إقتباس defender

هالكلمه تعني مدافع ..والمدافع ليس بالضرورة ان يكون قلب دفاع يعني ممكن يكون ظهير

هذا اولا

ثانيا

هو من يوم لعب مع اشبيليه وهو جناح ايمن وهجومي ...صح ان مركزه الاساسي كان ظهير ..بس مدرب اشبيليه وضعه بهالمركز ونجح فيه نجاح كبير ..وهذا اللي مخلي رافا يفكر فيه ..كلاعب جناح .. وليس ظهير او حتى قلب

واذا يمديك تعدل عدددل

إقتباس كيويل بديفو فيها نظر شوي رغم ان هاري عنده مشكلة في كثر الاصابات ايضا لاتنسى يا بدر ان احتمالية قدوم مارك جونزاليز عالية يعني بوجود زندن+ريزه+مارك +وورنوك

اولا انا لا ارى بديفو انه المهاجم الفلته اللي يبي يحل مشاكل ليفربول الهجوميه ..عشان نتخلى عن هاري بسببه

ثانيا انت يابو اريام ذكرت ريزا وورانوك وكلهم يلعبون في خانه الظهير

وحنا نتكلم عن الجناح اللي فيه زيندن وجونزاليس وكيويل

زيندن مستواه موب ذاك الزود وماندري عنه بعد الاصابه وش بيسوي ....جونزاليس رغم تفاؤلي فيه الا اننا ماندري عن مستواه كيف بيكون وهل بيتأقلم على طول مع اجواء البريمر ليج ولا لا ..لذلك مافيه الا كيويل مضمون وكويس رغم كثره اصاباته..بالاضافه الى انه كيويل يجيد اللعب كرأس حربه ثاني وهالخطه يعتمدها رافا كثير

إقتباس ستيفن اطلق تصريح وقال انة ينتظر قدوم مارك جونزاليز الى ليفربول في الموسم القادم على احر من الجمر

إقتباس وايضا تشابي الونسو مع شلة منتظرين مارك في الموسم القادم

كل الناس ينتظرونه وهذا الموسم خللص ..اهم شي تضبط امور جوازه ويقدر يلعب معنا