الان اتضحت الامور لمن يهاجم (ياسر) ليل نهار - صفحة رقم 2 - نادي الهلال السعودي - شبكة الزعيم

عأشق القناص20 · #1 03/12/2010, 03:18 PM

مشكوور اخووي
بتووفيق ليااسر في المنتخب ونادي الهلال

هلاليـ للابد ـه · #2 03/12/2010, 03:53 PM

عندي اتحاديه ونصراويه دايم يقولن ان ياسر يجامل على حساب المنتخب
ولما لعبوا مهند و ريان قالن حرام انضلموا لانهم يلعبون بالهجوم لوحدهم
قلت الله اكبر وياسر ما انضلم بالعب لوحده

HALILY · #3 03/12/2010, 03:23 PM

ان شاء الله يرررجع ياسر 2007 بإذن الله

مشكور أخوي تقبل مروري...

ابو محمد وعبدالله · #4 03/12/2010, 04:03 PM

انتم وش فيكم الله يهديكم ما عندكم الا ياسر ياسر حتى لو ياسر مصاب تكلمون عنه طيب صاحب الموضوع اقدر اهتمامك وغيرتك على الهلال ولاعيبة الهلال بس لي وجهة نظر في موضوعك بصراحه اشوف انكم مركزين على ياسر في كل صغيره وكبيره وهذا موضوعك يفند كلامي انت الحين حاط مقارنه بين ياسر وبين مهند عسيري لا تقارن ياسر بحد ياسر ياخوي افضل مهاجم مر على تاريخ الكوره السعوديه وحنا عارفين مقتنعين بذا الشي والناس الثانيه اللي ما همها الا كل شي يخص الهلال ويصيدون بالمويه العكره ما عليك منهم خلهم يتكلمون لاني انا وانت وكل محب للهلال عارفين ان ياسر دايم تحت المجهر ومسكين اللي ما عنده ياسر
خلو ياسر على راحته وبتشوفون بعيونكم وشلون ياسر يجيب لكم البطولات طبعا مع زملائه الاعبين لان ياسر اتوقع ما اجزم يمكن انه يدخل المنتدى ويشوف وش قاعدين نكتب عنه ويتاثر بكلامك
تحياتي للجميع

التورنيدو20 · #5 04/12/2010, 04:56 PM

إقتباس

الرسالة الأصلية كتبت بواسطة ابو محمد وعبدالله


	انتم وش فيكم الله يهديكم ما عندكم الا ياسر ياسر حتى لو ياسر مصاب تكلمون عنه طيب صاحب الموضوع اقدر اهتمامك وغيرتك على الهلال ولاعيبة الهلال بس لي وجهة نظر في موضوعك بصراحه اشوف انكم مركزين على ياسر في كل صغيره وكبيره وهذا موضوعك يفند كلامي انت الحين حاط مقارنه بين ياسر وبين مهند عسيري لا تقارن ياسر بحد ياسر ياخوي افضل مهاجم مر على تاريخ الكوره السعوديه وحنا عارفين مقتنعين بذا الشي والناس الثانيه اللي ما همها الا كل شي يخص الهلال ويصيدون بالمويه العكره ما عليك منهم خلهم يتكلمون لاني انا وانت وكل محب للهلال عارفين ان ياسر دايم تحت المجهر ومسكين اللي ما عنده ياسر خلو ياسر على راحته وبتشوفون بعيونكم وشلون ياسر يجيب لكم البطولات طبعا مع زملائه الاعبين لان ياسر اتوقع ما اجزم يمكن انه يدخل المنتدى ويشوف وش قاعدين نكتب عنه ويتاثر بكلامك تحياتي للجميع

هلابك أخي أنا مثلك ولاأؤيد احد يكتب عن ياسر مدحا اوقدحا .........ولكن مادفعني للكتابه لاضرب لبعض هالدروج مثل حي لعلهم يفهمون هاهو المنتخب على النهائي ورأس حربته لم يسجل ويعطيه عافيه عسيري ماقصر مع انه ماسجل .........وياسر يسجل على طول وماهو مرضيهم
هم يبغون ياسر يركض طوال المباراه واللاعب الان يكتسب خبره يوم بعد يوم ومن يكتسب خبره يستطيع ان يصنع الفوز بمجهود أقل
ياسرهداف وماشاءالله يتيح لزملائه التسجيل وعندما تكون على مرمان كره ركنيه اوفاول اصبح أفضل من يقف لصدها..........بس ياشيب عيني وش تقول ببعض من ابتلى بهم الهلال من مشجعين

سلمان الحربي10 · #6 03/12/2010, 11:18 PM

اي والله صادق اخوي
مايصدقون لو لاعب هلالي يضيع ركله جزاء او لم يكون فيه مستواه في المبارة
على طول يهجمون عليه .وينتقدووه
السبب هو انه لاعب هلالي

ناس وربي ماتخاف ربها

التورنيدو20 · #7 04/12/2010, 01:36 AM

مشكورين ياأخوان على مروركم وان شاءالله ستدك التورنيدو مرمى الخصوم بالقذائف أشكال وألوان ولن تنسى ترسل قذائفها لأعين كل من حارب وانتقد أفضل مهاجم في تاريخ الزعيم ومن تربع على عرش اسيا

احب الزعامه · #8 04/12/2010, 06:29 AM

مشكور اخوي عالموضوع
الاكثر من رائع
ويارب يوفق ياسر
ويبعد عنه عيونهم
ويقدم افضل ماعنده

كاكا 8 جيرارد · #9 04/12/2010, 04:40 PM

مشكلة ياسر انه اصيب بامرين
اولها : التشبع من البطولات والانجازات وعدم وجود الرغبة في تحقيق الجديد
ثانيها : اعطاء الثقة المطلقة في ياسر دون غيره من اللاعبين مما جعله يشعر انه مهما فعل فسيبقى اساسيا وعلامة فارقة في الفريق

وعلى فكرة لو الوزن مشكلة ماكان البرازيلي رونالدو مبدع مع الميلان في نصف موسم قبل ان تنهيه الاصابة
واتمنى فعل شيء يحرق ويشعل حماس ياسر في الداخل ورغبته في تحقيق اشياء جديدة
وتقبلوا تحياتي

شذى · #10 06/12/2010, 12:41 AM

ومنهو اللي ينتقد ياسر ياسر كلا يتمناه وجوده بالملعب عن 10 لاعبين

صدقني هلالي · #11 06/12/2010, 01:06 AM

السلام عليكم

وهل تقارن (ياسر) بالفقاعه مهند عسيري حرام عليك الجمهور الهلالي ينتقد ياسر ولا تصفها بالمهاجمه عزيزي

والانتقاد وسيلة للنجاح

موضوعك فيه مبالغة شوي

شكراً لك ..

سعودي وهلالي20 · #12 06/12/2010, 04:09 PM

الله يعطيك العافيه والله موضوع جيد والله يكون بعون ياسر من؟؟؟؟؟؟؟

No E7tkak H · #13 03/12/2010, 03:28 PM

::
الهلال بحاجة لمهاجم اجنبي (هداف) لمصلحة الهلال وياسر ان يأتي المهاجم الاجنبي
من بعدها ياسر وعيسى راح يشدون حيلهم ويحاولون يثبتون انفسهم
ويكون فيه تنافس بين مهاجمين الهلال المحلين والاجنبي
وبكل تأكيد هذا الشي من مصلحة الهلال
وان شاء الله يرجع لنا ياسر زمان
بالتوفيق لنجوم الزعيم جميع
تح ــيااااااااااااااتــي

asheq_alz3eem-20 · #14 03/12/2010, 03:41 PM

اللي يتعرض له ياسر حملات من التهجم يقودها الاصفرين

اول من تهجم على ياسر الهريفي والحين بدا بالشلهوب والغنام

وبعدها اعلام الاصفرين

ثم الان جماهيرهم القذره وتردديها للاهزوجه البذيئه

واخيرا اعضاء في المنتدى يشنون هجوم لاذع على ياسر وميولهم ليست هلاليه

وجمهور الزعيم للاسف البعض منهم طبعا انجرف خلف تلك الحملات

مشكور اخوي على الموضوع

وتقبل مروري

20 عشقي الزعيم 20 · #15 06/12/2010, 08:00 AM

إقتباس

الرسالة الأصلية كتبت بواسطة asheq_alz3eem-20


	اللي يتعرض له ياسر حملات من التهجم يقودها الاصفرين اول من تهجم على ياسر الهريفي والحين بدا بالشلهوب والغنام وبعدها اعلام الاصفرين ثم الان جماهيرهم القذره وتردديها للاهزوجه البذيئه واخيرا اعضاء في المنتدى يشنون هجوم لاذع على ياسر وميولهم ليست هلاليه وجمهور الزعيم للاسف البعض منهم طبعا انجرف خلف تلك الحملات مشكور اخوي على الموضوع وتقبل مروري

والله العظيم هذا الكلام اللي يدور في خاطري من زمان والله لا يضرك كفيت ووفيت وياليت من كل هلالي صميم يقتنع في ذا الشي ولا يتأثر من اعـــــــــــــــــــــــــــــــلام الأصفـــــــــــــــــــــرين
ولاهنت على الموضع