2006, 09:38 PM

بااااااااااااااااااااااااااااااااااااااااااااااااااااااااااك

السلام عليكم عشاق رابطتنا الافاضل اسعد الله ايامك باليمن والمسرات (حسن كراني)

شباب سامحونا اذا فيه بربسه في الرد لان اخوكم ما يدري في اي لحظه الاتصال بيروح فيها

@ما شاء الله بيلامي بدا من اول مباراه والله يوفقهم ان شاء الله لاجاء وقت الجد

@ركان وش في ابوابراهيم عليك ترى كلش ولا زعل ابوابراهيم

لا وازيدك من الشعر بيت ترى ابوابراهيم هو اللي مفوضني انا وابومحمد نشوف الاخبار عندكم (نصاب)

واذا زعل ابوابراهيم ترى ما عاد نجي عندكم(شايف نفسه هو وجهه)

@ رافا استعجل في المشتريات حقه وقضى على الميزانيه

ومانشستر والشله حقه مخليين الميزانيات
للحراج المنتظر على لاعبي اليوفي واحنا اوريليو واليفس
والناس بتشتري فييراو كانافارو واليكس وابراهيموفتش
والله يستر علينا:p

@ رافا وطموحه ان تراوري يجيب له ثلاثه مليون
زي اللي متعلق بقشه

والله رحت فيها يارافا اذا كنت منتظر شيئ من خشة تراوري

إقتباس


	راكان ويش سالفة الاغتيال الله يهديك وحياك الله بعد العوده الحميده وترى شكل ربعنا هنا موداريين بالسالفه

الظاهر ان راكان يخنبق شوي هالايام

اشوفه قاعدج يتكلم مع ابومحمد بالالغاز

إقتباس


	من قدكم ابو ابراهيم يسألون بعض عن الحر تو بالسيارة الساعه 2 بالليل درجه الحراره 33 اجل وش بتصير الصبح الله يخلف بس

ابوصالح وين رايحين هم

اخرتها الرياض يا حبيبي ياحبيبي
وبطلع عيونهم

كتمة الليل قبل حر النهار
وتنزل الدلع اللي عندهم

خمس وعشرين عز الظهر وقال حر موت(الله يخارجنا)

ماهم داريين او نسو الشباب ان خمس عشرين في الرياض في الليل والمكيف شغال بعد

ريدزاوي · #10 17/07/2006, 12:39 AM

إقتباس


	اتمنى اعجبتكم الصـــــــــــــــــور

مشكور ياريان على الصور الجميله

كنفارو مشكور على جهدك واخبارك ;)

إقتباس


	الظاهر ان راكان يخنبق شوي هالايام اشوفه قاعدج يتكلم مع ابومحمد بالالغاز

ابواريام
تراك ماتدري ويش اللي بيننا

إقتباس


	@ رافا استعجل في المشتريات حقه وقضى على الميزانيه ومانشستر والشله حقه مخليين الميزانيات للحراج المنتظر على لاعبي اليوفي واحنا اوريليو واليفس والناس بتشتري فييراو كانافارو واليكس وابراهيموفتش والله يستر علينا:p

انت صاحي

ولوماشترينا احد
فلوسنا ماراح تكفي نجيب زبينا حتى

ريدزاوي · #11 17/07/2006, 01:00 AM

فيه اخبار ان ليفربول مهتم بالتعاقد مع تريزيغيه
وان رافا يريد التعاقد معه

طبعا اذا صح الخبر فماادري من وين بيجيبون فلوسه

ريدزاوي · #12 17/07/2006, 01:03 AM

صفقة دانيال الفيس بدت تتلاشى
فرئيس اشبيليه يقول انه مبسوط عشان مافي جديد من فتره مش قصيره
ويقول مع وجهه انه بدا ينسى ان ليفربول فاوضه
وان بقاء الفيس هو امنيته وامنية كل اشبيلي

ريدزاوي · #13 17/07/2006, 01:05 AM

يوم السبت بتكون مباراتنا الوديه الثانيه مع فريق كرو الساعه 5 مساء

ريدزاوي · #14 17/07/2006, 01:07 AM

ياشباب عندي سؤال
متى بتتحدد مباراتنا في دور ابطال اوروبا التمهيديه

أسيــ الزعيم ــر · #15 17/07/2006, 01:23 AM

إقتباس


	فيه اخبار ان ليفربول مهتم بالتعاقد مع تريزيغيه وان رافا يريد التعاقد معه طبعا اذا صح الخبر فماادري من وين بيجيبون فلوسه

لاتخاف الأمور سهلة إن شاالله .. ماراح يكون غالي مرة .. يعني اذا كلف مرة اتوقع بيوصل لـ 15 مليون ومااعتقد انها كثير على تريزيجيه وخاصة انه الحل الأكيد بإذن الله لهجوم الريدز .. وبالتوفيق