تبون الصدق
ذبحتونا بخصوصية السعوديه
وربي كأن السعوديه اذا استضافت بطولة بتقيمها في مكة والا المدينة
يا عيال الحلال السعودية اقوى دوري في المنطقة
وملاعبنا زباله جنب الملاعب الثانيه
وانا ما اتكلم عن ملعب الحزم والا نجران وغيرها
انا اتكلم عن استاد فيصل بالرياض
ومحمد بن فهد في الدمام
وعبد الهل الفيصل في جده
والبقيه حدث ولا حرج
السعوديه بكل بساطه عاجزه انها تستضيف الدوري المحلي على اراضيها
وبعدين وش دخل الحج؟؟؟
وتكلمون كأن حنا متفضلين على العالم باستضافة حجاج الله
قطر اجتهدت و"دفعت" ونجحت
بيض الله وجيهم مليون مره
وحنا على استاد الملك فهد
وربي ان السعوديه ما تقدر حتى تستضيف كاس اسيا سواء للمحترفين والا الامم
خلونا نكون واقعيين يالربع
وخلونا نحسن ملاعبنا وبعدها خير انشالله