السلام عليكم ورحمة الله وبركاته

وحده من المشاكل اللي اوجهها في المنتدى هو الوقت المناسب لطرح موضوع او راي
لانه بقدره قادر ( ينقز ) في وجهك جني يبي بس يعترض واقرب حجه له ( هل ترى ان طرح مثل هذا الموضوع في مثل هذا الوقت الحساس في صالح الفريق ) وسبحان الله كل الاوقات عنده حساسه منتصف الموسم او اخر الموسم او حتى في المعسكر الخارجي او فتره توقف الدوري او رمضان او فترة الانتقالات كلها اوقات حساسه عنده مدري متى الوقت اللي يشوفه زين علشان يقبل راي الاعضاء الباقين
المهم الوقت حساس او منحاس كلها عندي سوا اليوم وبخربها واقول اللي في خاطري

اولا وقبل كل شيء يقول الرسول صلى الله عليه وسلم ( الأرواح جنود مجندة فما تعارف منها ائتلف و ما تناكر منها اختلف ) حديث صحيح

يشهد الله ان رايي في ياسر او المحياني او اي لاعب لايحكمه حب او كره
سبق وان كتبت عن عيسى المحياني وياسر القحطاني وما اختلف في فكرتي ونظرتي لهالاعبين الاثنين وللتذكير فقط هذا رابط لموضوع سابق فيه رايي كامل
http://vb.alhilal.com/t853636.html <--اضغط هنا

اليوم اظنه وقت مناسب لان مافيه وقت حساس واللي يبي يعترض بيعترض على رايي ماهو معترض على الوقت الا اذا كنا متأهلين الي نهائي اسيا وانا نايم مادريت او الخميس عدنا ديربي

اكثر من 35 سنه وانا اتابع واشجع واحضر المباريات والتدريبات لعشقي نادي الهلال
لنادي الهلال ميزه لاتوجد في اندية السعوديه كلها وهي ميزه ( المهاره ) عند لاعبين الهلال بدون استثناء حتى عند حراس المرمى
وكل مدرب يوظف مهارات اللاعبين على حسب خطته سوا تعتمد على اللعب الفردي او الجماعي
فمهارات ياسر تخلخل الدفاعات وتفتح فراغات ومساحات للاعبين الوسط ونلاحظ هذه الطريقه مع جيرتس ودائما ماتكون النتيجه مبهره وماعرفنا الخمسات الا مع هالطريقه ولا صار لاعب وسط هداف الا والموجود مهاجم مهاري درجة اولى

دائما نقراء اراء الاخوان بخصوص المهاجم الصريح او التقليدي ولا اعرف متى شاف فريق الهلال يلعب براس حربه تقليدي انا على مر التاريخ ما عمري شفت الهلال ( فلح ) مع راس حربه تقليدي الا اذا كان العنبر والحيائي مثالين جيدين للتشبيه
ما توهج الهلال الا بمهاجمين مهاريين ابتداء من هذال الي سامي و ياسر مرورا بصفوق والجمعان الثنيان العشيان وسيرجيو الخ

ماراح اعيد رايي في المحياني لكن بزيد عليه اخوه وليد الجيزاني نفس العينه

اختصار للموضوع وعلشان ما اتعب اللي يبي يقراه
الهلال يحتاج الي مهاجم من فئة ياسر يعني نحتاج الي مهاجم مهاري وسريع ومزعج للدفاعات

بعد بحث اخذت في الاعتبار امور كثيره لقيت لاعب واحد فقط
قيمته اتوفع مناسبه
مسلم عربي كويتي عمره 25 سنه احترف في ملقا الاسباني ومرشح ضمن ال15 لاعب اسيوي لجائزة افضل لاعب اسيوي لعام 2010
6 سنوات سجل خلالها اكثر من 160 هدف في مباريات رسميه اووديه مع منتخب بلاده او ناديه
خلال مسيرته مع كر القدم اضاع ضربتين جزاء من اكثر من 29 ضربة جزاء نفذها

انه
بدر المطوع لاعب نادي القادسيه والمنتخب الكويتي

سامي الجابر حلفتك بالله ذكرني بكوره استلمها وسلمها صح اليوم المحياني او وليد الجيزاني ( مع ملاحظه ان الاستلام التسليم هو حرف الالف من ابجديات لاعب فريق كرة القدم )

همسه لسامي
عطوا فيصل الجمعان فرصه لانني اشوفه من فئة الكبار بس يحتاج فرصه واتوقع بيصنع شيء ماكنتوا تتوقعونه

ياسر انتهى ..."

يبغى لنا 2 مهاجمين أجانب وركن ياسر بالدكة حتى يراجع حساباته ولايهون عيسى ."

إقتباس الرسالة الأصلية كتبت بواسطة NAIF 20 ياسر انتهى ..." يبغى لنا 2 مهاجمين أجانب وركن ياسر بالدكة حتى يراجع حساباته ولايهون عيسى ."

سبحان الله دقيقه وحده قرأت الموضوع وفهمته ورديت عليه

اشكر تفاعلك وردك ووقتك

شكراً لك كلام جميل


لاهنت يالغلا

بالتوفيق لزعيمنا

،

7

لعيون شبيه الريح

http://vb.alhilal.com/t952393.html

الهلال محتاج مهاجم اجنبي من نوعية

سيرجو و موسى نضاو

داااايم نقول نبي مهااااااجم ... واتمنى من الادارة ... سرحو نفس ولا ولي

كلامك على العين والراس ,, بس انت ظلمت الجيزاني ,, حرام عليكم من ايام المعسكر مع قيرتس وبعد ماضمه الهلال مالعب ولا نص ساعة !!! انت حكمت عليه من لعبه مع الشباب و الحزم وليس الهلال

الجيزاني كان هداف الحزم الموسم الماضي ,, لازم يعطى فرصة خاصة في ظل غياب ياسر ,, ياليت نشوفه اساسي مع الاهلي ويلعب مبارة كامله وبعدها نحكم عليه

اما المحياني <<< اللاعب هذا مدري كيف جاب قول على النصر !!!

المشكله في الفريدي ياصديقي لو يلعبون بداله اي احد فيه عبدالعزيز الدوسري
افضل منه بكثييييييييييير يعني ياصديق بالعربي لو روني يلعب ومعه الفريدي ماراح يجيب ولا هدف
بتلقى روني مع الدفاع لان الفريدي بيسوي انواع المرتدات للخصم

والله مع احترامي للمحياني والجيزاني بصراحه مايقارنون بياسر

الله يوفق الزعيم يارب ؛؛؛

يا لغالي ياسر هو مهاجم من فئة النخبه ... مهاجم وراس حربه لم ياتي ولن ياتي بالهلال بمثله انسان مهاري ويلعب بعقله قبل قدمه ووتبي تعرف اللاعب اللي مخه نظيف شف طريقة تحركه او هروبه من المدافعين لحظة انطلاقه للكره ... انا شفت في ياسر شي صعب تلقاه في اي مهاجم سعودي .. وهو انه يقراء فكر زميله الذي يريد ان يعكس او يرفع له الكره بان ينطلق الى مكان يتوقع ان زميله سوف يمررها له هنا .. وفي نقس الوقت طريقة هروبه من المدافع بلمح البصر
ما اريد ان اصل اليه ان ياسر يلعب بتركيز عالي واحترافي لم ولن يوجد له مثيل على مستوى الكره السعوديه على امتداد ازمانها

مباراة القادسية اكد لنا كجمهور بحاجة الهلال لمهاجم في ظل تواضع مستوى جميع المهاجمين بالهلال
ننتظر 10 يناير من اجل جلب مهاجم باسرع وقت
كلمة ( انكشف الحال بعدك ياياسر ) ياسر خلال 3 سنوات الماضيه لم يقدم الشئ الذي يذكر له
والدليل على ذلك مفاوضة الادارة لـ 3 مهاجمين وهذا يدل على انخفاض مستوى اللاعب
يمكن ان تكون الاصابات عذر لنجومية ياسر
سامي الجابر من وجهة نظري هو المتسبب لتعادل الهلال مع القادسية
مثل دخول فهد الجهني علشانه سجل بالقادسية 4 اهداف وخروج الفريدي الذي لا يستحق التبديل
خروج ويلى ودخول الجمعان هو ليس مركز الجمعان
خروج المحياني ودخول الجيزاني تبديل عادي جدا
انا اتفق معك ببدر المطوع مهاجم رائع ويستحق الانضمام للهلال

والله قلتها مليون مره وعارضوني كثير

ايدك بكل كلمه

فيه نااس مايحبون ياسر لو يسجل لك بالمبارات 10 اهدااف

يجونك من اقصاهم يسبون فيه ويمدحون الاحتياط لياسر

اول ذبحونا بالصويلح افضل من ياسر

راح الصويلح جونا بعيسى

لو يروح عيسى ويجي لاعب ثاني بيرفعونه فوق وينزلون بيااسر

هذي عينه بسيطه اللي يريحنا منها

لانهم مايعرفون التشجيع يبون يحبطون بس

راح تشوف بالمباريات الجاايه تاثير ياسر

تمنيته موجود ياسر اذا ماسجل صنع لاعب كبير وبشهادة الجميع

ماعليك من اللي وده ينزل موضوع وماعنده غير ياسر يخسف فيه يبي ردود لموضوعه

بالنسبه لبدر المطوع ايدك مليون بالميه لاعب كبير مايختلف عليه اثنين

من زمان عاجبني واتمنى انه يجي الهلال صدقوني مكسب

وماراح يكلف كثير

الله يكتب اللي فيه خيره للهلال