أعزائي وأحبتي الهلاليين .....
هذا ما حدث لي عندما عدت الى الرياض ؟؟
ولكن قبل أن تقرؤا شيئاَ ..
تعوذوا من الشيطان....
تصدقون اني جاي طاير من القصيم وفرحان يوم الجمعة ليلة السبت , بعد ما استمتعت بالأجازة
صحيح ان الدوام شين والمهنة متعبة ولكنها سامية !!!
المهم !!
وانا جاي أول مافتحت باب شقتي تخيلوا ؟؟؟؟؟؟؟؟؟؟ لقيتها مسكونه ومأجره لأحد غيري!!!؟؟؟
لا وبعد مأجرينها لشله وش كثرها والشقة نظام استديو ماتتحمل كل ذولي!!
تدرون وش ذولي ..............وانتم بكرامة صراصير ؟؟ ياإلهي في منزلي صرصاااااااااااار!!
صحيح اني رجال لكن عند الرجال اللي مثل الأسود والفهود .... مو عند الصراصير .
بصراحة ماشفت واحد عنده عقدة من الصراصير مثلي .... آه آه من القهر...
يوم فتحت الباب واليا الصراصير مسوية حفلة بس عاد ماادري وشي حفلته بالعيد والا مولد والا ميلاد المهم أنا ماسألتهم ...... أسأ لوهم أنتم ؟؟
لقيتهم مثل اليهود بفلسطين !! المطبخ ولاعبين فيه والصاله ويتمخطرون فيها لا وبعد حتى غرفة النوم لقيتهم نايمين فيها صج مايستحون ؟؟
عاد أنا ماسويت شي يوم شفتهم ولا أي حركة تدرون ليش صابتني أم الركب وانربط لساني بس
صرخت بصوت منخفض كل أهل الرياض يحسبونها صافرة إنذار !!
لو ماكان معي أخوي في ذاك اليوم كان رحت فيها ...... اقول عاد بسكم ضحك أنا رجال أو رياااااااال بس عند الصراصير أصير جبان مثل ال..... ماني قايل ..
المهم ؟؟
قلت لأخوي الوقت متأخر هالحين مافيه أحد صاحي الساعة ثلاث الفجر خلنا نروح فندق ننام فيه الليلة وبكرا نشوف لنا عامل ينظف الشقه من هالصراصير ؟؟ تدرون اش قال:
قام يضحك علي وقالي انت مهبول لالالالالالالا قال بعد : والله انك مستلج !!
اعقل بس خلنا حنا ننظفها هالحين ونطرد المحتلين الصهاينة !!
الصهاينة مره وحده !!
قلت له أنا با اجلس بالسيارة واذا خلصت وحررت بلادي(عفواَ شقتي) فانده لي حتى أوافيك!!
وبعد ماخلص رحت له بس تدرون أني جلست صاحي مانمت ليما طلع الفجر ورحت للدوام مواصل
حتى أسوي غسيل لكل شي مشت عليه الصراصير اللعينة !!
تصدقون إني للحين ماني قادر ارتاح في كل لحظة احس انها معي في الغرفة والا في المطبخ!!
ماني قادر أنسى هالموقف !!
أدعوا معي تكفون !! اللهم أبعد عن شبح الصراصير وأبدها عن بكرة أبيها وأمها وخالها وكل من تمت أو يمت لها بصلة , اللهم آمين .
خبر عاجل!!!!الصراصير !!؟؟ تحتل شقة أبو بندر المستلج بالرياض؟؟؟؟؟ 
الوضع العادي
