في البداية ........ هارد لكم التعادل وقبل كذا المستوى الهزيل للفريق :PI :NJU
**** قبل المباراة ****
- توهقت وحضرت قبل المباراة بساعة :LKO ... لاني احسبها 6:30 وهي 7:30 ....:OPLP ........ بس ولو خويكم ذيب ...... حفظت كل دعيات الملعب الجديدة (هذيك الي تدور):OPLP
- كان جنبي أصغر مشجع هلالي حضر المباراة (4 سنوات) والي أحرج الجماهير بكثرة تشجيعه وحماسه الزايد :Kkk كان يردد باستمرار (((هلال هلال هو هو))) ........ بس الضعيف تعب مع بداية الشوط الاول ........ونام:PU ...................... إنه عشق الزعيم:Kkk
- ما زال الهلال يفتقد جماهيره (جماهير مدينة الرياض) والذين يبخلون كثيرا على ناديهم بأقل الاشياء ......... يعني بالعربي أحضروا يا شباب:PI
- واخير نزل اللاعبين للتسخين ودليت اسوي كذا :PY ............ بلا والله طقني الهم
- بلاتشي كان متفاعل مع الجماهير بشكل ملفت للانتباه ....... كان مزاجه رايق قبل المباراة ..ولكن ؟؟؟؟؟
**** الشوط الأول ****
- كان وسط الهلال او بالاصح الهلال باكملة من غير هويه ...... يعني الكورة تلقى عندها 4 او 5 لاعبين من الهلال
- القاضي (لاعب الرياض) كان يستخف دمه مع الجابر كثير ..... يعني مدري يبغى ينرفزه ولا ايش :PI :ZS
- ومن المهنا الى العقيلي ويا قلب لا تحزن .... لا وكملها رجل الخط التعبان :Q الي هو في وادي والكورة في وادي ......... اجل فيه احد يحسب تسلل من الآوت:C:
- الشهراني حسبت له ثمان تمريرات خاطئه بغت توهقنا
- كان بلاتشي كثير النرفزه على اللاعبين .. :PI والله معه حق
- بعد نهاية الشوط الاول صحى هذاك الصغير :QAZXSW ذكرتوه؟ ..... وبدا يشجع من جديد :PY ولكن للاسف نام :PU مع بداية الشوط الثاني ................ والله انه ابرك من الف واحد يقول اني هلالي
**** الشوط الثاني ****
- انتشر الهلال في هذا الشوط اكثر .... ولكن ما كان فيه احد يلعب
- الوسط ضايع تماما ......... والله العظيم الهلال يلعب من غير وسط فعلا (عزيز و الشهراني را جعين ورا والصالح متقدم) ما فيه الا سامي
- تحسن اداء الشهراني في هذا الشوط فقد مرر 6 تمريرات خاطئه فقط في هذا الشوط ؟؟؟؟؟؟؟؟:NJU
**** تقييم اللاعبين من وجهت نظري الخاصة ****
الشريدة (ابو مبارك) 10/10 :Kkk
خليل 10/10:Kkk
مجرشي 5/10
لطف 3/10 (من جد اتمنى التوفيق للطف ولكن ليس على حساب الزعيم)
عزيز 5/10
الصالح 5/10
الشهراني 2/10 (مدري وش أقول؟؟؟؟؟)
العلي مازال يعرض مسلسلة المكسيكي بعنوان (كيف تبربس امام المرمى):H
صوماليا 4/10 احترنا معه
الدوخي 5/10 كبدايه جيد
القنات
اما عن سامي والدعيع ...... فبصراحة ما عنده سالفة الي يستنى تقييمهم من اي شخص
:OKI انا داري انه بيجي واحد بيتميلح ويقول ..والثنيان وينه ؟......... انا قايلكم مهوب انا الي اقيم الثنيان:Kkk :KJIS
وتحياتي لكم
صراحة موب صاحي زيدان 
رد:شي ما شفتوه (الهلال /الرياض) 
هذا التشجيع والا فلا هذا الاخلاص 
الوضع العادي
