السلام عليكم ورحمة الله وبركاته


الموضوع برعايه هالحبيب >>


تعرفون اولمبياد غوانزو ؟؟ < ياجماعة الخير الفيس هذا مصرّ يسدح نفسه بعد كل جملة عن هالسالفه

المهم هالاولمبياد من ضمن الوفد السعودي او البعثه السعودية المشاركة فيها ( منتخب السنوكر ) طبعاً الى هنا وكل شيء حلو ..
طبعاً .. البعثه راحت هناك وكان من ضمنها مدرب المنتخب محمد صالح محمد ( افغاني الجنسية )
اللي يعوّل عليه المسؤولين الشيئ الكثير لـ قيادة الاخضر للميداليه الذهبيه ..!


المهم يوم يوصلون هناك .. الا والله القرعه حاطتهم بوجه المنتخب ( الافغاني ) بلد المدرب !!!!!
اكيد اول ماطرى في بالكم ان المدرب اعتذر عن قيادة المنتخب امام منتخب بلده ؟؟ لا لا ياليتها ذي
اكيد بعد طراكم انه انحاش ؟؟ لا لا ؟؟ طيب البعض يمكن يتوقع انه علّم اخوياه الافغان بتكتيك المنتخب مثلا ؟؟ لا لا


تتوقعون وش صار ؟؟؟





اخونا في الله المدرب ( طلع لاعب مع المنتخب الافغاني اللي بيلعب ضد المنتخب السعودي )
المهم .. ابو خان سحب سحبة الييييـمه على منتخبنا ولعب ضده في المباراة المصيريه ..
و صكّ المنتخب قليل الخاتمه 3 /0



المشكله المنتخب الافغاني اللي يقوده مدربنا العظيم انهزم وطلع من المباراة اللي بعدها ..!
عاد وسيع الوجه ( ابو خان ) بعد ماطلع منتخبه الافغاني رجع للمنتخب السعودي اللي يدربه ..
وعاد مع نفس البعثه للرياض مدري جده وبالماريه يقولون شايفينه امس عند حدا مخابز التميس ..!


و رئيس البعثه مدري الاتحاد .. يهدد ويتوعد انه بيلغي عقده ويخليه يدفع الشرط الجزائي
ويؤكد للجميع : بان المنتخب في ايدٍ امينه بفضل الله ثم بفضل ( الخطط المدروسه )
والاهتمام الذي يوليه عطني وولد اخوه << القلوب دحلسه

ههههههههههههههههههههههههه

بجـد ؟؟؟
ماااصدق
أما ان صار حق وحقيقي ؟؟؟
فالسالفه بجد تحفـــــه
صدق قوووي وجه بعد !!
ضحكتني الله يضحكك

ههههههههههههههههههههههههههههه

يعطيكم الف عافيه على المرور ..!!!

انا قايل في العنوان انكم مستحيل تصدقون لأنه شيئ مايخش العقل لكن ..
رياضتنا ماشاء الله زيّهـا زيّ ( تايد للغسيل ) مافيه شيئ مستحيـل


الخبر صحيح مليون في المئه .. ! وارجعوا لصحف اليوم وشوفوا الخبر متصدر العناوين
اللي اتخيله وجه رئيس البعثه وهو يشوف الافغاني يلعب ضدهم ويصكهم .. وهم جايبينه يفوّزهم

والله مشكله هالاتحاد السعودي كفانا نفاق اتحاد لابد من تغييره من الرئيس والنائب الي اصغر واحد

هههههههههههههههههههه
اتحاد مصخره ورئيس مصخره ونائب مصخره والكل مصخره في مصخره
خلاص يا سلطان انت واسير الشوق والله ماعاد تنفعون قسم بالله ان الجمهور كره الرياضه السعوديه واي شي يتعلق فيها منكم فارقونا الله لايردكم

ياخي لا تلومه يبي يفزع مع عيال عمه وعيال خالته وخواله وجماعته

حتى الافغان يلعبون علينا


بس ترى المفروض اللجنة الاولمبية تكتشف هالشي مو اتحاد البالونات حقنا

إقتباس تخيلوا لاعبين منتخب السنوكر يواجهون على الطاولة مدربهم خخخخخخ

ههههههههههههههههههههههه
هههههههههه
شيء عجيب غريب
يعني لهدرجة ما عنده ضمير هذا

طيب ليه ما يوقف منتخبنا من اللعب ويقول : هذا مدربنا << ههههههههههه

إقتباس الرسالة الأصلية كتبت بواسطة كرستيانوا العرب ههههههههههههههههههههههه هههههههههه شيء عجيب غريب يعني لهدرجة ما عنده ضمير هذا طيب ليه ما يوقف منتخبنا من اللعب ويقول : هذا مدربنا << ههههههههههه

من جد حتى لاعبينا اغبياء لذي الدرجه ولا خايفين من الأفغاني

الشرهه على منتخبنا والدروج اللي معه مكملين المباراة ولا احتجوا صدق ..........مدري شقول

بس عادي بكره اذا رجعو ان شاء الله بيطبطبون عليه ويقولون لاعاد تعيدها

و رئيس البعثه مدري الاتحاد .. يهدد ويتوعد انه بيلغي عقده ويخليه يدفع الشرط الجزائي
ويؤكد للجميع : بان المنتخب في ايدٍ امينه بفضل الله ثم بفضل ( الخطط المدروسه )
والاهتمام الذي يوليه عطني وولد اخوه << القلوب دحلسه


لاولاهم ناين يتركون الرياضه وراثه وحق مكتسب وحلالنا ووووووتطول القائمه الله بس يصبرنا عليه هو وولد اخو والله يرحم فيصل راح وراح كل شي زين معه